ಸೋಮವಾರ ಲಕ್ನೋ ಸೂಪರ್ ಜೈಂಟ್ಸ್ (LSG) ವಿರುದ್ಧದ ಐಪಿಎಲ್ 2026 ಪಂದ್ಯದ ವೇಳೆ ಮುಂಬೈ ಇಂಡಿಯನ್ಸ್ ವೇಗಿ ಜಸ್ಪ್ರೀತ್ ಬುಮ್ರಾ ಮಾಡಿದ ದೊಡ್ಡ ತಪ್ಪಿಗೆ ಭಾರತೀಯ ಕ್ರಿಕೆಟ್ ತಂಡದ ದಂತಕಥೆ ಸುನೀಲ್ ಗವಾಸ್ಕರ್ ಟೀಕಿಸಿದ್ದಾರೆ. ಎಲ್ಎಸ್ಜಿ ಇನಿಂಗ್ಸ್ನ 14ನೇ ಓವರ್ನಲ್ಲಿ, ಬುಮ್ರಾ ಅವರ ಎಸೆತದಲ್ಲಿ ಹಿಮ್ಮತ್ ಸಿಂಗ್ ಔಟ್ ಆದರು. ಆದರೆ, ಸೈರನ್ ಮೊಳಗಿದಾಗ ಮತ್ತು ಅಂಪೈರ್ ನೋ-ಬಾಲ್ ಸಿಗ್ನಲ್ ನೀಡಿದಾಗ ಎಲ್ಲವೂ ಬದಲಾಯಿತು. ಅಂತಹ ಮಹತ್ವದ ಹಂತದಲ್ಲಿ ಬುಮ್ರಾ ಅವರು ಗೆರೆ ದಾಟಿದ್ದಕ್ಕೆ ಗವಾಸ್ಕರ್ ಕೋಪಗೊಂಡರು ಮತ್ತು ಆ ಸಮಯದಲ್ಲಿ ನೋ-ಬಾಲ್ಗಳನ್ನು ಎಸೆಯುವುದು 'ಸ್ವೀಕಾರಾರ್ಹವಲ್ಲ' ಎಂದು ಹೇಳಿದರು.
'ಇದು ಸ್ವೀಕಾರಾರ್ಹವಲ್ಲ. ನೀವು ವೃತ್ತಿಪರ ಕ್ರಿಕೆಟಿಗ. ವೈಡ್ಸ್, ನನಗೆ ಅರ್ಥವಾಯಿತು. ಆದರೆ, ನೋ-ಬಾಲ್ಗಳಲ್ಲ' ಎಂದು ಗವಾಸ್ಕರ್ ಕಮೆಂಟರಿಯಲ್ಲಿ ಹೇಳಿದರು.
ಸೋಮವಾರ ನಡೆದ ಇಂಡಿಯನ್ ಪ್ರೀಮಿಯರ್ ಲೀಗ್ ಪಂದ್ಯದಲ್ಲಿ ಮುಂಬೈ ಇಂಡಿಯನ್ಸ್ (MI) ತಂಡವು ಆರಂಭಿಕ ಆಟಗಾರರಾದ ರೋಹಿತ್ ಶರ್ಮಾ ಮತ್ತು ರಿಯಾನ್ ರಿಕಲ್ಟನ್ ಅವರ ಅದ್ಭುತ ಅರ್ಧಶತಕಗಳ ನೆರವಿನಿಂದ ಲಕ್ನೋ ಸೂಪರ್ ಜೈಂಟ್ಸ್ ತಂಡವನ್ನು ಆರು ವಿಕೆಟ್ಗಳಿಂದ ಸೋಲಿಸಿತು.
ರೋಹಿತ್ ಶರ್ಮಾ 44 ಎಸೆತಗಳಲ್ಲಿ 84 ರನ್ ಗಳಿಸಿದರು ಮತ್ತು ರಿಕಲ್ಟನ್ (32 ಎಸೆತಗಳಲ್ಲಿ 83) ಅವರೊಂದಿಗೆ 143 ರನ್ಗಳ ಆರಂಭಿಕ ಜೊತೆಯಾಟವಾಡಿದರು. ಮುಂಬೈ ಇಂಡಿಯನ್ಸ್ ತಂಡವು ಲಕ್ನೋ ಸೂಪರ್ ಜೈಂಟ್ಸ್ ನೀಡಿದ 228 ರನ್ಗಳ ಗುರಿಯನ್ನು 18.4 ಓವರ್ಗಳಲ್ಲಿಯೇ ತಲುಪಿತು. ಈ ಮೂಲಕ ಎಂಐ ಆಡಿರುವ 10 ಪಂದ್ಯಗಳಲ್ಲಿ ಮೂರನೇ ಗೆಲುವು ಸಾಧಿಸಿತು.
ಈಮಧ್ಯೆ, ಲಕ್ನೋ ಆಡಿರುವ ಒಂಬತ್ತು ಪಂದ್ಯಗಳಲ್ಲಿ ಕೇವಲ 2ರಲ್ಲಿ ಜಯ ಸಾಧಿಸಿದ್ದು, ಅಂಕಪಟ್ಟಿಯಲ್ಲಿ ಕೊನೆಯ ಸ್ಥಾನದಲ್ಲಿದೆ.
ಇದಕ್ಕೂ ಮೊದಲು, ನಿಕೋಲಸ್ ಪೂರನ್ ಈ ಆವೃತ್ತಿಯ ತಮ್ಮ ಚೊಚ್ಚಲ ಅರ್ಧಶತಕ ಬಾರಿಸುವ ಮೂಲಕ, ರಿಷಭ್ ಪಂತ್ ನೇತೃತ್ವದ ತಂಡವನ್ನು 228/5 ಸ್ಕೋರ್ ಮಾಡುವಲ್ಲಿ ನೆರವಾದರು. ಆರಂಭಿಕ ಆಟಗಾರ ಮಿಚೆಲ್ ಮಾರ್ಷ್ ಈ ಆವೃತ್ತಿಯ ಒಂಬತ್ತನೇ ಪಂದ್ಯದಲ್ಲಿ ಉತ್ತಮ ಬ್ಯಾಟಿಂಗ್ ಪ್ರದರ್ಶನ ನೀಡಿ 44 ರನ್ ಗಳಿಸಿದರು.