ಕೌಲಲಾಂಪುರ: ಏಷ್ಯಾ ಕಪ್ ಟಿ20 ಟೂರ್ನಿಯಲ್ಲಿ ಟೀಂ ಇಂಡಿಯಾ ಮಹಿಳಾ ತಂಡದ ನಾಯಕಿ ಹರ್ಮನ್ ಪ್ರೀತ್ ಕೌರ್ ಆಲ್ ರೌಂಡರ್ ಪ್ರದರ್ಶನದಿಂದಾಗಿ ತಂಡ ಥಾಯ್ಲೆಂಡ್ ವಿರುದ್ಧ 66 ರನ್ ಗಳಿಂದ ಗೆಲುವು ಸಾಧಿಸಿದೆ.
ಪ್ರಥಮ ಪಂದ್ಯದಲ್ಲಿ ಮಲೇಶ್ಯಾ ತಂಡವನ್ನು 142 ರನ್ ಗಳಿಂದ ಮಣಿಸಿದ್ದ ಮಹಿಳೆ ತಂಡ ಇಂದು ನಡೆದ ಥಾಯ್ಲೆಂಡ್ ವಿರುದ್ಧದ ಪಂದ್ಯದಲ್ಲಿ 66 ರನ್ ಗಳಿಂದ ಗೆಲುವು ಸಾಧಿಸಿ ಟೂರ್ನಿಯಲ್ಲಿ ಸತತ ಎರಡನೇ ಗೆಲುವು ಸಾಧಿಸಿದೆ.
ಮೊದಲು ಬ್ಯಾಟ್ ಮಾಡಿದ ಭಾರತ ಮಹಿಳಾ ತಂಡ ನಿಗದಿತ ಓವರ್ ನಲ್ಲಿ 4 ವಿಕೆಟ್ ನಷ್ಟಕ್ಕೆ 132 ರನ್ ಗಳಿಸಿತ್ತು. 133 ರನ್ ಗಳ ಗುರಿ ಪಡೆದ ಥಾಯ್ಲೆಂಡ್ ನಿಗದಿತ ಓವರ್ ನಲ್ಲಿ 8 ವಿಕೆಟ್ ನಷ್ಟಕ್ಕೆ ಕೇವಲ 66 ರನ್ ಪೇರಿಸಲಷ್ಟೆ ಸಾಧ್ಯವಾಯಿತು. ಇದರೊಂದಿಗೆ ಭಾರತಕ್ಕೆ 66 ರನ್ ಗಳಿಂದ ಶರಣಾಯಿತು.
ಭಾರತ ಪರ ಮೇಶ್ರಂ 32, ಸ್ಮೃತಿ ಮಂದಾನ 29, ಹರ್ಮನ್ ಪ್ರೀತ್ ಕೌರ್ 27 ರನ್ ಸಿಡಿಸಿದ್ದಾರೆ.
ಥಾಯ್ಲೆಂಡ್ ಪರ ಚಾಯ್ ವಾಯ್ 14, ಬೂಚಾಥಮ್ 21 ಮತ್ತು ಸುತಿರುವಾಂಗ್ 12 ರನ್ ಬಾರಿಸಿದ್ದಾರೆ.