ಪಾಕಿಸ್ತಾನ ಕ್ರಿಕೆಟ್ನಲ್ಲಿ ಸಮಸ್ಯೆ ತಲೆದೋರುತ್ತಿದೆ. ಲಾರ್ಡ್ಸ್ನಲ್ಲಿ ಇಂಗ್ಲೆಂಡ್ ವಿರುದ್ಧದ ಎರಡನೇ ಟೆಸ್ಟ್ನ ಎರಡೂ ಇನಿಂಗ್ಸ್ಗಳಲ್ಲಿ ಬ್ಯಾಟಿಂಗ್ ಮಾಡದಂತೆ ತಡೆಯೊಡ್ಡಿದ ಎಡಗಾಲಿನ ಸ್ನಾಯುವಿನ ಗಾಯದ ಬಗ್ಗೆ ತನಿಖೆ ನಡೆಸಲು ಪಾಕಿಸ್ತಾನ ಕ್ರಿಕೆಟ್ ಮಂಡಳಿ ನಿರ್ಧರಿಸಿದ್ದು, ಇದೀಗ ಆರಂಭಿಕ ಆಟಗಾರ ಇಮಾಮ್-ಉಲ್-ಹಕ್ ಬಲವಾದ ಶಿಸ್ತು ಕ್ರಮ ಎದುರಿಸುವ ಭೀತಿಯಲ್ಲಿದ್ದಾರೆ. ಟೆಸ್ಟ್ನ ಆರಂಭಿಕ ದಿನದಂದು ಫೀಲ್ಡಿಂಗ್ ಮಾಡುವಾಗ ಇಮಾಮ್ ಗಾಯಗೊಂಡರು ಮತ್ತು ಪಂದ್ಯದಲ್ಲಿ ಹೆಚ್ಚು ಭಾಗವಹಿಸಲಿಲ್ಲ. ತಂಡದ ಆಡಳಿತ ಮಂಡಳಿಯು ಅವರ ಗಾಯವನ್ನು ಘೋಷಿಸಿದಾಗಿನಿಂದ, ಅವರು ಗಾಯವಾಗಿರುವಂತೆ ನಾಯಕ ಮಾಡುತ್ತಿದ್ದಾರೆ ಎಂಬ ಬಗ್ಗೆ ಊಹಾಪೋಹಗಳಿವೆ. 'ಒಂದು ವಿಷಯ ಖಚಿತ, ಅವರು ಮೂರನೇ ಟೆಸ್ಟ್ಗೆ ಮೊದಲು ಮನೆಗೆ ಹಿಂತಿರುಗುತ್ತಿದ್ದಾರೆ' ಎಂದು ಮಂಡಳಿಗೆ ಹತ್ತಿರವಿರುವ ಒಂದು ಮೂಲ ದೃಢಪಡಿಸಿದೆ.
ಪಿಸಿಬಿ ಅಧ್ಯಕ್ಷ ಮೊಹ್ಸಿನ್ ನಖ್ವಿ ಅವರು ಇಡೀ ವಿಷಯವನ್ನು ತನಿಖೆ ಮಾಡಲು ಮತ್ತು ಸಾಧ್ಯವಾದಷ್ಟು ಬೇಗ ತನ್ನ ವರದಿ ಸಲ್ಲಿಸುವಂತೆ ತನಿಖಾ ಸಮಿತಿ ರಚಿಸುವಂತೆ ಆದೇಶಿಸಿದ್ದಾರೆ ಎಂದು ಅವರು ಹೇಳಿದರು.
ಎರಡನೇ ಟೆಸ್ಟ್ ಪಂದ್ಯದ 4ನೇ ದಿನದ ಬೆಳಗ್ಗೆ ಇಮಾಮ್ ಥ್ರೋಡೌನ್ಗಳೊಂದಿಗೆ ಬ್ಯಾಟಿಂಗ್ ಅಭ್ಯಾಸ ಮಾಡಿದ್ದಕ್ಕಾಗಿ ಅವರನ್ನು ಟೀಕಿಸಲಾಯಿತು ಮತ್ತು ಇಂಗ್ಲೆಂಡ್ನ ಮಾಜಿ ಕ್ರಿಕೆಟಿಗ ಸ್ಟುವರ್ಟ್ ಬ್ರಾಡ್, ಇಮಾಮ್ ತಾನು ನಿಜವಾಗಿಯೂ ಗಾಯಗೊಂಡಿದ್ದೇನೆ ಎಂದು ಎಲ್ಲರಿಗೂ ಮನವರಿಕೆ ಮಾಡಿಕೊಡಲು ಅದನ್ನು ಪ್ರದರ್ಶಿಸುತ್ತಿದ್ದಾರೆ ಎಂದು ಹೇಳಿದರು.
ಜಿಯೋ ಟಿವಿ ಪ್ರಕಾರ, ಪಾಕಿಸ್ತಾನ ಕ್ರಿಕೆಟ್ ಮಂಡಳಿ (ಪಿಸಿಬಿ) ಅಧಿಕಾರಿಗಳು ಈ ಹಿಂದೆ ಇಮಾಮ್ ಅವರ ಆಪಾದಿತ ಗಾಯಗಳ ಬಗ್ಗೆ ಕಳವಳ ವ್ಯಕ್ತಪಡಿಸಿದ್ದರು. 'ಮಾರ್ಚ್ 2025 ರಲ್ಲಿ, ಪಾಕಿಸ್ತಾನ ಕ್ರಿಕೆಟ್ ಮಂಡಳಿ (ಪಿಸಿಬಿ) ರಚಿಸಿದ ತನಿಖಾ ಸಮಿತಿಯು ಪಾಕಿಸ್ತಾನದ ನ್ಯೂಜಿಲೆಂಡ್ ಪ್ರವಾಸದ ಸಮಯದಲ್ಲಿ ಇಮಾಮ್ ತನ್ನ ಗಾಯದ ಬಗ್ಗೆ ತಪ್ಪು ಅಥವಾ ದಾರಿತಪ್ಪಿಸುವ ಅಭಿಪ್ರಾಯ ನೀಡಿರುವುದನ್ನು ಪತ್ತೆ ಮಾಡಿತ್ತು' ಎಂದು ಮೂಲವೊಂದು ಹೇಳಿರುವುದಾಗಿ ವರದಿ ತಿಳಿಸಿದೆ.
'ಎಕ್ಸ್-ರೇಯಲ್ಲಿ ಅವರ ಕಾಲ್ಬೆರಳಿನಲ್ಲಿ ಯಾವುದೇ ಮುರಿತ ಅಥವಾ ಸ್ಥಳಾಂತರ ಕಂಡುಬಂದಿಲ್ಲದ ನಂತರ ಅವರು ಗಾಯಗೊಂಡಿದ್ದಾರೆ ಎಂದು ಘೋಷಿಸಲು ಯಾವುದೇ ವೈದ್ಯಕೀಯ ಆಧಾರವಿಲ್ಲ. ಇಮಾಮ್ ತನ್ನ ಗಾಯದ ಲಕ್ಷಣಗಳನ್ನು ಉತ್ಪ್ರೇಕ್ಷಿಸಿದ್ದಾರೆ ಮತ್ತು ವೈದ್ಯಕೀಯ ಸಿಬ್ಬಂದಿಯನ್ನು ದಾರಿ ತಪ್ಪಿಸಿದ್ದಾರೆ ಎಂಬುದನ್ನು ಸಮಿತಿ ಕಂಡುಕೊಂಡಿತು. ಹೀಗಾಗಿ ಎಲ್ಲ ಸ್ವರೂಪಗಳು ಮತ್ತು ಹಂತಗಳಲ್ಲಿ ಪಾಕಿಸ್ತಾನವನ್ನು ಪ್ರತಿನಿಧಿಸುವುದರ ಮೇಲೆ ನಿಷೇಧ ಹೇರಲು ಶಿಫಾರಸು ಮಾಡಿದೆ.
'ನ್ಯೂಜಿಲೆಂಡ್ನ ವೇಗದ ಮತ್ತು ಸವಾಲಿನ ಪಿಚ್ಗಳಲ್ಲಿ ಇಮಾಮ್ ಆರಂಭಿಕ ಆಟಗಾರನಾಗುವುದನ್ನು ತಪ್ಪಿಸಲು ಬಯಸಿದ್ದರು. ಹೀಗಾಗಿ ಅವರ ನಡವಳಿಕೆ ಉದ್ದೇಶಪೂರ್ವಕ ಮತ್ತು ದಾರಿತಪ್ಪಿಸುವುದಾಗಿತ್ತು' ಎಂದು ತನಿಖೆಯಲ್ಲಿ ತಿಳಿದುಬಂದಿದೆ.