ಸಿಡ್ನಿ: ಆಸ್ಟ್ರೇಲಿಯಾದಲ್ಲಿ ನಡೆಯುತ್ತಿರುವ ಭಾರತ ಅಸೀಸ್ ನಡುವಿನ ನಾಲ್ಕನೇ ಹಾಗೂ ಕಡೆಯ ಟೆಸ್ಟ್ ಪಂದ್ಯದಲ್ಲಿ ಟಾಸ್ ಗೆದ್ದು ಬ್ಯಾಟಿಂಗ್ ನಡೆಸಿರುವ ಭಾರತ ಚಹಾ ವಿರಾಮದ ವೇಳೆಗೆ 52 ಓವರ್ ಗಳಲ್ಲಿ ಎರಡು ವಿಕೆಟ್ ನಷ್ಟಕ್ಕೆ 177 ರನ್ ಕಲೆ ಹಾಕಿದೆ.

ಮಯಾಂಕ್ ಅಗರ್ವಾಲ್ ಹಾಗೂ ಚೇತೇಶ್ವರ ಪೂಜಾರ ಇಬ್ಬರೂ ಅರ್ಧಶತಕದ ಜತೆಯಾಟ ನೀಡಿದ್ದು ಭಾರತಕ್ಕೆ ಆಸರೆಯಾಗಿತ್ತು. 

ಮಯಾಂಕ್ 112  ಬಾಲ್ ಗಳಿಗೆ 77 ರನ್ ಸಿಡಿಸಿದ್ದಾರೆ. ಇದರಲ್ಲಿ ಏಳು ಬೌಂಡರಿ ಹಾಗೂ ಎರಡು ಸಿಕ್ಸರ್ ಗಳು ಸಹ ಸೇರಿದೆ. ಇನ್ನು ಪೂಜಾರ ಮತ್ತೊಂದು ಅರ್ಧಶತಕ ಸಿಡಿಸಿ (61*) ಕ್ರೀಸ್ ನಲ್ಲಿದ್ದಾರೆ. 

ಮಯಾಂಗ್ ನಿರ್ಗಮನದ ಬಳಿಕ ನಾಯಕ ವಿರಾಟ್ ಕೊಹ್ಲಿ ಪೂಜಾರಗೆ ಸಾಥ್ ನೀಡಿದ್ದರು. ಆದರೆ 23 ರನ್ ಗಳಿಸುವಷ್ಟರಲ್ಲಿ ಕೊಹ್ಲಿ ವಿಕೆಟ್ ಒಪ್ಪಿಸಿದ್ದು ಇತ್ತೀಚಿನ ವರದಿ ಬಂದಾಗ ಭಾರತ 3 ವಿಕೆಟ್ ನಷ್ಟಕ್ಕೆ 206 ರನ್ ಗಳಿಸಿದೆ. ಚೇತೇಶ್ವರ ಪೂಜಾರ 82 ಹಾಗೂ ಅಜಿಂಕ್ಯ ರೆಹಾನೆ 12 ರನ್ ಗಳಿಸಿ ಬ್ಯಾಟಿಂಗ್ ನಡೆಸಿದ್ದಾರೆ.