ನವದೆಹಲಿ: ಟೀಂ ಇಂಡಿಯಾದ ಹಿರಿಯ ಬೌಲರ್ ಹರ್ಭಜನ್ ಸಿಂಗ್ ಎರಡನೇ ಬಾರಿಗೆ ತಂದೆಯಾಗಿದ್ದಾರೆ. ಭಜ್ಜಿ ಪತ್ನಿ, ನಟಿ ಗೀತಾ ಬಾಸ್ರಾ ಅವರು ಶನಿವಾರ ಗಂಡು ಮಗುವಿಗೆ ಜನ್ಮ ನೀಡಿದ್ದಾರೆ. 

ಈ ವಿಷಯವನ್ನು ಹರ್ಭಜನ್ ಟ್ವಿಟರ್‌ನಲ್ಲಿ ಬರೆದುಕೊಂಡಿದ್ದಾರೆ. ದೇವರ ಅನುಗ್ರಹದಿಂದ ಗೀತಾ, ಮಗು ಕ್ಷೇಮ ಹಾಗೂ ಆರೋಗ್ಯವಾಗಿದ್ದಾರೆ . " ನಾವು ಕೈ ಹಿಡಿದು ನಡೆಸಲು ಒಂದು ಪುಟ್ಟ ಕೈ ... ತಮ್ಮ ಪ್ರೀತಿ ಸ್ವರ್ಣದಂತೆ ಅಮೂಲ್ಯವಾದುದು ... ಅದ್ಭುತ ಉಡುಗೊರೆ ... ನಮ್ಮ ಹೃದಯಗಳು ಸಂತೋಷದಿಂದ ತುಂಬಿವೆ. ಜೀವನ ಪರಿಪೂರ್ಣವಾಗಿದೆ, ”ಎಂದು ಭಜ್ಜಿ ಭಾವನಾತ್ಮಕವಾಗಿ ಟ್ವೀಟ್ ಮಾಡಿದ್ದಾರೆ.

2015 ರ ಅಕ್ಟೋಬರ್ 29 ರಂದು ವಿವಾಹವಾಗಿದ್ದ ಹರ್ಭಜನ್ ಸಿಂಗ್ - ಗೀತಾ ಬಸ್ರಾ ದಂಪತಿಗೆ ಮಗಳಿದ್ದಾಳೆ. ಅವರ ವೃತ್ತಿ ಜೀವನದಲ್ಲಿ ... ಟೀಮ್ ಇಂಡಿಯಾವನ್ನು ಪ್ರತಿನಿಧಿಸುವ ಭಜ್ಜಿ ಅನೇಕ ಸ್ಮರಣೀಯ ವಿಜಯಗಳಲ್ಲಿ ಸಹಭಾಗಿಯಾಗಿದ್ದಾರೆ. ಐಪಿಎಲ್ -2021 ಸೀಸನ್‌ ನಲ್ಲಿ ಅವರು ಕೋಲ್ಕತಾ ನೈಟ್ ರೈಡರ್ಸ್ ಪರ ಆಡಿದ್ದರು. ಗೀತಾ ಬಾಸ್ರಾ ಅವರು "ದಿಲ್ ದಿಯಾ ಹೈ" ಚಿತ್ರದ ಮೂಲಕ ಬಾಲಿವುಡ್‌ಗೆ ಪಾದಾರ್ಪಣೆ ಮಾಡಿದ್ದರು.