ಹೈದರಾಬಾದ್:  ಟೀಂ ಇಂಡಿಯಾ ಬ್ಯಾಟರ್ ವಿರಾಟ್ ಕೊಹ್ಲಿ ಸೀಮಿತ ಓವರ್ (ವೈಟ್ ಬಾಲ್ ಕ್ರಿಕೆಟ್) ಪಂದ್ಯಗಳಲ್ಲಿ 16, 000 ರನ್ ಗಳಿಸಿದ ಎರಡನೇ ಆಟಗಾರ ಎಂಬ ಖ್ಯಾತಿಗೆ ಭಾಜನರಾದರು. ಹೈದರಾಬಾದಿನಲ್ಲಿ ಭಾನುವಾರ ನಡೆದ ಟಿ-20 ಅಂತಿಮ ಪಂದ್ಯದಲ್ಲಿ ಕೊಹ್ಲಿ ಈ ಸಾಧನೆ ಮಾಡಿದರು.

ಈ ಪಂದ್ಯದಲ್ಲಿ ಕೊಹ್ಲಿ ನಾಲ್ಕು ಸಿಕ್ಸರ್ ಮತ್ತು ಮೂರು ಬೌಂಡರಿಗಳೊಂದಿಗೆ 48 ಎಸೆತಗಳಲ್ಲಿ 63 ರನ್ ಸಿಡಿಸಿದರು. ಅವರ ಸ್ಟ್ರೈಕ್ ರೇಟ್ ಕೂಟಾ 131.25 ರಲ್ಲಿತ್ತು. ಕೊಹ್ಲಿ ಸೂರ್ಯಕುಮಾರ್ ಯಾದವ್ ಜೊತೆಯಾಟದಲ್ಲಿ 104 ರನ್ ಬಂದಿತು. ಇದೀಗ ಕೊಹ್ಲಿ ಟಿ 20 ಅಂತಾರಾಷ್ಟ್ರೀಯ ಪಂದ್ಯ ಮತ್ತು ಏಕದಿನ ಮಾದರಿ ಪಂದ್ಯಗಳಲ್ಲಿ 16,004 ರನ್ ಗಳಿಸಿದ್ದಾರೆ. ಈ  ರನ್ ಗಳು ವೈಟ್ ಬಾಲ್ ಕ್ರಿಕೆಟ್ ನ 352 ಇನ್ನಿಂಗ್ಸ್ ಗಳಲ್ಲಿ 55.95 ಸರಾಸರಿಯಲ್ಲಿ 369 ಪಂದ್ಯಗಳಿಂದ ಬಂದಿದೆ.

 ಇದನ್ನೂ ಓದಿ: 3ನೇ ಟಿ20 ಪಂದ್ಯ: ಸೂರ್ಯಕುಮಾರ್ ಸ್ಫೋಟಕ ಬ್ಯಾಟಿಂಗ್; ಆಸ್ಟ್ರೇಲಿಯಾ ವಿರುದ್ಧ ಭಾರತಕ್ಕೆ ಗೆಲುವು, ಸರಣಿ ಕೈವಶ!

ಏಕದಿನ ಪಂದ್ಯಗಳಲ್ಲಿ ಅವರು 44 ಶತಕ ಹಾಗೂ 97 ಅರ್ಧ ಶತಕಗಳನ್ನು ಗಳಿಸಿದ್ದಾರೆ.  265 ಏಕದಿನ ಪಂದ್ಯ ಆಡಿರುವ ಕೊಹ್ಲಿ, 57.68ರಲ್ಲಿ 12,344 ರನ್ ಗಳಿಸಿದ್ದಾರೆ. ಇದರಲ್ಲಿ 43 ಶತಕ ಮತ್ತು 64 ಅರ್ಧ ಶತಕ ಗಳಿಸಿದ್ದಾರೆ. ವೈಯಕ್ತಿಕವಾಗಿ ಅತಿ ಹೆಚ್ಚು 183 ರನ್ ಬಾರಿಸಿದ್ದಾರೆ.

ಟಿ.20 ಅಂತಾರಾಷ್ಟ್ರೀಯ ಪಂದ್ಯದಲ್ಲಿ 107 ಪಂದ್ಯಗಳಲ್ಲಿ 50. 83 ಸರಾಸರಿಯಲ್ಲಿ 3,660 ರನ್ ಗಳಿಸಿದ್ದಾರೆ. ಇದರಲ್ಲಿ ಒಂದು ಶತಕ, 33 ಅರ್ಧ ಶತಕಗಳು ಸೇರಿವೆ. ಟಿ-20ಯಲ್ಲಿ ಅತಿ ಹೆಚ್ಚು ಅಂದರೆ 122 ರನ್ ಗಳಿಸಿದ ಖ್ಯಾತಿಯೂ ಅವರಿಗಿದೆ. ಈ ಸಾಧನೆ ಮಾಡಿರುವ ದೇಶದ ಎರಡನೇ ಆಟಗಾರ ವಿರಾಟ್ ಕೊಹ್ಲಿ ಆಗಿದ್ದರೆ, ವೈಟ್ ಬಾಲ್ ಪಂದ್ಯದಲ್ಲಿ 16,000 ರನ್ ಗಳಿಸಿದ ಮೊದಲ ಆಟಗಾರ ಸಚಿನ್ ತೆಂಡೊಲ್ಕರ್ ಹೆಸರಿನಲ್ಲಿದೆ.