ಮೆಲ್ಬೋರ್ನ್: 231 ರನ್ ಗಳ ಗುರಿ ಬೆನ್ನಟ್ಟಿದ್ದ ಭಾರತಕ್ಕೆ ಮೊದಲ 16 ಓವರ್ ಗಳಲ್ಲಿ 59 ರನ್ ಗಳಿಸಿ 2 ವಿಕೆಟ್ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿತ್ತು. 34 ಓವರ್ ಗಳಿಗೆ 129 ರನ್ ಗಳಿಸಿ 3 ನೇ ವಿಕೆಟ್ ಕಳೆದುಕೊಂಡಿದ್ದ ಭಾರತ ಸ್ವಲ್ಪ ಸಮಯ ರನ್ ಪೇರಿಸಲು ಪರದಾಡುತ್ತಿತ್ತು. ಈ ಹಂತದಲ್ಲಿ ನಂಬಿಕಸ್ಥ ಬ್ಯಾಟ್ಸ್ ಮನ್ ವಿರಾಟ್ ಕೊಹ್ಲಿ ಸಹ 46 ರನ್ ಗಳಿಸಿ ರಿಚರ್ಡ್ ಸನ್ ಗೆ ವಿಕೆಟ್ ಒಪ್ಪಿಸಿ ಪೆವಿಲಿಯನ್ ನತ್ತ ನಡೆದರು.
ಆದರೆ ಧೋನಿಯ ಸಮಯೋಚಿತ ಆಟದಿಂದ ಭಾರತದ ಗೆಲುವಿನ ಆಸೆ ಜೀವಂತವಾಗಿದ್ದು, ರೋಚಕ ಹಂತ ತಲುಪಿದೆ ಧೋನಿ ಮೇಲೆ ಈಗ ಒತ್ತಡ ಹೆಚ್ಚಿದ್ದು, ಮತ್ತೆ ಭಾರತದ ಪಾಲಿಗೆ ಆಪತ್ಬಾಂಧನವಾಗುತ್ತಾರೆಯೇ ಎಂಬ ಕುತೂಹಲ ಮೂಡಿದೆ.