ಮಂಗಳವಾರ ರಾಜ್ಕೋಟ್ನಲ್ಲಿ ಬಂಗಾಳ ವಿರುದ್ಧ ನಡೆದ ವಿಜಯ್ ಹಜಾರೆ ಟ್ರೋಫಿ ಪಂದ್ಯದಲ್ಲಿ ಹೈದರಾಬಾದ್ನ ಆರಂಭಿಕ ಆಟಗಾರ ಅಮನ್ ರಾವ್ ಅಜೇಯ 200 ರನ್ ಗಳಿಸುವ ಮೂಲಕ ಅಭಿಮಾನಿಗಳು ಮತ್ತು ಕ್ರಿಕೆಟ್ ತಜ್ಞರನ್ನು ಬೆರಗುಗೊಳಿಸಿದರು. ಇತ್ತೀಚೆಗೆ ಐಪಿಎಲ್ 2026ರ ಹರಾಜಿನಲ್ಲಿ ರಾಜಸ್ಥಾನ ರಾಯಲ್ಸ್ (RR) ತಂಡವು ₹30 ಲಕ್ಷಕ್ಕೆ ಖರೀದಿಸಿದ್ದ 21 ವರ್ಷದ ಆಟಗಾರನ ಅದ್ಭುತ ಪ್ರದರ್ಶನ ನೀಡಿದ್ದಾರೆ. 154 ಎಸೆತಗಳಲ್ಲಿ ದ್ವಿಶತಕ ಬಾರಿಸಿದ ಅವರು 12 ಬೌಂಡರಿ ಮತ್ತು 13 ಸಿಕ್ಸರ್ಗಳನ್ನು ಬಾರಿಸಿದರು. ಮೊಹಮ್ಮದ್ ಶಮಿ, ಆಕಾಶ್ ದೀಪ್ ಮತ್ತು ಮುಖೇಶ್ ಕುಮಾರ್ ಅವರಂತಹ ಆಟಗಾರರ ವಿರುದ್ಧ ಅದ್ಭುತ ಬ್ಯಾಟಿಂಗ್ ಪ್ರದರ್ಶಿಸಿದರು. ಹೈದರಾಬಾದ್ ತಂಡವನ್ನು ಅದ್ಭುತ ಮೊತ್ತಕ್ಕೆ ಕೊಂಡೊಯ್ದರು. ಸಿಕ್ಸರ್ನೊಂದಿಗೆ 200 ರನ್ಗಳ ಮೈಲಿಗಲ್ಲನ್ನು ತಲುಪಿದರು.
ಅಮನ್ ರಾವ್ ಯಾರು?
ಅಮನ್ ಅಮೆರಿಕದ ವಿಸ್ಕಾನ್ಸಿನ್ನಲ್ಲಿ ಜನಿಸಿದರು. ಆದರೆ, ಹೈದರಾಬಾದ್ನಲ್ಲಿ ಬೆಳೆದರು. ಈ ಯುವಕ ತನ್ನ ಆಕ್ರಮಣಕಾರಿ ಬ್ಯಾಟಿಂಗ್ ಶೈಲಿಗೆ ಹೆಸರುವಾಸಿಯಾಗಿದ್ದು, ಟಿ20 ಕ್ರಿಕೆಟ್ನಲ್ಲಿ 160ಕ್ಕಿಂತ ಹೆಚ್ಚು ಸ್ಟ್ರೈಕ್ ರೇಟ್ನೊಂದಿಗೆ, ಉನ್ನತ ಕ್ರಮಾಂಕದ ಬ್ಯಾಟ್ಸ್ಮನ್ ಆಗಿ ತನ್ನನ್ನು ತಾನು ಸ್ಥಾಪಿಸಿಕೊಂಡಿದ್ದಾರೆ.
ಅಂಡರ್-23 ರಾಜ್ಯ ಟ್ರೋಫಿಯಲ್ಲಿ 6 ಪಂದ್ಯಗಳಲ್ಲಿ 381 ರನ್ ಗಳಿಸುವ ಮೂಲಕ ಉತ್ತಮ ಪ್ರದರ್ಶನ ನೀಡಿದರು. ನಂತರ ಸೈಯದ್ ಮುಷ್ತಾಕ್ ಅಲಿ ಟ್ರೋಫಿಯಲ್ಲಿ ಮುಂಬೈ ವಿರುದ್ಧ ಅರ್ಧಶತಕ ಬಾರಿಸಿದರು. ಅಲ್ಲಿ ಅವರು ಶಾರ್ದೂಲ್ ಠಾಕೂರ್ ವಿರುದ್ಧ ಒಂದೇ ಓವರ್ನಲ್ಲಿ 24 ರನ್ ಗಳಿಸಿದರು. ಈ ಫಾರ್ಮ್ ಐಪಿಎಲ್ 2026ರ ಹರಾಜಿನಲ್ಲಿ ರಾಜಸ್ಥಾನ ರಾಯಲ್ಸ್ ತಂಡವು ಅವರನ್ನು ಖರೀದಿಸುವಂತೆ ಮಾಡಿತು.
ಸೆನ್ಸೇಷನಲ್ ದಾಖಲೆ
ವಿಜಯ್ ಹಜಾರೆ ಟ್ರೋಫಿಯಲ್ಲಿ ಹೈದರಾಬಾದ್ ತಂಡದ ಬ್ಯಾಟ್ಸ್ಮನ್ ಒಬ್ಬರು ದ್ವಿಶತಕ ಬಾರಿಸಿದ್ದು ಇದೇ ಮೊದಲು. ಒಟ್ಟಾರೆಯಾಗಿ, ಅವರು ಈ ಸಾಧನೆ ಮಾಡಿದ ಒಂಬತ್ತನೇ ಬ್ಯಾಟ್ಸ್ಮನ್ ಆಗಿದ್ದಾರೆ.
ವಿಜಯ್ ಹಜಾರೆ ಟ್ರೋಫಿಯಲ್ಲಿ ದ್ವಿಶತಕ ಬಾರಿಸಿದ ಬ್ಯಾಟ್ಸ್ಮನ್ಗಳು
ತಮಿಳುನಾಡಿನ ನಾರಾಯಣ ಜಗದೀಶನ್ - ಅರುಣಾಚಲ ಪ್ರದೇಶ (2022) ವಿರುದ್ಧ 277
ಮುಂಬೈನ ಪೃಥ್ವಿ ಶಾ - ಪುದುಚೇರಿ (2021) ವಿರುದ್ಧ 227*
ಮಹಾರಾಷ್ಟ್ರದ ರುತುರಾಜ್ ಗಾಯಕ್ವಾಡ್ - ಉತ್ತರ ಪ್ರದೇಶ (2022) ವಿರುದ್ಧ 220*
ಕೇರಳದ ಸಂಜು ಸ್ಯಾಮ್ಸನ್ - ಗೋವಾ (2019) ವಿರುದ್ಧ 212*
ಒಡಿಶಾದ ಸ್ವಸ್ತಿಕ್ ಸಮಲ್ - ಸೌರಾಷ್ಟ್ರ (2025) ವಿರುದ್ಧ 212
ಮುಂಬೈನ ಯಶಸ್ವಿ ಜೈಸ್ವಾಲ್ - ಜಾರ್ಖಂಡ್ (2019) ವಿರುದ್ಧ 203
ಉತ್ತರಾಖಂಡದ ಕರಣ್ ಕೌಶಲ್ - ಸಿಕ್ಕಿಂ (2018) ವಿರುದ್ಧ 202
ಸೌರಾಷ್ಟ್ರದ ಶಕ್ತಿ ವ್ಯಾಸ್ - ಮಣಿಪುರ (2022) ವಿರುದ್ಧ 200
ಹೈದರಾಬಾದ್ನ ಅಮನ್ ರಾವ್ - ಬಂಗಾಳ (2026) ವಿರುದ್ಧ 200*
ಒಡಿಶಾದ ಆರಂಭಿಕ ಆಟಗಾರ ಸ್ವಸ್ತಿಕ್ ಸಮಲ್ ನಂತರ ಸದ್ಯದ ಆವೃತ್ತಿಯಲ್ಲಿ ದ್ವಿಶತಕ ಗಳಿಸಿದ ಎರಡನೇ ಬ್ಯಾಟ್ಸ್ಮನ್ ಎಂಬ ಹೆಗ್ಗಳಿಕೆಗೂ ಅಮನ್ ಪಾತ್ರರಾಗಿದ್ದಾರೆ.