ನವದೆಹಲಿ: ಸರಕು ಮತ್ತು ಸೇವಾ ತೆರಿಗೆ(ಜಿಎಸ್‍ಟಿ) ಅನ್ವಯ ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ(ಬಿಸಿಸಿಐ) ಮೊದಲ ಹಂತವಾಗಿ 44 ಲಕ್ಷ ರುಪಾಯಿ ತೆರಿಗೆಯನ್ನು ಪಾವತಿಸಿದೆ. 

ಜುಲೈ 1ರಿಂದ ಜಿಎಸ್‍ಟಿ ಜಾರಿಗೆ ಬಂದಿದ್ದು ಇದರನ್ವಯ ದೇಶದ ಅತೀ ಶ್ರೀಮಂತ ಕ್ರೀಡಾ ಸಂಸ್ಥೆಯಾದ ಬಿಸಿಸಿಐ 44 ಲಕ್ಷ ರುಪಾಯಿ ತೆರಿಗೆ ಪಾವತಿಸಿದೆ. ಇನ್ನು 2015-16ರ ಅವಧಿಯಲ್ಲಿ ಅಂತಾರಾಷ್ಟ್ರೀಯ ಪಂದ್ಯಗಳಿಂದ ಬಿಸಿಸಿಐಗೆ ಬಂದ ಆದಾಯದ ಒಟ್ಟು ಮೊತ್ತದಲ್ಲಿ ಸಹ ಆಟಗಾರರಿಗೂ ಹಣ ನೀಡಲಾಗಿದೆ. 

ರಾಷ್ಟ್ರೀಯ ತಂಡದ ಫಿಜಿಯೋ ಫ್ಯಾಟ್ರಿಕ್ ಫರ್ಹಾಟ್ 5 ತಿಂಗಳ ಅವಧಿಯ ಸೇವೆಗೆ 6 ಲಕ್ಷ ರುಪಾಯಿ ಪಡೆದಿದ್ದಾರೆ. ಅದೇ ರೀತಿ ಕರ್ನಾಟಕದ ಆಟಗಾರ ಸ್ಟುವರ್ಟ್ ಬಿನ್ನಿಗೆ 92 ಲಕ್ಷ ರುಪಾಯಿ ಹಾಗೂ ಹರ್ಭಜನ್ ಸಿಂಗ್ 62 ಲಕ್ಷ ರುಪಾಯಿ ನೀಡಲಾಗಿದೆ ಎಂದು ಬಿಸಿಸಿಐ ವೆಸ್ಟ್ ಸೈಟ್ ನಲ್ಲಿ ಹಾಕಿದೆ.