ಟಿ20 ವಿಶ್ವಕಪ್ ನ 42ನೇ ಪಂದ್ಯದಲ್ಲಿ ಲಂಕಾ ತಂಡವನ್ನು ಇಂಗ್ಲೆಂಡ್ ತಂಡ 51 ರನ್ ಗಳಿಂದ ಮಣಿಸಿ, ಸೂಪರ್ 8 ಪಂದ್ಯವನ್ನು ಗೆದ್ದಿದೆ.

ಟಾಸ್ ಗೆದ್ದು ಫೀಲ್ಡಿಂಗ್ ಆಯ್ಕೆ ಮಾಡಿಕೊಂಡ ಲಂಕಾ ತಂಡಕ್ಕೆ ಇಂಗ್ಲೆಂಡ್ ತಂಡ ನಿಗದಿತ 20 ಓವರ್ ಗಳಲ್ಲಿ 147 ರನ್ ಗಳ ಟಾರ್ಗೆಟ್ ನೀಡಿತು.

ತವರಿನಲ್ಲಿ ಎದುರಾಳಿ ತಂಡ ನೀಡಿದ ಸರಳ ರನ್ ಟಾರ್ಗೆಟ್ ಗೆ ಮುಂದಾದ ಲಂಕಾಗೆ ಪಾತುಮ್ ನಿಸ್ಸಂಕ 8 ಎಸೆತಗಳಲ್ಲಿ 9 ರನ್ ಹಾಗೂ ಕಾಮಿಲ್ ಮಿಶಾರ 11 ಎಸೆತಗಳಲ್ಲಿ 6 ರನ್ ಗಳಿಸಿ ಔಟ್ ಆಗುವ ಮೂಲಕ ಆರಂಭಿಕ ಆಘಾತ ಉಂಟಾಯಿತು.

ಮಧ್ಯಮ ಕ್ರಮಾಂಕದ ಬ್ಯಾಟ್ಸ್ ಮನ್ ಗಳೂ ಇಂಗ್ಲೆಂಡ್ ಬೌಲರ್ ಗಳನ್ನು ಎದುರಿಸಲಾಗದೇ ವಿಕೆಟ್ ಒಪ್ಪಿಸಿ ನಿರಾಶೆ ಮೂಡಿಸಿ ಲಂಕಾ ತಂಡದ ಬ್ಯಾಟಿಂಗ್ ವೈಫಲ್ಯ ಲಂಕಾ ತಂಡವನ್ನು 16.4 ಓವರ್ ಗಳಿಗೆ 95 ರನ್ ಗಳಿಸಿ ತನ್ನೆಲ್ಲಾ ವಿಕೆಟ್ ಗಳನ್ನು ಕಳೆದುಕೊಳ್ಳುವಂತೆ ಮಾಡಿತು. ಲಂಕಾ ಪರ ದಸುನ್ ಶನಕ 30 ರನ್ ಗಳಿಸಿದ್ದು ತಂಡದಲ್ಲಿ ಗರಿಷ್ಠ ಸ್ಕೋರ್ ಆಗಿದೆ.

ಇಂಗ್ಲೆಂಡ್ ಪರ ವಿಲ್ ಜ್ಯಾಕ್ಸ್ 3 ವಿಕೆಟ್ ಪಡೆದು 22 ರನ್ ನೀಡಿದ್ದು ಪಂದ್ಯ ಪುರುಷೋತ್ತಮ ಪ್ರಶಸ್ತಿಗೆ ಭಾಜನರಾದರು.