ನವದೆಹಲಿ: ನ್ಯೂಜಿಲೆಂಡ್ ನ ಬೇ ಓವಲ್ ಮೈದಾನದಲ್ಲಿ ನಡೆದ ಅಂಡರ್ 19 ವಿಶ್ವಕಪ್ ಫೈನಲ್ ಪಂದ್ಯದಲ್ಲಿ ಬಲಿಷ್ಟ ಆಸ್ಟ್ರೇಲಿಯಾ ತಂಡವನ್ನು ಮಣಿಸಿ 4ನೇ ಬಾರಿಗೆ ಕಿರಿಯರ ವಿಶ್ವಕಪ್ ಗೆದ್ದ ಭಾರತ ತಂಡಕ್ಕೆ ದೇಶಾದ್ಯಂತ  ಅಭಿನಂದನೆಗಳ ಮಹಾಪೂರವೇ ಹರಿದು ಬರುತ್ತಿದೆ.

ಪ್ರಮುಖವಾಗಿ ಭಾರತ ಕಿರಿಯರ ಸಾಧನೆಯನ್ನು ಹಿರಿಯ ಆಟಗಾರರು ತುಂಬು ಹೃದಯದಿಂದ ಶ್ಲಾಘಿಸಿದ್ದು, ಖ್ಯಾತ ಮಾಜಿ ಆಟಗಾರರಾದ ಸಚಿನ್ ತೆಂಡೂಲ್ಕರ್, ವಿವಿಎಸ್ ಲಕ್ಷ್ಮಣ್, ವೀರೇಂದ್ರ ಸೆಹ್ವಾಗ್, ಖ್ಯಾತ ವೀಕ್ಷಕ  ವಿವರಣೆಗಾರರಾದ ಹರ್ಷಾ ಬೋಗ್ಲೆ, ಸಂಜಯ್ ಮಂಜ್ರೇಕರ್, ಆಕಾಶ್ ಚೋಪ್ರಾ, ಟೀಂ ಇಂಡಿಯಾ ಮಾಜಿ ಕೋಚ್ ಅನಿಲ್ ಕುಂಬ್ಳೆ ಟ್ವೀಟ್ ಮೂಲಕ ತಂಡದ ಸಾಧನೆಯನ್ನು ಕೊಂಡಾಡಿದ್ದಾರೆ.

ಇನ್ನು ಖ್ಯಾತ ವೀಕ್ಷಕ ವಿವರಣೆಗಾರರಾದ ಹರ್ಷಾ ಬೋಗ್ಲೆ ಕಿರಿಯರ ಸಾಧನೆ ಅವರ ಜೀವಮಾನ ಅದ್ಬುತ ಕ್ಷಣಗಳಲ್ಲಿ ಒಂದು ಎಂದು ಬಣ್ಣಿಸಿದ್ದಾರೆ.

ಕಿರಿಯರ ಸಾಧನೆ ಕುರಿತಂತೆ ಹಿರಿಯರು ಮಾಡಿರುವ ಕೆಲ ಟ್ವೀಟ್ ಶುಭ ಹಾರೈಕೆ ಇಲ್ಲಿದೆ.