ಲಂಡನ್: ಮಿನಿ ವಿಶ್ಪಕಪ್ ಎಂದೇ ಖ್ಯಾತಿ ಗಳಿಸಿರುವ ಐಸಿಸಿ ಚಾಂಪಿಯನ್ಸ್ ಟ್ರೋಫಿ ಕ್ರಿಕೆಟ್ ಮಹಾ ಸಮರಕ್ಕೆ ವೇದಿಕೆ ಸಿದ್ಧವಾಗಿರುವಂತೆಯೇ ಖ್ಯಾತ ಸರ್ಚ್ ಎಂಜಿನ್ ಗೂಗಲ್ ಕ್ರಿಕೆಟ್ ಗೇಮ್ ನ ಡೂಡಲ್ ಬಿಡಿಸಿದೆ.
ಈ ಹಿಂದೆ ಸಾಕಷ್ಟು ವಿಶೇಷ ದಿನಗಳಲ್ಲಿ ವಿಶೇಷ ಡೂಡಲ್ ಬಿಡಿಸಿ ಸುದ್ದಿಯಾಗಿದ್ದ ಗೂಗಲ್ ಇದೀಗ ಐಸಿಸಿ ಚಾಂಪಿಯನ್ಸ್ ಟ್ರೋಫಿ ಆರಂಭವಾಗುತ್ತಿರುವ ಹಿನ್ನಲೆಯಲ್ಲಿ ಕ್ರಿಕೆಟ್ ಕುರಿತ ವಿಶೇಷ ಡೂಡಲ್ ಬಿಡಿಸುವ ಮೂಲಕ ಕ್ರಿಕೆಟ್ ಪ್ರೇಮಿಗಳ ಮನಸೆಳೆದಿದೆ. ಕ್ರೀಡಾಂಗಣದಲ್ಲಿ ಕೀಟಗಳನ ನಡುವಿನ ಕ್ರಿಕೆಟ್ ಗೇಮ್ ಆಡಿಸುವ ಡೂಡಲ್ ಬಿಡಿಸಲಾಗಿದೆ. ಕುತೂಹಲ ಕೆರಳಿಸುವ ಈ ಗೇಮ್ ಅನ್ನು ಪ್ರತೀಯೊಬ್ಬ ಬಳಕೆದಾರನೂ ಆಡಬಹುದಾಗಿದೆ. ಈ ಗೇಮ್ ನಲ್ಲಿ ಬಳಕೆದಾರನಿಗೆ ಬ್ಯಾಟಿಂಗ್ ಗೆ ಮಾತ್ರ ಅವಕಾಶವಿದ್ದು, ಇದು ಪ್ರಸ್ತುತ ಕ್ರಿಕೆಟ್ ರಂಗದ ಮನಸ್ಥಿತಿಯನ್ನು ಬಿಂಬಿಸುವಂತಿದೆ.
ಒಟ್ಟಾರೆ ಗೂಗಲ್ ಈ ಡೂಡಲ್ ಪ್ರಯತ್ನವನ್ನು ಕ್ರಿಕೆಟ್ ಪ್ರೇಮಿಗಳಂತೂ ಖಂಡಿತಾ ಇಷ್ಟ ಪಡುತ್ತಾರೆ.