ಬರ್ಮಿಂಗ್ಹ್ಯಾಮ್: ಇಂಗ್ಲೆಂಡ್ ವಿರುದ್ಧದ 5ನೇ ಟೆಸ್ಟ್ ಪಂದ್ಯದಲ್ಲಿ ಟೀಂ ಇಂಡಿಯಾದ ವೇಗಿ ಜಸ್ ಪ್ರೀತ್ ಬುಮ್ರಾ ವಿಚಿತ್ರ ದಾಖಲೆಯೊಂದನ್ನು ಮಾಡಿದ್ದಾರೆ. ಹೌದು ನೋ ಬಾಲ್ ಎಸೆದು 2 ವಿಕೆಟ್ ಪಡೆದಿದ್ದಾರೆ.
ಅದು ಹೇಗೆ ಅಂತೀರಾ... ಬುಮ್ರಾ ಈ ಪಂದ್ಯದಲ್ಲಿ 2 ಓವರ್ ಗಳಲ್ಲಿ ನೋ ಬಾಲ್ ಎಸೆದಿದ್ದರು. ಈ ಹೆಚ್ಚುವರಿ ಎಸೆತಗಳಲ್ಲಿ ಬುಮ್ರಾ ವಿಕೆಟ್ ಪಡೆದಿದ್ದಾರೆ. ಮೂರನೇ ಓವರ್ ನ 6ನೇ ಎಸೆತವನ್ನು ಬುಮ್ರಾ ನೋ ಬಾಲ್ ಎಸೆದಿದ್ದರು. ಹೀಗಾಗಿ ಹೆಚ್ಚುವರಿ ಎಸೆತ ಎಸೆಯಬೇಕಾಯಿತು. ಈ ಹೆಚ್ಚುವರಿ ಎಸೆತದಲ್ಲಿ ಅಲೆಕ್ಸ್ ಲೀಸ್ ರನ್ನು ಔಟ್ ಮಾಡಿದರು.
ನಂತರ 11ನೇ ಓವರ್ ನ ಕೊನೆಯ ಎಸೆತವೂ ನೋಬಾಲ್ ಆಗಿತ್ತು. ಹೀಗಾಗಿ ಬುಮ್ರಾ ಎಸೆದ ಹೆಚ್ಚುವರಿ ಎಸೆತದಲ್ಲಿ ಪೋಪ್ ರನ್ನು ಔಟ್ ಮಾಡಿದರು. ಪೋಪ್ ಚೆಂಡನ್ನು ಡ್ರೈವ್ ಮಾಡಲು ಹೋಗಿದ್ದು ಈ ವೇಳೆ ಚೆಂಡು ಬಾಟ್ ಗೆ ತಾಗಿ ಸ್ಲಿಪ್ ನಲ್ಲಿದ್ದ ಶ್ರೇಯಸ್ ಅಯ್ಯರ್ ಗೆ ಕ್ಯಾಚ್ ಹೋಗಿತ್ತು.
ಇನ್ನು ಪಂದ್ಯದಲ್ಲಿ ಬುಮ್ರಾ 3 ವಿಕೆಟ್ ಗಳಿಸಿದ್ದಾರೆ. ಐದು ಪಂದ್ಯಗಳ ಟೆಸ್ಟ್ ಸರಣಿಯಲ್ಲಿ ಟೀಂ ಇಂಡಿಯಾ 2-1 ಅಂತರದಿಂದ ಮುನ್ನಡೆ ಸಾಧಿಸಿದ್ದಾರೆ.