ಇಂಡಿಯನ್ ಪ್ರಿಮಿಯರ್ ಲೀಗ್(ಐಪಿಎಲ್) 9ನೇ ಆವೃತ್ತಿಯ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಮತ್ತು ದೆಹಲಿ ಡೇರ್ ಡೆವಿಲ್ಸ್ ನಡುವಿನ ಪಂದ್ಯದಲ್ಲಿ ಆರ್ ಸಿಬಿ ನೀಡಿದ್ದ 192 ರನ್ ಗುರಿಯನ್ನು ಬೆನ್ನಟ್ಟಿದ ಡೆಲ್ಲಿ ಡೇರ್ ಡೆವಿಲ್ಸ್ ತಂಡ 11 ಓವರ್ ಗಳಲ್ಲಿ 100  ರನ್ ಗಳನ್ನು ಕಲೆ ಹಾಕಿದೆ. ಆರಂಭಿಕ ಓವರ್ ನಲ್ಲೇ ಪ್ರಥಮ ವಿಕೆಟ್ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುತ್ತು. 

ಸಿಕ್ಸರ್ ಬೀಸಲು ಯತ್ನಿಸಿದ ಶ್ರೇಯಸ್ ಅಯ್ಯರ್ ಡೇವಿಡ್ ವೈಸೆಗೆ ಕ್ಯಾಚ್ ನೀಡಿ ಪೆವಿಲಿಯನ್ ನತ್ತ ನಡೆದರು. ನಂತರ 5 ಓವರ್ ಗಳ ವರೆಗೆ  ಸಂಜು ಸ್ಯಾಮ್ಸನ್- ಕ್ವಿಂಟನ್‌ ಡಿ ಕಾಕ್‌ ಜೊತೆಯಾಟ ಆಡಿದರಾದರೂ 5 ನೇ ಓವರ್ ನ 4 ನೇ ಎಸೆತದಲ್ಲಿ ದೊಡ್ಡ ಹೊಡೆತಕ್ಕೆ ಯತ್ನಿಸಿ ಸ್ಯಾಮ್ಸನ್  ಆರ್ ಸಿಬಿ ತಂಡದ ಚಾಹಲ್‌ ಗೆ ಕ್ಯಾಚಿತ್ತು ಹೊರನಡೆದರು ಪ್ರಸ್ತುತ ಕ್ರೀಸ್ ನಲ್ಲಿರುವ ಕ್ವಿಂಟನ್‌ ಡಿ ಕಾಕ್‌- ಕರುಣ್ ನಾಯರ್ 11 ಓವರ್ ಗಳಿಗೆ 100 ರನ್ ಪೇರಿಸಿದ್ದಾರೆ.