ರಾಜ್ ಕೋಟ್: ಟೀಂ ಇಂಡಿಯಾದ ಆಲ್ ರೌಂಡರ್ ರವೀಂದ್ರ ಜಡೇಜಾ 6 ಎಸೆತಗಳಲ್ಲಿ 6 ಸಿಕ್ಸರ್ ಸಿಡಿಸಿ ದಾಖಲೆ ಬರೆದಿದ್ದಾರೆ. 

ಸೌರಾಷ್ಟ್ರ ಕ್ರಿಕೆಟ್ ಸಂಸ್ಥೆಯ ಅಂತರ-ಜಿಲ್ಲಾ ಟಿ20 ಪಂದ್ಯಾವಳಿಯಲ್ಲಿ ರವೀಂದ್ರ ಜಡೇಜಾ ಈ ಸಾಧನೆ ಮಾಡಿದ್ದಾರೆ. ಜಾಮ್ ನಗರದ ಪರ ಕಣಕ್ಕಿಳಿದ ಜಡೇಜಾ, ಅಮ್ರೆಲಿ ತಂಡದ ಬೌಲರ್ ನಿಲಮ್ ವಮ್ಚಾ ಓವರ್ ನಲ್ಲಿ 6 ಸಿಕ್ಸರ್ ಬಾರಿಸಿದರು. 

ಇನ್ನು ಪಂದ್ಯದಲ್ಲಿ 69 ಎಸೆತಗಳಲ್ಲಿ ಜಡೇಜಾ 154 ರನ್ ಸಿಡಿಸಿದರು. ಇನ್ನಿಂಗ್ಸ್ ನಲ್ಲಿ ಜಡೇಜಾ 15 ಬೌಂಡರಿ ಹಾಗೂ 10 ಸಿಕ್ಸರ್ ಬಾರಿಸಿದ್ದಾರೆ. ಜಾಮ್ ನಗರ ತಂಡ 239 ರನ್ ಕಲೆಹಾಕಿತ್ತು. ಅಲ್ಲದೇ 121 ರನ್ ಗಳಿಂದ ಜಯವನ್ನು ಸಾಧಿಸಿದೆ.