ಟೀಂ ಇಂಡಿಯಾ ಮಾಜಿ ಆಟಗಾರ ಜೀವನ್ಮರಣ ಹೋರಾಟ; ಬದುಕಿಸಿಕೊಡಿ ಎಂದು ಪತ್ನಿ ಕಂಬನಿ!

ನವದೆಹಲಿ: ಜಗತ್ತಿನಲ್ಲೇ ಶ್ರೀಮಂತ ಕ್ರಿಕೆಟ್ ಸಂಸ್ಥೆ ಎಂದು ಕರೆಸಿಕೊಳ್ಳಲು ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ(ಬಿಸಿಸಿಐ)ಗೆ ತನ್ನ ಪತಿ ಟೀಂ ಇಂಡಿಯಾ ಮಾಜಿ ಆಟಗಾರನನ್ನು ಉಳಿಸಿಕೊಡುವಂತೆ ಪತ್ನಿ ಅಂಗಲಾಚಿದ್ದಾರೆ. 

46 ವರ್ಷದ ಮಾಜಿ ಆಟಗಾರ ಜೇಕಬ್ ಎಂಬುವರು ಡಿಸೆಂಬರ್ 28ರಂದು ಅಪಘಾತಕ್ಕೆ ಒಳಗಾಗಿದ್ದರು. ತಕ್ಷಣ ಅವರನ್ನು ವಡೋದರಾದ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಇದೀಗ ಆಸ್ಪತ್ರೆಯಲ್ಲಿ ಖರ್ಚು ವೆಚ್ಚವನ್ನು ಕಟ್ಟಲಾಗದೆ ಜೇಕಬ್ ಕುಟುಂಬ ಕಂಗಾಲಾಗಿದೆ. 

ದಿನಕ್ಕೆ 70 ಸಾವಿರ ರುಪಾಯಿ ಮೊತ್ತವನ್ನು ಪಾವತಿಸಲಾಗದೆ ಅವರ ಪತ್ನಿ ಪರದಾಡುತ್ತಿದ್ದಾರೆ. ಅವರ ಮನವಿಗೆ ಸ್ಪಂಧಿಸಿದ ಬಿಸಿಸಿಐ 5 ಲಕ್ಷ ರುಪಾಯಿ ಬಿಡುಗಡೆ ಮಾಡಿದೆ. ಈಗಾಗಲೇ ವೆಚ್ಚ 11 ಲಕ್ಷ ರುಪಾಯಿ ದಾಟಿದೆ. ಇನ್ನು ಆಸ್ಪತ್ರೆಯ ವೈದ್ಯರು ಚಿಕಿತ್ಸೆ ಮುಂದುವರೆಸಲು ಸಾಧ್ಯವಿಲ್ಲ ಎಂದು ಹೇಳುತ್ತಿದ್ದಾರೆ. 

ಟೀಂ ಇಂಡಿಯಾ ಪರ ಜೇಕಬ್ ಒಟ್ಟು 10 ಏಕದಿನ ಪಂದ್ಯಗಳನ್ನು ಆಡಿದ್ದು 158 ರನ್ ಪೇರಿಸಿದ್ದರು.