ಮುಂಬೈ: ಅಂಡರ್ 19 ಭಾರತ ತಂಡದ ಕೋಚ್ ರಾಹುಲ್ ದ್ರಾವಿಡ್ ಸೇರಿದಂತೆ ಆಟಗಾರರಿಗೆ ಮತ್ತು ತಂಡದ ಸಿಬ್ಬಂದಿಗೆ ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ(ಬಿಸಿಸಿಐ) ದಿನಭತ್ಯೆ ನೀಡದಿದ್ದರಿಂದ ತಂಡ ಆರ್ಥಿಕ ಸಂಕಷ್ಟ ಎದುರಿಸುತ್ತಿದೆ.

19 ವಯೋಮಿತಿ ತಂಡ ಪ್ರವಾಸಿ ಇಂಗ್ಲೆಂಡ್ ವಿರುದ್ಧ ಸರಣಿ ಆಡಲು ಆರಂಭಿಸಿ 15 ದಿನಗಳು ಕಳೆದಿವೆ. ಇಷ್ಟು ದಿನಗಳಾಗಿದ್ದರು ಬಿಸಿಸಿಐ ದಿನಭತ್ಯೆ ನೀಡಿಲ್ಲ. ಹೀಗಾಗಿ ಆಟಗಾರರು ರಾತ್ರಿ ಊಟಕ್ಕಾಗಿ ಪಾಲಕರಿಂದಲೇ ಹಣ ಪಡೆಯುತ್ತಿದ್ದಾರೆ.

ಲೋಧ ಸಮಿತಿ ಜಾರಿ ಕುರಿತಾಗಿ ಬಿಸಿಸಿಐ ಆಡಳಿತದಲ್ಲಾಗಿರುವ ಬಿಕ್ಕಟ್ಟು ಇದಕ್ಕೆ ಕಾರಣ. ಆಟಗಾರರಿಗೆ ದಿನಭತ್ಯೆ ನೀಡಲು ಕಾರ್ಯದರ್ಶಿ ಸಹಿ ಅಗತ್ಯ. ಆದರೆ ಸುಪ್ರೀಂಕೋರ್ಟ್ ಅಜಯ್ ಶಿರ್ಕೆಯವರನ್ನು ವಜಾ ಮಾಡಿ ಬಳಿಕ ಆ ಸ್ಥಾನಕ್ಕೆ ಯಾರನ್ನೂ ನೇಮಿಸಿಲ್ಲ. ಇದರಿಂದಾಗಿ ಆಟಗಾರರ ದಿನಭತ್ಯೆ ಹಾಗೂ ಇತರ ಕೆಲಸಗಳಿಗೆ ಹಣ ಬಿಡುಗಡೆ ಆಗುತ್ತಿಲ್ಲ.

ಯುವ ಆಟಗಾರರು ದಿನಕ್ಕೆ ಬಿಸಿಸಿಐನಿಂದ 6800 ರುಪಾಯಿ ಭತ್ಯೆ ಪಡೆಯುತ್ತಿದ್ದಾರೆ.