ನವದೆಹಲಿ: ವೆಸ್ಟ್‌ ಇಂಡೀಸ್‌ ಕ್ರಿಕೆಟ್‌ನ ಆಲ್‌ರೌಂಡ್‌ ಆಟಗಾರ ಆಂಡ್ರೆ ರಸ್ಸೆಲ್‌ ಬಾಲಿವುಡ್‌ಗೆ ಎಂಟ್ರಿ ಕೊಡಲು ವೇದಿಕೆ ಸಿದ್ಧಗೊಳ್ಳುತ್ತಿದೆ. ಮೂವಿ ಜೊತೆಗೆ ಮ್ಯೂಸಿಕ್‌ ಆಲ್ಬಂ ಬಿಡುಗಡೆ ಮಾಡಲು ಕೆರಿಬಿಯನ್‌ ಆಟಗಾರ ರಸ್ಸೆಲ್‌ ರೆಡಿಯಾಗಿದ್ದಾರೆ.
ಸಿನಿಮಾದಲ್ಲಿ ವೃತ್ತಿ ಪ್ರಾರಂಭಿಸಲು ರೆಡಿಯಾಗಿದ್ದೇನೆ. ಅತೀ ಶೀಘ್ರದಲ್ಲಿಯೇ ನನ್ನ ಮೊದಲ ಅಂತಾರಾಷ್ಟ್ರೀಯ ಮ್ಯೂಸಿಕ್‌ ವಿಡಿಯೋ ಬಿಡುಗಡೆಯಾಗಲಿದೆ. ಜೊತೆಗೆ ನನ್ನ ಗಮನವನ್ನು ಮುಖ್ಯವಾಗಿ ಭಾರತದ ಮೇಲೆ ಹರಿಸಿದ್ದು, ಬಾಲಿವುಡ್ ಚಿತ್ರಗಳಲ್ಲಿ ನಟಿಸಲು ತಯಾರಿ ನಡೆಸಿದ್ದೇನೆ ಎಂದಿದ್ದಾರೆ.
ರಸ್ಸೆಲ್‌ ಅವರ ಮ್ಯೂಸಿಕ್‌ ವಿಡಿಯೋವನ್ನು ಲಾಸ್‌ ಏಂಜಲೀಸ್‌ನ ಜೆಮಿನಿ ಮ್ಯೂಸಿಕ್‌ ನಿರ್ಮಿಸಿದೆ. ಗ್ರ್ಯಾಮಿ ಪ್ರಶಸ್ತಿ ವಿಜೇತ ಸಿಂಗರ್‌ ಜಸ್ಟಿನ್‌ ಬೈಬರ್‌ ಅವರ ಇತ್ತೀಚಿನ ಆಲ್ಬಂ 'ಸಾರಿ' ಅನ್ನು ಇದೇ ಸಂಸ್ಥೆ ನಿರ್ಮಿಸಿತ್ತು. ರಸ್ಸೆಲ್‌ ಅವರು ಕೂಡಾ ತಮ್ಮ ಮ್ಯೂಸಿಕ್‌ ಆಲ್ಬಂ ಅನ್ನು ಇದೇ ವರ್ಷ ಬಿಡುಗಡೆ ಮಾಡಲಿದ್ದಾರೆ.
ಈ ಹಿಂದೆ ವೆಸ್ಟ್‌ ಇಂಡೀಸ್‌ ಕ್ರಿಕೆಟ್ ಆಲ್‌ರೌಂಡರ್‌ ಡ್ವೇನ್‌ ಬ್ರಾವೋ ಸಹ ಮ್ಯೂಸಿಕ್‌ ಆಲ್ಬಂಗಳನ್ನು ಮಾಡಿದ್ದರು. ಬ್ರಾವೋ 'ಚಾಂಪಿಯನ್‌', 'ಜಾಗರ್‌ಬಾಂಬ್‌' ಮತ್ತು 'ಟ್ರಿಪ್‌ ಅಭಿ ಬಾಕಿ ಹೈ' ಎಂಬ ಆಲ್ಬಂಗಳನ್ನು ಬ್ರಾವೋ ತಯಾರಿಸಿದ್ದರು.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics