ಬೆಂಗಳೂರು: ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಲ್) ಟ್ವೆಂಟಿ-20 ಚಾಂಪಿಯನ್‌ಶಿಪ್ 11ನೇ ಆವೃತ್ತಿಗೆ ಕ್ಷಣಗಣನೆ ಆರಂಭವಾಗಿರುವಂತೆಯೇ ಈ ಬಾರಿ ಐಪಿಎಲ್ ಮತ್ತಷ್ಟು ಮೆರುಗು ನೀಡಲು ಅದೇ ಹಳೇ ನಾಗ್ಸ್ ಹೊಸ ರೂಪದಲ್ಲಿ ಬಂದಿದ್ದಾರೆ.
ಹೌದು..ಈ ಹಿಂದೆ ನಾಗ್ಸ್ ಷೋ ಮೂಲಕ ಭಾರಿ ಮನರಂಜನೆ ನೀಡಿದ್ದ ಹಂಬಲ್ 'ಪೊಲಿಟಿಷಿಯನ್ ನೊಗರಾಜ್' ಈಗ ನಾಗ್ಯುಮೆಂಟರಿ ಮೂಲಕ ಐಪಿಎಲ್ ಪ್ರೇಕ್ಷಕರಿಗೆ ಭರಪೂರ ಮನರಂಜನೆ ನೀಡಲು ಆಗಮಿಸಿದ್ದಾರೆ. ಈಗಾಗಲೇ ಈ ಸಂಬಂಧ ಕಾರ್ಯಾಚರಣೆ ಆರಂಭಿಸಿರುವ ನಾಗ್ಸ್, ತಮ್ಮ ಹೊಸ ಕಾರ್ಯಕ್ರಮದ ಟ್ರೇಲರ್ ಕೂಡ ಭರ್ಜರಿಯಾಗಿಯೇ ಬಿಡುಗಡೆ ಮಾಡಿದ್ದಾರೆ.
ನಾಗ್ಯುಮೆಂಟರಿಯಲ್ಲಿ ನಾಗ್ಸ್ ಕ್ಯಾಪ್ಟನ್ ವಿರಾಟ್ ಕೊಹ್ಲಿ ಸೇರಿದಂತೆ ಆರ್ ಸಿಬಿಯ ವಿವಿಧ ಕ್ರಿಕೆಟಿಗರ ಬಾಯಲ್ಲಿ ಈ ಸಲ ಕಪ್ ನಮ್ದೇ ಎಂದು ಹೇಳಿಸಿದ್ದಾರೆ. ಈ ಹಿಂದೆ ಸಾಮಾಜಿಕ ಜಾಲತಾಣಗಳಲ್ಲಿ ಉದಯವಾಗಿದ್ದ ಈ ಸಲ ಕಪ್ ನಮ್ದೇ ಎಂಬ ಅಭಿಯಾನ ದಿನೇ ದಿನೇ ವೈರಲ್ ಆಗುತ್ತಿತ್ತು. ಇದೀಗ ಸ್ವತಃ ಆರ್ ಸಿಬಿ ಆಟಗಾರರೇ ಈ ಸಲ ಕಪ್ ನಮ್ಗೇ ಎಂದು ಉದ್ಘರಿಸುವ ಮೂಲಕ ಅಭಿಯಾನಕ್ಕೆ ಮತ್ತಷ್ಟು ಮೆರುಗು ಬಂದಿದೆ.
ಇನ್ನು ಐಪಿಎಲ್ ಸೀಸನ್ 11ನ ಉದ್ಧಾಟನಾ ಸಮಾರಂಭ ನಾಳೆ ಮುಂಬೈನ ವಾಂಖೆಡೆ ಕ್ರೀಡಾಂಗಣದಲ್ಲಿ ನಡೆಯಲಿದೆ.