ಏಷ್ಯಾಕಪ್: ಶೆಹ್ಜಾದ್ ಶತಕ, ಭಾರತಕ್ಕೆ ಗೆಲ್ಲಲು 253 ರನ್ ಗುರಿ!

ಯುಎಇನಲ್ಲಿನಡೆಯುತ್ತಿರುವ ಏಷ್ಯಾಕಪ್ ಕ್ರಿಕೆಟ್ ಪಂದ್ಯಾವಳಿಯಲ್ಲಿ ಮಂಗಳವಾರದ ಪಂದ್ಯದಲ್ಲಿ ಅಫ್ಘಾನಿಸ್ಥಾನ ಭಾರತಕ್ಕೆ ಗೆಲ್ಲಲು 253 ರನ್ ಗುರಿ ನೀಡಿದೆ.

Updated:25th Sep, 2018 at 8:53 AM

ದುಬೈ: ಯುಎಇನಲ್ಲಿನಡೆಯುತ್ತಿರುವ ಏಷ್ಯಾಕಪ್ ಕ್ರಿಕೆಟ್ ಪಂದ್ಯಾವಳಿಯಲ್ಲಿ ಮಂಗಳವಾರದ ಪಂದ್ಯದಲ್ಲಿ ಅಫ್ಘಾನಿಸ್ಥಾನ ಭಾರತಕ್ಕೆ ಗೆಲ್ಲಲು 253 ರನ್ ಗುರಿ ನೀಡಿದೆ.

ಟಾಸ್ ಗೆದ್ದು ಬ್ಯಾಟಿಂಗ್ ಪ್ರಾರಂಭಿಸಿದ ಅಫ್ಘಾನ್ ಪರ ಮೊಹಮ್ಮದ್ ಶೆಹ್ಜಾದ್ ಅದ್ಭುತ ಶತಕ (124) ದಾಖಲಿಸಿ ತಂಡವು ಗೌರವಯುತ ಮೊತ್ತ ಕಲೆಹಾಕಲು ನೆರವಾಗಿದ್ದಾರೆ.

ಇದಲ್ಲದೆ ಮೊಹಮ್ಮದ್ ನಬಿ ಅರ್ಧಶತಕ, (64) ಗಳಿಸಿದ್ದು ಅಫ್ಘಾನ್ ನಿಗದಿತ ಐವತ್ತು ಓವರ್ ಗಳಲ್ಲಿ ಎಂಟು ವಿಕೆಟ್ ನಷ್ಟಕ್ಕೆ 252 ರನ್‌ ಪಡೆಯುವಲ್ಲಿ ಸಮರ್ಥವಾಗಿದೆ.

ಟೀಂ ಇಂಡಿಯಾ ಬೌಲರ್ ಗಳಾದ ರವೀಂದ್ರ ಜಡೇಜಾ 3, ಕುಲದೀಪ್ ಯಾದವ್ 2 ಹಾಗೂ ಕೆ. ಅಹಮದ್, ದೀಪಕ್ ಚಹಾರ್, ಕೇದಾರ್ ಜಾಧವ್ ತಲಾ ಒಂದೊಂದು ವಿಕೆಟ್ ಕಬಳಿಸಿ ಗಮನ ಸೆಳೆದರು.