ಆಸ್ಟ್ರೇಲಿಯಾ ಹಾಗೂ ಟೀಂ ಇಂಡಿಯಾ ನಡುವಿನ ಸರಣಿ ಫೆಬ್ರವರಿ 24ರಿಂದ ಆರಂಭಗೊಳ್ಳುತ್ತಿದ್ದು ಈ ಹಿನ್ನೆಲೆಯಲ್ಲಿ ಸ್ಟಾರ್ ಸ್ಪೋರ್ಟ್ ಇಂಡಿಯಾದ ಜಾಹಿರಾತುವಿನಲ್ಲಿ ಮಾಜಿ ಕ್ರಿಕೆಟಿಗ ವೀರೇಂದ್ರ ಸೆಹ್ವಾಗ್ ಆಸ್ಟ್ರೇಲಿಯಾ ಮಕ್ಕಳೊಂದಿಗೆ ಕಾಣಿಸಿಕೊಂಡಿದ್ದು ಇದಕ್ಕೆ ಮಾಜಿ ಕ್ರಿಕೆಟಿಗ ಮ್ಯಾಥ್ಯೂವ್ ಹೇಡನ್ ಸೆಹ್ವಾಗ್ ರನ್ನು ಕಾಲೆಳೆದಿದ್ದಾರೆ. 

ಜಾಹಿರಾತುವಿನಲ್ಲಿ ಆಸ್ಟ್ರೇಲಿಯಾ ತಂಡವನ್ನು ಮಕ್ಕಳಿಗೆ ಹೋಲಿಕೆ ಮಾಡಲಾಗಿದೆ. ಈ ಜಾಹಿರಾತುವಿನಿಂದ ಬೇಸರಗೊಂಡಿರುವ ಹೇಡನ್ ಟ್ವೀಟ್ ಮಾಡಿ 'ಎಚ್ಚರಿಸುತ್ತಿದ್ದೇನೆ. ಆಸ್ಟ್ರೇಲಿಯನ್ನರನ್ನು ಜೋಕ್ ಆಗಿ ಪರಿಗಣಿಸಬೇಡಿ ವೀರೂ ಬಾಯ್. ವಿಶ್ವಕಪ್ ಟ್ರೋಫಿಯಲ್ಲಿ ಯಾರು ಬೇಬಿ ಸಿಟ್ಟರ್ ಆಗಿದ್ದರು ಎಂಬುದನ್ನು ನೆನಪು ಮಾಡಿಕೊಳ್ಳಿ ಎಂದು ಟ್ವೀಟಿಸಿದ್ದಾರೆ.

ಈ ಹಿಂದೆ ಟೀಂ ಇಂಡಿಯಾ ಆಸ್ಟ್ರೇಲಿಯಾ ಪ್ರವಾಸ ಕೈಗೊಂಡಿದ್ದಾಗ ಆಸೀಸ್ ನಾಯಕ ಟಿಮ್ ಪೈನ್ ಹಾಗೂ ಟೀಂ ಇಂಡಿಯಾದ ಯುವ ಆಟಗಾರ ರಿಷಬ್ ಪಂತ್ ರನ್ನು ಬೇಬಿ ಸಿಟ್ಟಿಂಗ್ ಎಂದು ಕಾಲೆಳೆದಿದ್ದರು.