ಭಾರತ ಪ್ರವಾಸದಲ್ಲಿರುವ ಆಸ್ಟ್ರೇಲಿಯಾ ತಂಡದ ಸದ್ಯ ಬೆಂಗಳೂರಿನಲ್ಲಿ ಮಾರ್ಚ್ 4ರಿಂದ ಆರಂಭಗೊಳ್ಳಲಿರುವ ಎರಡನೇ ಟೆಸ್ಟ್ ಪಂದ್ಯಕ್ಕಾಗಿ ನಗರಕ್ಕೆ ಆಗಮಿಸಿದ್ದು ಆಸೀಸ್ ತಂಡದ ಮಾಜಿ ನಾಯಕ ಮೈಕೆಲ್ ಕ್ಲಾರ್ಕ್ ಆಟೋ ರಿಕ್ಷಾ ಓಡಿಸಿ ಎಲ್ಲರ ಗಮನ ಸೆಳೆದರು. 

ಆಟೋ ಚಾಲಕ ನೀಡಿದ ಮಾರ್ಗದರ್ಶನದಂತೆ ಕ್ಲಾಕ್ ಕೆಲ ಹೊತ್ತು ಆಟೋ ಚಲಾಯಿಸಿದರು. ಇದರ ವಿಡಿಯೋ ತುಣುಕನ್ನು ತಮ್ಮ ಫೇಸ್ ಬುಕ್ ಪೇಜ್ ನಲ್ಲಿ ಹಾಕಿರುವ ಕ್ಲಾರ್ಕ್ ಟುಕ್ ಟುಕ್ ಡ್ರೈವಿಂಗ್ ಕಲೆಯನ್ನು ಕಲಿತೆ, ಟೆಸ್ಟ್ ಕ್ರಿಕೆಟ್ ಜೀವನ ಆರಂಭಿಸಿದ ಬೆಂಗಳೂರಿಗೆ ಮತ್ತೆ ಆಗಮಿಸಿದ್ದು ಖುಷಿಯಾಗಿದೆ ಎಂದು ಬರೆದುಕೊಂಡಿದ್ದಾರೆ. 

ಮೈಕೆಲ್ ಕ್ಲಾರ್ಕ್ 2004ರಲ್ಲಿ ಚಿನ್ನಸ್ವಾಮಿಯಲ್ಲಿ ನಡೆದ ಟೆಸ್ಟ್ ನಲ್ಲಿ ಪದಾರ್ಪಣೆ ಮಾಡಿದ್ದರು. ಈ ಪಂದ್ಯದಲ್ಲಿ ಭರ್ಜರಿ 151 ರನ್ ಸಿಡಿಸಿ ಆಸೀಸ್ ತಂಡಕ್ಕೆ ಗೆಲುವಿನ ರೂವಾರಿ ಎನಿಸಿಕೊಂಡಿದ್ದರು.