ನವದೆಹಲಿ: ಆಸ್ಟ್ರೇಲಿಯಾ ವಿರುದ್ಧ 3ನೇ ಟೆಸ್ಟ್ ಪಂದ್ಯದಲ್ಲಿ ಪಾಕಿಸ್ತಾನ ಕ್ರಿಕೆಟ್ ತಂಡ 220 ರನ್ ಗಳಿಂದ ಸೋಲನುಭವಿಸಿದ ಹಿನ್ನೆಲೆಯಲ್ಲಿ ಆಟವನ್ನು ಸುಧಾರಿಸಿಕೊಳ್ಳಿ ಇಲ್ಲವೇ ಮನೆಯಲ್ಲಿರಿ ಎಂದು ಆಸ್ಟ್ರೇಲಿಯಾ ಮಾಜಿ ಕ್ರಿಕೆಟರ್ ಆಯಾನ್ ಚಾಪೆಲ್ ಟೀಕಿಸಿದ್ದಾರೆ.

ಆಸ್ಟ್ರೇಲಿಯಾ ಜೊತೆ  ನಡೆದ ಮೂರು ಸರಣಿಗಳಲ್ಲಿ ಪಾಕ್ ಕ್ರಿಕೆಟ್ ತಂಡದ ಸೋಲನುಭವಿಸಿತ್ತು.ಆಟವನ್ನು ಸುಧಾರಿಸಿಕೊಳ್ಳಿ ಇಲ್ಲವೇ ನಿಮ್ಮ ತಂಡದ ಜೊತೆ ಮನೆಯಲ್ಲಿರಿ ಎಂದು ಪಾಕ್ ತಂಡದ ನಾಯಕ ಮಿಶಬ್ ಉಲ್ ಹಕ್  ಅವರಿಗೆ 73 ವರ್ಷದ ಐಯಾನ್ ಚಾಪೆಲ್ ಹೇಳಿದ್ದಾರೆ.

ಪಾಕಿಸ್ತಾನ ತಂಡ ತಮ್ಮ ಆಟವನ್ನು ಸುಧಾರಿಸಿಕೊಳ್ಳುವರೆಗೂ ಪಾಕ್ ತಂಡವನ್ನು ಯಾವುದೇ ಪಂದ್ಯಕ್ಕೆ ಆಹ್ವಾನಿಸಿಬಾರದು ಎಂದು ಹೇಳಿದ್ದಾರೆ. ಆಸ್ಟ್ರೇಲಿಯಾ ವಿರುದ್ಧ ಪಾಕ್ ಕ್ರಿಕೆಟ್ ತಂಡ 12 ಟೆಸ್ಟ್ ಪಂದ್ಯಗಳಲ್ಲಿ ಸೋತಿದೆ. ನಾಯಕ ಮಿಶಬ್ ಕಡೆಯಿಂದ ತಂಡಕ್ಕೆ ಯಾವುದೇ ಸ್ಫೂರ್ತಿಯಿಲ್ಲ, ಹೀಗಾಗಿ ನಾಯಕತ್ವನ್ನು ಬದಲಾಯಿಸಿಕೊಳ್ಳಿ ಎಂದು ಸಲಹೆ ನೀಡಿದ್ದಾರೆ.