ಬರ್ಮಿಂಗ್ ಹ್ಯಾಮ್: ಬರ್ಮಿಂಗ್ ಹ್ಯಾಮ್ ನಲ್ಲಿ ನಡೆದ ಚಾಂಪಿಯನ್ಸ್ ಟ್ರೋಫಿ ಪಂದ್ಯದಲ್ಲಿ ಪಾಕಿಸ್ತಾನದ ಕಳಪೆ ಪ್ರದರ್ಶನದ ಬಗ್ಗೆ ಪಾಕ್ ಕ್ರಿಕೆಟ್ ತಂಡದ ಮಾಜಿ ನಾಯಕ ಶಾಹಿದ್ ಅಫ್ರೀದಿ ಅಸಮಾಧಾನಗೊಂಡಿದ್ದಾರೆ. ಆದರೆ ಇದೇ ವೇಳೆ ಭಾರತದ ಆಟವನ್ನು ಶ್ಲಾಘನಾರ್ಹ ಎಂದು ಹೇಳಿದ್ದಾರೆ. 

ಚಾಂಪಿಯನ್ಸ್ ಟ್ರೋಫಿ ಪಂದ್ಯದಲ್ಲಿ ಭಾರತ ಟ್ರೋಫಿ ಟೂರ್ನಿಯಲ್ಲಿ ಭರವಸೆಯ( ಫೈನಲ್ ಪ್ರವೇಶಿಸುವ ಫೇವರೇಟ್ ತಂಡ)ವಾಗಿ ಹೊರಹೊಮ್ಮಿದೆ ಎಂದು ಶಾಹಿದ್ ಅಫ್ರೀದಿ ಹೇಳಿದ್ದಾರೆ. ಪಾಕಿಸ್ತಾನ ಪಂದ್ಯದ ಮುನ್ನ ಇದ್ದ ಭರವಸೆಯನ್ನು ಈಡೇರಿಸುವಲ್ಲಿ ವಿಫಲವಾಯಿತು, ಪಾಕಿಸ್ತಾನದ ಬೆಂಬಲಿಗನಾಗಿ ಕಳಪೆ ಪ್ರದರ್ಶನ ನೋವುಂಟು ಮಾಡಿದೆ. ಆದರೆ ಭಾರತ ಪಾಕಿಸ್ತಾನದ ಮೇಲೆ ಕ್ರಿಕೆಟ್ ನಲ್ಲಿ ಪಾರಮ್ಯ ಹೊಂದಿದೆ ಎಂಬುದು ಈ ಪಂದ್ಯದಿಂದ ಮತ್ತೊಮ್ಮೆ ಸಾಬೀತಾಗಿದೆ ಎಂದು ಅಫ್ರೀದಿ ಹೇಳಿದ್ದಾರೆ. 

ಟೂರ್ನಿಯಲ್ಲಿ ಭಾರತ ಫೇವರೇಟ್ ತಂಡವಾಗಿ (ಫೈನಲ್ ಪ್ರವೇಶಿಸುವ ಸಾಧ್ಯತೆ ಇರುವ ಫೇವರೇಟ್ ತಂಡ)ವಾಗಿ  ಹೊರಹೊಮ್ಮಿದೆ ಎಂದು ಅಫ್ರೀದಿ ಐಸಿಸಿಗೆ ಬರೆದ ಅಂಕಣ ಬರಹದಲ್ಲಿ ಬರೆದಿದ್ದಾರೆ. ಜೂ.4 ರಂದು ನಡೆದ ಚಾಂಪಿಯನ್ಸ್ ಟ್ರೋಫಿ ಪಂದ್ಯದಲ್ಲಿ ಭಾರತ ಪಾಕಿಸ್ತಾನದ ವಿರುದ್ಧ 124 ರನ್ ಗಳ ಜಯ ಗಳಿಸಿತ್ತು.