ಮೊಹಾಲಿ: ವಿಶ್ವ ಕ್ರಿಕೆಟ್ ನಲ್ಲಿ ಟೀಂ ಇಂಡಿಯಾದ ಸ್ಫೋಟಕ ಬ್ಯಾಟ್ಸ್ ಮನ್ ವಿರಾಟ್ ಕೊಹ್ಲಿ ಅತ್ಯಂತ ಸದೃಢ ಆಟಗಾರ ಎಂಬ ಖ್ಯಾತಿ ಗಳಿಸಿದ್ದು, ವಿಶ್ವ ಟೆಸ್ಟ್, ಏಕದಿನ ಹಾಗೂ ಟಿ20 ಮಾದರಿಗಳಲ್ಲಿ ಅತ್ಯುತ್ತಮ ನಿರ್ವಹಣೆ ತೋರುತ್ತಿದ್ದಾರೆ. 

2012ರಲ್ಲಿ ಆಸ್ಟ್ರೇಲಿಯಾ ಪ್ರವಾಸ ಹಾಗೂ ಬಾಂಗ್ಲಾದೇಶ ವಿರುದ್ಧದ ಸರಣಿಯ ಬಳಿಕ ಐಪಿಎಲ್ ನಲ್ಲೂ ಉತ್ತಮ ನಿರ್ವಹಣೆ ತೋರಲು ಸಾಧ್ಯವಾಗಲಿಲ್ಲ. ಹೀಗಾಗಿ ಸಿಹಿ ತಿಂಡಿ, ತಂಪು ಪಾನೀಯ ಸೇವನೆ, ಗೋದಿಯಿಂದ ತಯಾರಿಸಿದ ಆಹಾರ ಸೇವನೆ ಬಿಟ್ಟು ದೇಹವನ್ನು ದಂಡಿಸಿದೆ. ಇದರಿಂದ 11 ರಿಂದ 12 ಕೆಜಿ ತೂಕ ಇಳಿಸಿದೆ ಎಂದರು. 

ಮಾಜಿ ಕೋಚ್ ಡಂಕನ್ ಪ್ಲೆಚರ್ ಅವರು ಕೆಲವೊಂದು ಉಪಯುಕ್ತ ಸಲಹೆಗಳನ್ನು ನೀಡಿದರು ಅವರು ಹೇಳಿದಂತೆ ಮಾಡಲು ಮುಂದಾದೆ ದೇಹ ಫಿಟ್ ಆಯಿತು ಎಂದಿದ್ದಾರೆ. ಡಂಕನ್ ಅವರು ವೃತ್ತಿಪರ ಕ್ರೀಡೆಗಳಲ್ಲಿ ಕ್ರಿಕೆಟ್ ಅತ್ಯಂತ ಅನ್ ಪ್ರೋಫೆಷನಲ್. ಕ್ರಿಕೆಟ್ ನಲ್ಲಿ ಕೌಶಲ ಇರಬಹುದು. ಆದರೆ ಟೆನಿಸ್ ಆಟಗಾರನಂತೆ ಟ್ರೇನಿಂಗ್ ನ ಅಗತ್ಯವಿಲ್ಲ ಎಂದು ಹೇಳಿದ್ದರು. ಅಂದಿನಿಂದ ನಾನು ಫಿಟ್ ನೆಸ್ ಕಡೆ ಹೆಚ್ಚು ಗಮನ ಹರಿಸಿದೆ ಎಂದು ಹೇಳಿದ್ದಾರೆ.