ನವದೆಹಲಿ: ದಕ್ಷಿಣ ಆಫ್ರಿಕಾ ಆಟಗಾರ ಡೇಲ್ ಸ್ಟೇಯ್ನ್ ಗಾಯಗೊಂಡಿದ್ದು, ವಿಶ್ವಕಪ್ ಕ್ರಿಕೆಟ್ ಟೂರ್ನಿ 2019ರಿಂದ ಹೊರ ನಡೆದಿದ್ದಾರೆ.

ಡೇಲ್ ಸ್ಟೇಯ್ನ್ ಶೇಕಡಾ 85 ರಷ್ಟು ಪಿಟ್ ಆಗಿದ್ದಾರೆ.ಸಂಪೂರ್ಣ ಸದೃಢತೆಯ ಸನ್ನಿಹದಲ್ಲಿದ್ದಾರೆ ಎಂದು ದಕ್ಷಿಣ ಆಫ್ರಿಕಾ ತರಬೇತುದಾರ ಒಟ್ಟಿಸ್ ಗಿಬ್ಸಾನ್  ಹೇಳಿಕೆ ನೀಡಿದ್ದ ಬೆನ್ನಲ್ಲೇ ಈ ಬೆಳವಣಿಗೆ ನಡೆದಿದೆ.ಮೊದಲ ಎರಡು ಪಂದ್ಯಗಳಲ್ಲಿ ಸೋತಿರುವ ದಕ್ಷಿಣ ಆಫ್ರಿಕಾ ಬುಧವಾರ ಸೌಥ್‌ಹ್ಯಾಮ್ಟನ್‌ ನಲ್ಲಿ ಭಾರತ ವಿರುದ್ಧ ಆಡಲಿದೆ.

ಭುಜದ ಗಾಯದಿಂದಾಗಿ ಈ ಬಾರಿಯ ಐಪಿಎಲ್ ನಲ್ಲಿ ಎರಡು ಪಂದ್ಯಗಳಲ್ಲಿ ಆಡಿದ್ದ 36 ವರ್ಷದ ಡೇಲ್ ಸ್ಟೇಯ್ನ್ ಬಹುತೇಕ ಪಂದ್ಯಗಳಿಂದ ಹೊರಗೆ ಉಳಿದಿದ್ದರು. ಇದೇ ಕಾರಣದಿಂದಾಗಿ  ಇಂಗ್ಲೆಂಡ್ ನಿಂದ ನಿರ್ಗಮಿಸಿದ್ದಾರೆ ಎಂದು ಮೂಲಗಳಿಂದ ತಿಳಿದುಬಂದಿದೆ.