ನವದೆಹಲಿ: ಪಾಕಿಸ್ತಾನದ ಮಾಜಿ ಬ್ಯಾಟ್ಸ್ಮನ್ ಶಾಹಿದ್ ಅಫ್ರಿದಿ ಬಾಂಗ್ಲಾದೇಶದ ಬ್ಯಾಟ್ಸ್ಮನ್ ಮುಷ್ಫಿಕರ್ ರಹಮಾನ್ ಅವರ ಬ್ಯಾಟ್ ಅನ್ನು ಹರಾಜಿನಲ್ಲಿ ಖರೀದಿಸಿದ್ದಾರೆ.
ಅಫ್ರಿದಿ ಈ ಬ್ಯಾಟ್ ಅನ್ನು 20 ಸಾವಿರ ಡಾಲರ್ಗೆ ಖರೀದಿಸಿದ್ದು, ಅದರ ಮೊತ್ತವನ್ನು ಬಾಂಗ್ಲಾದೇಶದ ಕೊರೊನಾ ವೈರಸ್ನ ಪರಿಹಾರ ಕಾರ್ಯಕ್ಕಾಗಿ ಬಳಸಲಾಗುತ್ತದೆ. ಮುಷ್ಫಿಕರ್ ಅವರು 2013 ರಲ್ಲಿ ನಡೆದ ಗಾಲೆ ಟೆಸ್ಟ್ನಲ್ಲಿ ಶ್ರೀಲಂಕಾ ವಿರುದ್ಧದ ಈ ಬ್ಯಾಟ್ ಅನ್ನು ಬಳಸಿ, ದ್ವಿಶತಕ ಭಾರಿಸಿದ್ದರು.
ಮುಶ್ಫಿಕರ್ ರಹಮಾನ್ ಬ್ಯಾಟ್ ಕಳೆದವಾರ ಹರಾಜು ಪ್ರಕ್ರಿಯೆಗೆ ಇಡಲಾಗಿತ್ತು. ಆದರೆ ಅಫ್ರಿದಿ ಮುಶ್ಫಿಕರ್ ನ್ನು ಸಂಪರ್ಕಿಸಿದ ನಂತರ ಹರಾಜು ಪ್ರಕ್ರಿಯೆಯನ್ನು ಕೈಬಿಡಲಾಯಿತು. " ಶಾಹಿದ್ ಭಾಯ್ ವೈಯಕ್ತಿಕವಾಗಿ ನನ್ನನ್ನು ಸಂಪರ್ಕಿಸಿ ಬ್ಯಾಟ್ ನ್ನು 20,000 ಅಮೆರಿಕನ್ ಡಾಲರ್ ಗೆ ಖರೀದಿಸಲು ಆಸಕ್ತಿ ತೋರಿದರು. ಇದು ಅಚ್ಚರಿಯ ವಿಷಯವಾಗಿತ್ತು ಎಂದು ಮುಸ್ಫಿಕರ್ ಹೇಳಿದ್ದಾರೆ.