ಮಾಸ್ಕೋ(ರಷ್ಯಾ): 2018ರ ಫಿಫಾ ವಿಶ್ವಕಪ್ ಪಂದ್ಯಾವಳಿ ವೇಳೆ ಲೈವ್ ನೀಡುತ್ತಿದ್ದ ಪತ್ರಕರ್ತರಿಗೆ ಮುತ್ತು ನೀಡಿದ ಪ್ರಕರಣಗಳು ವೈರಲ್ ಆಗಿದ್ದವು.
ಇದೀಗ ಮತ್ತೊಂಮ್ಮೆ ಇದೇ ರೀತಿಯ ಪ್ರಕರಣ ವರದಿಯಾಗಿದ್ದು ಸುದ್ದಿವಾಹಿನಿಗೆ ನೇರಪ್ರಸಾರದಲ್ಲಿ ಮಾಹಿತಿ ನೀಡುತ್ತಿದ್ದ ಕೊಲಂಬಿಯನ್ ವರದಿಗಾರ ಜೂಲಿಯೆತ್ ಗೊನ್ಜಾಲೆಜ್ ಥೇರನ್ ಅವರಿಗೆ ರಷ್ಯನ್ ಯುವತಿಯರಿಬ್ಬರು ಅಪ್ಪಿಕೊಂಡು ಮುತ್ತಿಟ್ಟಿರುವ ಪ್ರಕರಣ ವರದಿಯಾಗಿದ್ದು ಈ ವಿಡಿಯೋ ಇದೀಗ ವೈರಲ್ ಆಗಿದ್ದು ವರದಿಗಾರನಿಗೆ ಲೈಂಗಿಕ ಕಿರುಕುಳ ನೀಡಲಾಗಿದೆ ಎಂಬುದರ ಕುರಿತು ಚರ್ಚೆಯಾಗುತ್ತಿದೆ.
ಈ ಘಟನೆ ಜೂನ್ 28ರಂದು ನಡೆದಿದ್ದು ದಕ್ಷಿಣ ಕೊರಿಯಾದ ವರದಿಗಾರನಿಗೆ ರಷ್ಯಾದ ಮಹಿಳಾ ಅಭಿಮಾನಿಗಳಿಬ್ಬರು ಮುತ್ತಿಟ್ಟಿದ್ದಾರೆ.
ಈ ಹಿಂದೆ ಸುದ್ದಿವಾಹಿನಿಗೆ ನೇರಪ್ರಸಾರದಲ್ಲಿ ಮಾಹಿತಿ ನೀಡುತ್ತಿದ್ದ ಜರ್ಮನ್ ಟಿವಿ ವರದಿಗಾರ್ತಿಯನ್ನು ತಬ್ಬಿಕೊಂಡು ರಷ್ಯಾದ ಫುಟ್ಬಾಲ್ ಅಭಿಮಾನಿ ಮುತ್ತು ನೀಡಿದ್ದು ತೀವ್ರ ಚರ್ಚೆಗೆ ಗ್ರಾಸವಾಗಿತ್ತು.