ಬೆಳಗಾವಿ: ತನ್ನ ಮೂರು ಮಕ್ಕಳೊಂದಿಗೆ ಆತ್ಮಹತ್ಯೆಗೆ ಯತ್ನಿಸಿದ ತಾಯಿಯನ್ನು ರಕ್ಷಿಸಲಾಗಿದೆ. ಆದರೆ ಆ ಮೂರು ಮಕ್ಕಳು ಮೃತಪಟ್ಟಿರುವ ದಾರುಣ ಘಟನೆ ಬೆಳಗಾವಿ ಜಿಲ್ಲೆಯ ರಾಯದುರ್ಗ ತಾಲೂಕಿನ ಹುಲಕುಂದ ಗ್ರಾಮದಲ್ಲಿ ಶುಕ್ರವಾರ ನಡೆದಿದೆ. 

ಪತಿಯ ಕಿರುಕುಳದಿಂದ ಬೇಸತ್ತ 35 ವರ್ಷದ ಶಾಂತಮ್ಮ ಇಂದು ಬೆಳಗ್ಗೆ ತನ್ನು ಮೂವರು ಮಕ್ಕಳೊಂದಿಗೆ ಮನೆಯ ಬಳಿಯಿರುವ ಬಾವಿಗೆ ಹಾರಿ ಆತ್ಮಹತ್ಯೆಗೆ ಯತ್ನಿಸಿದ್ದು, ಈ ವೇಳೆ ಮೂರೂ ಮಕ್ಕಳು ದಾರುಣವಾಗಿ ಸಾವನ್ನಪ್ಪಿದ್ದಾರೆ. ಆದರೆ ತಾಯಿಯನ್ನು ನೆರೆ ಹೊರೆಯವರು ರಕ್ಷಿಸಿದ್ದಾರೆ.

ಮೃತ ಮಕ್ಕಳನ್ನು ರಾಧಿಕಾ (5), ಸಂಜನಾ (4) ಹಾಗೂ  ರಮೇಶ(2) ಎಂದು ಗುರುತಿಸಲಾಗಿದೆ.

ಕಡಕೋಳ ಪೊಲಿಸರು ಸ್ಥಳಕ್ಕೆ ದೌಡಾಯಿಸಿದ್ದು, ಪರಿಶೀಲನೆ ನಡೆಸಿ, ಪ್ರಕರಣ ದಾಖಲಿಸಿಕೊಂಡಿದ್ದಾರೆ.