ರಾಯಲ್ ಚಾಲೆಂಜರ್ಸ್ ಬೆಂಗಳೂರು (RCB) ತಂಡವು ಗುಜರಾತ್ ಟೈಟಾನ್ಸ್ (GT) ವಿರುದ್ಧದ ಕ್ವಾಲಿಫೈಯರ್ 1 ಟೈನಲ್ಲಿ ಸೆಣಸಲಿದ್ದು, ಪ್ಲೇಯಿಂಗ್ ಇಲೆವೆನ್ ಆಯ್ಕೆ ಇದೀಗ ಆರ್ಸಿಬಿಗೆ ತಲೆನೋವಾಗಿ ಪರಿಣಮಿಸಿದೆ. ಗಾಯದಿಂದ ಬಳಲುತ್ತಿದ್ದ ಫಿಲ್ ಸಾಲ್ಟ್ ಇದೀಗ ತಂಡಕ್ಕೆ ಮರಳಿದ್ದು, ಪ್ಲೇಯಿಂಗ್ ಇಲೆವೆನ್ನಲ್ಲಿ ಸ್ಥಾನ ಪಡೆಯುವ ಸಾಧ್ಯತೆ ಇದೆ. ಐಪಿಎಲ್ 2026ರಲ್ಲಿ ಸತತ ಎರಡನೇ ಬಾರಿಗೆ ಫೈನಲ್ ತಲುಪುವ ಗುರಿಯನ್ನು ಆರ್ಸಿಬಿ ಹೊಂದಿದೆ. 14 ಪಂದ್ಯಗಳಿಂದ 9 ಜಯಗಳೊಂದಿಗೆ ಐಪಿಎಲ್ 2026ರ ಅಂಕಗಳ ಪಟ್ಟಿಯಲ್ಲಿ ಅಗ್ರಸ್ಥಾನ ಪಡೆದ ನಂತರ ಹಾಲಿ ಚಾಂಪಿಯನ್ ತಂಡವು ಧರ್ಮಶಾಲಾದಲ್ಲಿ ಜಿಟಿ ತಂಡವನ್ನು ಎದುರಿಸಲಿದೆ. ಗಾಯದಿಂದಾಗಿ ಕಳೆದ ಕೆಲವು ಪಂದ್ಯಗಳಿಂದ ಹೊರಗುಳಿದಿದ್ದ ಫಿಲ್ ಸಾಲ್ಟ್ ಇದೀಗ ಜೇಕಬ್ ಬೆಥೆಲ್ ಬದಲಿಗೆ ತಂಡಕ್ಕೆ ಮರಳುವ ನಿರೀಕ್ಷೆಯಿದೆ. ಈಮಧ್ಯೆ, ದೇವದತ್ ಪಡಿಕ್ಕಲ್ ಬದಲಿಗೆ ವೆಂಕಟೇಶ್ ಅಯ್ಯರ್ ಅವರನ್ನು ಪ್ಲೇಯಿಂಗ್ XI ನಲ್ಲಿ ಸೇರಿಸಬೇಕೆ ಎಂಬ ಕುರಿತು RCB ನಿರ್ಧರಿಸಬೇಕಿದೆ.
ಆರ್ಸಿಬಿಗೆ ಸಾಲ್ಟ್ ಏಕೆ ಅಗತ್ಯ
ಬೌಂಡರಿ ಲೈನ್ ಬಳಿ ಫೀಲ್ಡಿಂಗ್ ಮಾಡುವಾಗ ಉಂಟಾದ ಗಾಯದಿಂದಾಗಿ ಮೌಲ್ಯಮಾಪನಕ್ಕಾಗಿ ಈ ತಿಂಗಳ ಆರಂಭದಲ್ಲಿ ಇಂಗ್ಲೆಂಡ್ಗೆ ಮರಳಿದ್ದ ಫಿಲ್ ಸಾಲ್ಟ್, ಆರ್ಸಿಬಿ ಶಿಬಿರಕ್ಕೆ ಮರಳಿದ್ದಾರೆ ಮತ್ತು ಕ್ವಾಲಿಫೈಯರ್ 1 ಪಂದ್ಯಕ್ಕೂ ಮುನ್ನ ಧರ್ಮಶಾಲಾಗೆ ತಂಡದೊಂದಿಗೆ ಪ್ರಯಾಣ ಬೆಳೆಸಿದ್ದಾರೆ. ಆರ್ಸಿಬಿ ತಂಡದ ಸದಸ್ಯರು ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಂಡ ಇತ್ತೀಚಿನ ಪೋಸ್ಟ್ಗಳು ಇಂಗ್ಲೆಂಡ್ ತಾರೆ ಚೆನ್ನಾಗಿ ಚೇತರಿಸಿಕೊಳ್ಳುತ್ತಿದ್ದಾರೆ ಎಂದು ತೋರಿಸುತ್ತವೆ. ಜಿಟಿ ವಿರುದ್ಧದ ಕ್ವಾಲಿಫೈಯರ್ 1 ಪಂದ್ಯಕ್ಕೆ ಆರ್ಸಿಬಿಗೆ ಸಾಲ್ಟ್ ತೀರಾ ಅಗತ್ಯವಾಗಿದೆ. ಅವರು ಗಾಯಗೊಂಡಿದ್ದಾಗ ಬದಲಿ ಆಟಗಾರನಾಗಿ ಬಂದಿದ್ದ ಜೇಕಬ್ ಬೆಥೆಲ್ ತಾವು ಪಡೆದ ಸೀಮಿತ ಅವಕಾಶಗಳಲ್ಲಿ ಉತ್ತಮ ಪ್ರದರ್ಶನ ನೀಡಲಿಲ್ಲ.
ಬೆಥೆಲ್ 7 ಪಂದ್ಯಗಳಲ್ಲಿ ಕೇವಲ 96 ರನ್ ಗಳಿಸುವಲ್ಲಿ ಯಶಸ್ವಿಯಾಗಿದ್ದು, ಅವರ ಗರಿಷ್ಠ ಸ್ಕೋರ್ 27 ಆಗಿದೆ. ಐಪಿಎಲ್ 2026 ರಲ್ಲಿ ಆರ್ಸಿಬಿ ಪರ ಅವರ ಸ್ಕೋರ್ಗಳು 14, 20, 5, 4, 27, 15 ಮತ್ತು 11 ಆಗಿದೆ. ಮತ್ತೊಂದೆಡೆ, ಸಾಲ್ಟ್ 2025 ರಿಂದ ವಿರಾಟ್ ಕೊಹ್ಲಿ ಅವರೊಂದಿಗೆ ಆರಂಭಿಕ ಬ್ಯಾಟ್ಸ್ಮನ್ ಆಗಿದ್ದಾರೆ. ಐಪಿಎಲ್ 2026ರಲ್ಲಿ 6 ಪಂದ್ಯಗಳಿಂದ 33.66 ಸರಾಸರಿಯಲ್ಲಿ 202 ರನ್ ಗಳಿಸಿದ್ದಾರೆ ಮತ್ತು ಈ ಆವೃತ್ತಿಯಲ್ಲಿ ಎರಡು ಅರ್ಧಶತಕಗಳನ್ನು ಗಳಿಸಿದ್ದಾರೆ. ಆದ್ದರಿಂದ, ಅತ್ಯಂತ ಪ್ರಮುಖ ಸ್ಪರ್ಧೆಯಲ್ಲಿ ಫಿಲ್ ಲಾಸ್ಟ್ ಇರುವುದು ಉತ್ತಮವಾಗಿರುತ್ತದೆ.
ದೇವದತ್ ಪಡಿಕ್ಕಲ್ vs ವೆಂಕಟೇಶ್ ಅಯ್ಯರ್
2025ರಲ್ಲಿ ಕೆಲವು ಪಂದ್ಯಗಳನ್ನು ತಪ್ಪಿಸಿಕೊಂಡ ನಂತರ ಆರ್ಸಿಬಿ ತಂಡಕ್ಕೆ ಮರಳಿದ ದೇವದತ್ ಪಡಿಕ್ಕಲ್, ಐಪಿಎಲ್ 2026ರಲ್ಲಿ 13 ಇನಿಂಗ್ಸ್ಗಳಿಂದ 433 ರನ್ ಗಳಿಸಿದ್ದಾರೆ. ಕರ್ನಾಟಕದ ಬ್ಯಾಟ್ಸ್ಮನ್ 171.82ರ ಅತ್ಯುತ್ತಮ ಸ್ಟ್ರೈಕ್ ರೇಟ್ ಕಾಯ್ದುಕೊಂಡಿದ್ದಾರೆ. ಈ ಆವೃತ್ತಿಯಲ್ಲಿ ಈಗಾಗಲೇ ಮೂರು ಅರ್ಧಶತಕಗಳನ್ನು ಗಳಿಸಿದ್ದಾರೆ. ಆರ್ಸಿಬಿ ಪರ ಅವರು 14 ಲೀಗ್ ಹಂತದ ಪಂದ್ಯಗಳಲ್ಲಿ ಆಡಿದ್ದಾರೆ. ಆದ್ದರಿಂದ ಜಿಟಿ ವಿರುದ್ಧದ ಪಂದ್ಯದಲ್ಲಿ ಆಡುವ ಹನ್ನೊಂದರಿಂದ ಹೊರಗುಳಿಯುವ ಸಾಧ್ಯತೆಯಿಲ್ಲ.
ಆದಾಗ್ಯೂ, ವೆಂಕಟೇಶ್ ಅಯ್ಯರ್ ಕೂಡ ಆಡಿರುವ 5 ಪಂದ್ಯಗಳಲ್ಲಿ 158 ರನ್ ಗಳಿಸಿದ್ದಾರೆ. ಹೆಚ್ಚಿನ ಪಂದ್ಯಗಳಲ್ಲಿ, ಅವರನ್ನು ಇಂಪ್ಯಾಕ್ಟ್ ಪ್ಲೇಯರ್ ಆಗಿ ಬಳಸಿಕೊಳ್ಳಲಾಯಿತು. SRH ವಿರುದ್ಧದ RCB ಯ ಅಂತಿಮ IPL 2026 ಲೀಗ್ ಹಂತದ ಪಂದ್ಯದಲ್ಲಿ, ಅವರು 19 ಎಸೆತಗಳಲ್ಲಿ 44 ರನ್ ಗಳಿಸಿದರು.
ಧರ್ಮಶಾಲಾದ HPCA ಕ್ರೀಡಾಂಗಣದ ಮೈದಾನದ ಸ್ವರೂಪವು ಬ್ಯಾಟ್ಸ್ಮನ್ಗಳಿಗೆ ಅನುಕೂಲಕರವಾಗಿರುವುದರಿಂದ, RCB ಬ್ಯಾಟಿಂಗ್ ಮಾಡುವಾಗಲೆಲ್ಲ ಇಬ್ಬರೂ ಬ್ಯಾಟ್ಸ್ಮನ್ಗಳನ್ನು ಹೊಂದಲು ಉತ್ಸುಕವಾಗಿರುತ್ತದೆ. ದೇವದತ್ ಪಡಿಕ್ಕಲ್ ನಿಯಮಿತ ಆಟಗಾರನಾಗಿ ಪ್ಲೇಯಿಂಗ್ XI ನಲ್ಲಿರುತ್ತಾರೆ. ಆದರೆ, ತಂಡದ ಬ್ಯಾಟಿಂಗ್ ಆಳವನ್ನು ಹೆಚ್ಚಿಸಲು ಅಯ್ಯರ್ ಅವರನ್ನು ಇಂಪ್ಯಾಕ್ಟ್ ಪ್ಲೇಯರ್ ಆಗಿ ತರಬಹುದು.
ಆರ್ಸಿಬಿಯ ಬೌಲಿಂಗ್ ಲೈನ್ಅಪ್ ಹೇಗಿರುತ್ತದೆ?
ಆರ್ಸಿಬಿಯ ಬೌಲಿಂಗ್ ಲೈನ್ಅಪ್ ಭುವನೇಶ್ವರ್ ಕುಮಾರ್ ಮತ್ತು ಜಾಶ್ ಹೇಜಲ್ವುಡ್ ನೇತೃತ್ವದ ವೇಗದ ಬೌಲಿಂಗ್ ದಾಳಿಯನ್ನು ಒಳಗೊಂಡಿರುತ್ತದೆ ಎಂದು ನಿರೀಕ್ಷಿಸಲಾಗಿದೆ. ಕಳೆದ ಬಾರಿ ತಂಡವು ಈ ಸ್ಥಳದಲ್ಲಿ ಪಂಜಾಬ್ ಕಿಂಗ್ಸ್ ವಿರುದ್ಧ ಆಡಿದಾಗ, 8 ವಿಕೆಟ್ಗಳಲ್ಲಿ ರಸಿಕ್ ಸಲಾಂ ದಾರ್ ಮೂರು ವಿಕೆಟ್ಗಳನ್ನು ಪಡೆದರು. ಆದ್ದರಿಂದ, ತಂಡವು ತಮ್ಮ ವೇಗದ ಬೌಲರ್ಗಳ ಮೇಲೆ ಹೆಚ್ಚು ಅವಲಂಬಿತವಾಗಿದೆ. ಆದರೆ, ಸುಯಾಶ್ ಶರ್ಮಾ ಅವರನ್ನು ಏಕೈಕ ಸ್ಪೆಷಲಿಸ್ಟ್ ಸ್ಪಿನ್ನರ್ ಆಗಿ ಬಳಸಿಕೊಳ್ಳಲಿದೆ. ಆದರೆ, ಅದು ಅವರು ಮೊದಲು ಬೌಲಿಂಗ್ ಮಾಡುತ್ತಾರೆಯೇ ಅಥವಾ ಬ್ಯಾಟಿಂಗ್ ಮಾಡುತ್ತಾರೆಯೇ ಎಂಬುದರ ಮೇಲೆ ಅವಲಂಬಿತವಾಗಿರುತ್ತದೆ.
RCB ಸಂಭಾವ್ಯ ಪ್ಲೇಯಿಂಗ್ XI
ಫಿಲ್ ಸಾಲ್ಟ್, ವಿರಾಟ್ ಕೊಹ್ಲಿ, ದೇವದತ್ ಪಡಿಕ್ಕಲ್, ರಜತ್ ಪಾಟೀದಾರ್ (ನಾಯಕ), ಕೃನಾಲ್ ಪಾಂಡ್ಯ, ಟಿಮ್ ಡೇವಿಡ್, ಜಿತೇಶ್ ಶರ್ಮಾ (ವಿಕೆಟ್ ಕೀಪರ್), ರೊಮಾರಿಯೊ ಶೆಫರ್ಡ್, ಭುವನೇಶ್ವರ್ ಕುಮಾರ್, ಜಾಶ್ ಹೇಜಲ್ವುಡ್, ರಸಿಖ್ ಸಲಾಂ ದಾರ್
ಇಂಪ್ಯಾಕ್ಟ್ ಆಟಗಾರರು: ಸುಯಾಶ್ ಶರ್ಮಾ/ವೆಂಕಟೇಶ್ ಅಯ್ಯರ್