ನವದೆಹಲಿ: ಫಾರ್ಮ್ ಕಳೆದುಕೊಂಡಿರುವುದಕ್ಕೆ ಕ್ರಿಕೆಟಿಗರು ಏನೇನೋ ಕಾರಣಗಳನ್ನು ಕೊಡುತ್ತಾರೆ. ಆದರೆ ಟೀಂ ಇಂಡಿಯಾದ ಮಾಜಿ ವೇಗಿ ಮೋಹಿತ್ ಶರ್ಮಾ ಮಾತ್ರ ನನ್ನ ಕಳಪೆ ಫಾರ್ಮ್ ಗೆ ಕೂದಲು ಉದುರುವಿಕೆ ಕಾರಣ ಎಂದು ಹೇಳಿದ್ದಾರೆ. 

ಕೆಲ ಸಮಯದ ಹಿಂದೆ ಇದ್ದಕ್ಕಿದ್ದಂತೆ ನನ್ನ ತಲೆಕೂದಲು ಉದುರತೊಡಗಿತು. ಇದು ನನ್ನ ಆತ್ಮವಿಶ್ವಾಸವನ್ನೇ ಕಸಿದುಕೊಂಡಿತು. ಅದು ನನ್ನ ಆಟದ ಮೇಲೂ ಗಂಭೀರ ಪರಿಣಾಮ ಬೀರಿತು ಎಂದು ತಲೆಕೂದಲು ಕಸಿ ಕೇಂದ್ರವೊಂದರ ಕಾರ್ಯಕ್ರಮದಲ್ಲಿ ಭಾಗಿಯಾಗಿದ್ದ ವೇಳೆ ಹೇಳಿದರು. 

ಮೋಹಿತ್ ಶರ್ಮಾ ಕಡೆಯ ಪಂದ್ಯ ದಕ್ಷಿಣಾ ಆಫ್ರಿಕಾ ವಿರುದ್ಧ ಆಡಿದ್ದರು. ಏಕದಿನ ಪಂದ್ಯದಲ್ಲಿ ಮೋಹಿತ್ ಶರ್ಮಾ 7 ಓವರ್ ಗಳಲ್ಲಿ 84 ರನ್ ನೀಡಿ ದುಬಾರಿಯಾಗಿದ್ದರು. ಆ ಪಂದ್ಯದಲ್ಲಿ ಆಫ್ರಿಕಾ 50 ಓವರ್ ಗಳಲ್ಲಿ 438 ರನ್ ಸಿಡಿಸಿತ್ತು.