Samsung Galaxy Z Flip 8: ಸ್ಮಾರ್ಟ್‌ಫೋನ್ ಪ್ರಿಯರಲ್ಲಿ ತೀವ್ರ ಕುತೂಹಲ ಮೂಡಿಸಿರುವ ಸ್ಯಾಮ್‌ಸಂಗ್‌ನ ಹೊಸ ಫ್ಲಿಪ್ ಫೋನ್ ಗ್ಯಾಲಕ್ಸಿ Z ಫ್ಲಿಪ್ 8 ಬಿಡುಗಡೆಗೆ ಈಗ ದಿನಗಣನೆ ಆರಂಭವಾಗಿದೆ. ಸ್ಯಾಮ್‌ಸಂಗ್ ಕಂಪನಿಯು ಜುಲೈ 22 ರಂದು ನ್ಯೂಯಾರ್ಕ್‌ನಲ್ಲಿ ಆಯೋಜಿಸಿರುವ 'ಗ್ಯಾಲಕ್ಸಿ ಅನ್‌ಪ್ಯಾಕ್ಡ್' ಕಾರ್ಯಕ್ರಮದಲ್ಲಿ ಈ ಫೋನ್ ಅನ್ನು ಜಾಗತಿಕವಾಗಿ ಅನಾವರಣಗೊಳಿಸಲಿದೆ. ಆದ್ರೆ, ಬಿಡುಗಡೆಗೆ ಇನ್ನೂ 1 ದಿನ ಬಾಕಿ ಇರುವಾಗಲೇ Z ಫ್ಲಿಪ್ 8 ನ ಬೆಲೆ ಮತ್ತು ಪ್ರಮುಖ ವಿಶೇಷತೆಗಳು ಆನ್‌ಲೈನ್‌ನಲ್ಲಿ ಸೋರಿಕೆಯಾಗಿವೆ. ಅದ್ರಂತೆ, ಸ್ಯಾಮ್‌ಸಂಗ್‌ ಗ್ಯಾಲಕ್ಸಿ Z ಫ್ಲಿಪ್ 8 ಕುರಿತ ವರದಿ ಇಲ್ಲಿದೆ:

ಈ ಫೋನ್ ಫೀಚರ್ಸ್ ಏನೇನು?

• ಡಿಸ್‌ಪ್ಲೇ: ಗ್ಯಾಲಕ್ಸಿ Z ಫ್ಲಿಪ್ 8 ನಲ್ಲಿ ಅತಿದೊಡ್ಡ ಬದಲಾವಣೆಯೆಂದರೆ ಅದರ ಹೊರಗಿನ ಕವರ್ ಡಿಸ್ಪ್ಲೇ. ಈ ಬಾರಿ 4 ಇಂಚಿನ ದೊಡ್ಡ AMOLED ಸ್ಕ್ರೀನ್ ನೀಡಲಾಗಿದೆ. ಇದರಿಂದ ಫೋನ್ ಮಡಿಸದೆಯೇ ರಿಪ್ಲೈ ಮಾಡುವುದು, ಮ್ಯಾಪ್ ನೋಡುವುದು ಮತ್ತು ಕ್ಯಾಮೆರಾ ಬಳಸುವುದು ಸುಲಭವಾಗಲಿದೆ. ಜೊತೆಗೆ ಒಳಗಿನ ಮುಖ್ಯ ಡಿಸ್‌ಪ್ಲೇ 6.9 ಇಂಚಿನ LTPO OLED ಪರದೆಯನ್ನು ಹೊಂದಿರಲಿದ್ದು, 120Hz ರಿಫ್ರೆಶ್ ರೇಟ್ ಬೆಂಬಲಿಸಲಿದೆ.

• ಕ್ಯಾಮೆರಾ: ಬ್ಯಾಕ್ ಸೈಡ್ 50MP ಮುಖ್ಯ ಕ್ಯಾಮೆರಾ ಮತ್ತು 12MP ಅಲ್ಟ್ರಾ-ವೈಡ್ ಲೆನ್ಸ್ ಇರಲಿದೆ. ಇನ್ನು, ಸೆಲ್ಫಿಗಾಗಿ 10MP ಕ್ಯಾಮೆರಾ ಸಿಗಲಿದೆ. ಜೊತೆಗೆ AI ಫೀಚರ್‌ಗಳ ಮೂಲಕ ಫೋಟೋಗಳ ಗುಣಮಟ್ಟವನ್ನು ಮತಷ್ಟು ಹೆಚ್ಚಿಸಲಿದೆ.

• ಪ್ರೊಸೆಸರ್ ಮತ್ತು ಬ್ಯಾಟರಿ: ಫೋನ್‌ನಲ್ಲಿ ಅತ್ಯಾಧುನಿಕ Snapdragon 8 Elite ಚಿಪ್‌ಸೆಟ್ ಇರಲಿದೆ. ಜೊತೆಗೆ 4300mAh ಸಾಮರ್ಥ್ಯದ ಬ್ಯಾಟರಿ ನೀಡಲಾಗಿದೆ.

• ಜೊತೆಗೆ ಈ ಫೋನ್ ಆಂಡ್ರಾಯ್ಡ್ 17 ಆಧಾರಿತ One UI 9 ಸಾಫ್ಟ್‌ವೇರ್ ಹೊಂದಿರಲಿದ್ದು, ಮುಂದಿನ 7 ವರ್ಷಗಳ ಕಾಲ ಓಎಸ್ ಅಪ್ಡೇಟ್ ಸಿಗಲಿದೆ.

ಗ್ಯಾಲಕ್ಸಿ Z ಫ್ಲಿಪ್ 8 ಬೆಲೆ ಎಷ್ಟು?

ವರದಿಗಳ ಪ್ರಕಾರ, ಗ್ಯಾಲಕ್ಸಿ Z ಫ್ಲಿಪ್ 8 ನ ಬೇಸ್ ಮಾಡೆಲ್ ಅಂದರೆ 12GB RAM + 256GB ಸ್ಟೋರೇಜ್ ಇರುವ ಫೋನ್ ಭಾರತದಲ್ಲಿ ಸುಮಾರು ₹1,09,999 ದಿಂದ ಶುರುವಾಗುವ ಸಾಧ್ಯತೆ ಇದೆ. ಜೊತೆಗೆ 512GB ಮಾಡೆಲ್ ₹1,19,999 ವರೆಗೆ ಹೋಗಬಹುದು.

ಒಟ್ಟಾರೆಯಾಗಿ Z ಫ್ಲಿಪ್ 8 ಸ್ಟೈಲ್ ಮತ್ತು ಪರ್ಫಾರ್ಮೆನ್ಸ್ ಎರಡನ್ನೂ ಒಟ್ಟಿಗೆ ಬಯಸುವವರಿಗೆ ಸಖತ್ ಫೋನ್ ಆಗಿದೆ. ಬೆಲೆ ಸ್ವಲ್ಪ ಜಾಸ್ತಿ ಇದ್ದರೂ ದೊಡ್ಡ ಕವರ್ ಸ್ಕ್ರೀನ್, ಬೆಟರ್ ಬ್ಯಾಟರಿ ಮತ್ತು ಗುಡ್ ಪ್ರೊಸೆಸರ್‌ನಿಂದಾಗಿ ಇದು ಮಾರುಕಟ್ಟೆಯಲ್ಲಿ ಅಬ್ಬರಿಸೋದಂತೂ ಪಕ್ಕಾ.!