ಶನಿವಾರ ಧರ್ಮಶಾಲಾದಲ್ಲಿ ನಡೆದ ಅಫ್ಘಾನಿಸ್ತಾನ ವಿರುದ್ಧದ ಮೊದಲ ಏಕದಿನ ಪಂದ್ಯದಲ್ಲಿ ಆಲ್ರೌಂಡರ್ ನಿತೀಶ್ ಕುಮಾರ್ ರೆಡ್ಡಿ ಅವರ ಪ್ರದರ್ಶನವನ್ನು ಭಾರತದ ಮಾಜಿ ನಾಯಕ ಮತ್ತು ದಂತಕಥೆ ಬ್ಯಾಟ್ಸ್ಮನ್ ಸುನೀಲ್ ಗವಾಸ್ಕರ್ ಶ್ಲಾಘಿಸಿದರು. ಮಳೆಯಿಂದಾಗಿ 25 ಓವರ್ಗಳಿಗೆ ಮೊಟಕುಗೊಂಡ ಪಂದ್ಯದಲ್ಲಿ, ಆತಿಥೇಯ ತಂಡದ ನಾಯಕ ಶುಭಮನ್ ಗಿಲ್ ಟಾಸ್ ಗೆದ್ದು ಬೌಲಿಂಗ್ ಆಯ್ದುಕೊಂಡರು. ನಾಲ್ಕು ಓವರ್ಗಳಲ್ಲಿ 31 ರನ್ಗಳಿಗೆ 2 ವಿಕೆಟ್ಗಳನ್ನು ಪಡೆದು ರೆಡ್ಡಿ ಕೂಡ ವಿಕೆಟ್ಗಳ ಪಟ್ಟಿಯಲ್ಲಿದ್ದರು. ಅವರು ಎಸೆತಗಳಲ್ಲಿ 102 ರನ್ ಗಳಿಸಿದ ಅಫ್ಘಾನಿಸ್ತಾನದ ಬ್ಯಾಟ್ಸ್ಮನ್ ರಹಮಾನಲ್ಲಾ ಗುರ್ಬಾಜ್ ಅವರನ್ನು ಔಟ್ ಮಾಡಿದರು.
ಗುರ್ಬಾಜ್ ಅವರ ವಿಕೆಟ್ ಪಂದ್ಯಕ್ಕೆ ತಿರುವು ನೀಡಿತು ಮತ್ತು ಅಫ್ಘಾನಿಸ್ತಾನವನ್ನು 194 ರನ್ಗಳಿಗೆ ಆಲೌಟ್ ಮಾಡಿತು. ಅಂತಿಮವಾಗಿ ಅವರು ಈ ಮೊತ್ತವನ್ನು ಸುಲಭವಾಗಿ ಬೆನ್ನಟ್ಟಿ, ಏಳು ವಿಕೆಟ್ಗಳಿಂದ ಭಾರತ ಪಂದ್ಯವನ್ನು ಗೆದ್ದಿತು.
'ನಿತೀಶ್ ಕುಮಾರ್ ರೆಡ್ಡಿ ಪರಿಪೂರ್ಣ ಯಾರ್ಕರ್ ಮೂಲಕ ರಹಮಾನುಲ್ಲಾ ಗುರ್ಬಾಜ್ ಅವರ ದೊಡ್ಡ ವಿಕೆಟ್ ಪಡೆದರು. ನೀವು ಆ ರೀತಿಯ ಯಾರ್ಕರ್ಗಳನ್ನು ಹೊಡೆಯಲು ಸಾಧ್ಯವಾದರೆ, ನೀವು ತಂಡಕ್ಕೆ ಅಮೂಲ್ಯವಾದ ಆಸ್ತಿಯಾಗುತ್ತೀರಿ' ಎಂದು ಗವಾಸ್ಕರ್ ಜಿಯೋಸ್ಟಾರ್ಗೆ ತಿಳಿಸಿದರು.
ರಹಮಾನುಲ್ಲಾ ಗುರ್ಬಾಜ್ ತಮ್ಮ ಹೊಡೆತಕ್ಕೆ ಜಾಗ ಸೃಷ್ಟಿಸಲು ಮುಂದಾದಾಗ, ನಿತೀಶ್ ಕುಮಾರ್ ರೆಡ್ಡಿ ಎಸೆದ ಪರಿಪೂರ್ಣ ಯಾರ್ಕರ್ ಸ್ಟಂಪ್ನ ಬೇಸ್ಗೆ ಬಡಿಯಿತು. ಆಗ ಅವರು ಔಟ್ ಆದರು.
'ಪ್ರತಿ ಬಾರಿ ಅವರು ಏನಾದರೂ ಅದ್ಭುತವಾಗಿ ಪ್ರಯತ್ನಿಸಿದಾಗ, ಅದರಿಂದ ಎದುರಾಳಿ ತಂಡದ ಬ್ಯಾಟರ್ಗೆ ರನ್ಗಳು ಬರುತ್ತಿದ್ದವು. ಆದರೆ, ಪ್ರತಿ ಬಾರಿ ಅವರು ಯಾರ್ಕರ್ ಎಸೆದಾಗ, ಅದು ಕೆಲಸ ಮಾಡಿತು. ಆಲ್ರೌಂಡರ್ನ ಈ ಬೌಲಿಂಗ್ ಭಾರತಕ್ಕೆ ಮುಂದೆ ಹೆಚ್ಚುವರಿ ಯುದ್ಧತಂತ್ರದ ಆಯ್ಕೆಯನ್ನು ನೀಡುತ್ತದೆ' ಎಂದು ಗವಾಸ್ಕರ್ ಹೇಳಿದರು.
'ಹಾಗಾದರೆ, ಇಲ್ಲಿದೆ ನೋಡಿ ಪರಿಹಾರ. ಭಾರತ ಈಗ ನಿತೀಶ್ ಕುಮಾರ್ ರೆಡ್ಡಿ ಅವರಂತಹ ಆಟಗಾರನನ್ನು ಹೊಂದಿದ್ದು, ಅವರು ಐದನೇ ಅಥವಾ ಆರನೇ ಬೌಲರ್ ಪಾತ್ರವನ್ನು ತುಂಬಬಲ್ಲರು. ಪಿಚ್ ಮತ್ತು ಪಂದ್ಯದ ಪರಿಸ್ಥಿತಿಯನ್ನು ಅವಲಂಬಿಸಿ, ಅವರು ನಾಯಕ ಮತ್ತು ಆಯ್ಕೆದಾರರಿಗೆ ನೆರವಾಗುತ್ತಾರೆ. 'ಬ್ಯಾಟರ್ ಆಗಿ ಆರಿಸಿ ಅಥವಾ ಬೌಲರ್ ಆಗಿಯಾದರೂ ನನ್ನನ್ನು ಆರಿಸಿ, ನಾನು ಸಿದ್ಧ' ಎನ್ನುವುದು ಯಾವುದೇ ತಂಡಕ್ಕಾದರೂ ಅದು ದೊಡ್ಡ ಪ್ಲಸ್ ಆಗಿದೆ' ಎಂದು ಹೇಳಿದರು.
ರೆಡ್ಡಿ ಬ್ಯಾಟಿಂಗ್ನಲ್ಲಿ ಯಾವಾಗಲೂ ಪ್ರಭಾವಶಾಲಿಯಾಗಿದ್ದರೂ, ಆಟಗಾರನು ತನ್ನ ಬೌಲಿಂಗ್ನಲ್ಲಿ ಇತ್ತೀಚೆಗೆ ಗಮನಾರ್ಹ ಸುಧಾರಣೆಗಳನ್ನು ಮಾಡಿದ್ದಾರೆ.
ಐಪಿಎಲ್ 2026ರಲ್ಲಿ 302 ರನ್ ಗಳಿಸುವುದರೊಂದಿಗೆ, ರೆಡ್ಡಿ ಎಂಟು ವಿಕೆಟ್ಗಳನ್ನು ಪಡೆದರು. ಇದು ಅವರು ಇಲ್ಲಿಯವರೆಗೆ ಆಡಿದ ನಾಲ್ಕು ಆವೃತ್ತಿಗಳಲ್ಲಿ ಅವರ ಅತ್ಯುತ್ತಮ ಆವೃತ್ತಿಯಾಗಿದೆ.