ನವದೆಹಲಿ: ಕ್ರಿಕೆಟ್ ದಕ್ಷಿಣ ಆಫ್ರಿಕಾ(ಸಿಎಸ್ಎ) ನಿರ್ದೇಶಕ ಗ್ರೇಮ್ ಸ್ಮಿತ್ ಅವರು ಭಾರತ ಕ್ರಿಕೆಟ್ ನಿಯಂತ್ರಣ ಮಂಡಳಿ (ಬಿಸಿಸಿಐ) ಅಧ್ಯಕ್ಷ ಸೌರಭ್ ಗಂಗೂಲಿ ಅಂತಾರಾಷ್ಟ್ರೀಯ ಕ್ರಿಕೆಟ್ ಮಂಡಳಿ (ಐಸಿಸಿ) ಹುದ್ದೆಗೆ ಸೂಕ್ತ ವ್ಯಕ್ತಿ ಎಂದು ತಿಳಿಸಿದ ಬೆನ್ನಲ್ಲೆ, ಈ ಹುದ್ದೆಗೆ ಅಭ್ಯರ್ಥಿಯನ್ನು ಘೋಷಿಸಿದ ನಂತರವೇ ಮಂಡಳಿ ಈ ಬಗ್ಗೆ ನಿರ್ಧಾರ ತೆಗೆದುಕೊಳ್ಳುತ್ತದೆ ಸಿಎಸ್ಎ ಅಧ್ಯಕ್ಷ ಕ್ರಿಸ್ ನೆಂಜನಿ ಶುಕ್ರವಾರ ಹೇಳಿದ್ದಾರೆ.
ಗಂಗೂಲಿಯಂತಹ ಅನುಭವಿ ಆಟಗಾರ ಈ ಸ್ಥಾನವನ್ನು ವಹಿಸಿಕೊಂಡರೆ ಕ್ರಿಕೆಟ್‌ಗೆ ಲಾಭವಾಗುತ್ತದೆ ಎಂದು ಸ್ಮಿತ್ ಗುರುವಾರ ಹೇಳಿದ್ದರು. ಕ್ರಿಕೆಟ್‌ಗೆ ಉತ್ತಮ ನಾಯಕತ್ವ ಬಹಳ ಮುಖ್ಯ ಮತ್ತು ಆಧುನಿಕ ಆಟ ಮತ್ತು ಮುಂಬರುವ ಸವಾಲುಗಳನ್ನು ಅರ್ಥಮಾಡಿಕೊಳ್ಳುವ ಯಾರಾದರೂ ಈ ಸ್ಥಾನದಲ್ಲಿರುವುದು ಬಹಳ ಮುಖ್ಯ. ಐಸಿಸಿ ಅಧ್ಯಕ್ಷರು ದೊಡ್ಡ ಹುದ್ದೆಯಾಗಿದ್ದು, ಗಂಗೂಲಿಯಂತಹ ವ್ಯಕ್ತಿ ಈ ಸ್ಥಾನಕ್ಕೆ ಸೂಕ್ತ ಎಂದಿದ್ದಾರೆ.
ಬಿಸಿಸಿಐನ ಅಧ್ಯಕ್ಷರಾಗಿದ್ದ ಶಶಾಂಕ್ ಮನೋಹರ್ ಅವರು ಐಸಿಸಿ ಅಧ್ಯಕ್ಷರಾಗಿ ಕಾರ್ಯನಿರ್ವಹಿಸುತ್ತಿದ್ದಾರೆ. ಅವರ ಅವಧಿ ಮುಗಿಯುವ ಸಮಯ ಬಂದಿದ್ದು ಈ ಹಿನ್ನೆಲೆಯಲ್ಲಿ ಐಸಿಸಿ ಅಧ್ಯಕ್ಷರಾಗುವ ಅವಕಾಶ ಮತ್ತೆ ಭಾರತಕ್ಕೆ ಸಿಗಲಿದೆಯೇ ಕಾದು ನೋಡಬೇಕು.