ಬೆಂಗಳೂರು: ತಮ್ಮ  ಆಸ್ತಿಗಳ ನಿಜವಾದ ಅಳತೆಯನ್ನು ಸಲ್ಲಿಸುವಂತೆ ಅಥವಾ ನಿಗದಿಗಿಂತ ಮೌಲ್ಯ ಮಾಡಿರುವುದು ಕಡಿಮೆಯಾಗಿದ್ದರೆ ಕಡೆಯ ಬಾರಿಗೆ ಆಸ್ತಿಯ ನಿಜವಾದ ಮೌಲ್ಯದ ವರದಿ ನೀಡಲು ಕೊನೆಯ ಅವಕಾಶವನ್ನು ಬೃಹತ್ ಬೆಂಗಳೂರು ಮಹಾನಗರ ಪಾಲಿಕೆ ಐಟಿ, ಬಿಟಿ ಕಂಪೆನಿಗಳಿಗೆ, ವಾಣಿಜ್ಯ ಸಂಕೀರ್ಣಗಳು, ಟೆಕ್ ಪಾರ್ಕ್ ಮತ್ತು ನಗರದ ಆಸ್ತಿ ಮಾಲೀಕರಿಗೆ ಕಳೆದ ಡಿಸೆಂಬರ್ ನಲ್ಲಿ ಸೂಚಿಸಿತ್ತು.

ಕರ್ನಾಟಕ ನಗರ ಪಾಲಿಕೆ ಕಾಯ್ದೆ 1976ರ ಸೆಕ್ಷನ್ 110ರಡಿಯಲ್ಲಿ ಬಿಬಿಎಂಪಿ ಆಸ್ತಿಗಳ ಸ್ವೇಚ್ಛೆಯ ತಪಾಸಣೆ ಮಾಡಬಹುದು. ಅದು ನಿವಾಸದ್ದಾಗಿರಲಿ ಅಥವಾ ವಾಣಿಜ್ಯದ್ದಾಗಿರಲಿ 2000ನೇ ಇಸವಿಯಲ್ಲಿ ಜಾರಿಗೆ ಬಂದ ಸ್ವ-ಮೌಲ್ಯಮಾಪನ ಯೋಜನೆಯಡಿ ಅವುಗಳನ್ನು ಮತ್ತೆ ಅಳತೆ ಮಾಡಬಹುದು.

ಹೀಗೆ ಮಹಾನಗರ ಪಾಲಿಕೆ 2015ರಲ್ಲಿ ತಪಾಸಣೆ ಮಾಡಿತ್ತು. ಆದರೆ ನಗರದ ಶೇಕಡಾ 1 ಭಾಗವನ್ನು ಕೂಡ ಅದು ತಪಾಸಣೆ ಮಾಡಿರಲಿಲ್ಲ. 

ಬಿಬಿಎಂಪಿ ಸ್ಥಾಯಿ ಸಮಿತಿಯ ಅಧ್ಯಕ್ಷ ಎಂ.ಕೆ.ಗುಣಶೇಖರ್ ನ್ಯೂ ಇಂಡಿಯನ್ ಎಕ್ಸ್ ಪ್ರೆಸ್ ಪತ್ರಿಕೆ ಜೊತೆ ಮಾತನಾಡಿ,  ಈ ವರ್ಷ ಇನ್ನೂ  ಪರಿಶೀಲನೆ ಆರಂಭಿಸಿಲ್ಲ.ಮುಂದಿನ ತಿಂಗಳು ಆರಂಭಿಸುವ ಉದ್ದೇಶವಿದೆ. ಕಡಿಮೆ ಬೆಲೆಕಟ್ಟಿದ ಆಸ್ತಿಗಳ ಮಾಲೀಕರಿಗೆ ಸರಿಯಾದ ಮೌಲ್ಯ ಘೋಷಿಸುವಂತೆ ಕಳೆದ ಡಿಸೆಂಬರ್ ನಲ್ಲಿ ಆಸ್ತಿ ಮಾಲೀಕರಿಗೆ ಸೂಚಿಸಿದ್ದೆವು. ಜನವರಿ 14ರವರೆಗೆ ಆಸ್ತಿ ಮಾಲೀಕರಿಗೆ ತಮ್ಮ ಆಸ್ತಿಯ ನಿಜವಾದ ಮೌಲ್ಯವನ್ನು ಘೋಷಿಸಲು ಅವಕಾಶವಿತ್ತು.