ಸತ್ಯ ಸಾಯಿ ಆಸ್ಪತ್ರೆ ಬಳಿ ನಡೆಯುತ್ತಿರುವ ಮೆಟ್ರೋ ಕಾಮಗಾರಿ
ಬೆಂಗಳೂರು: ಬೆಂಗಳೂರು ಮೆಟ್ರೋ ರೈಲು ನಿಗಮ ನಿಯಮಿತ (ಬಿಎಂಆರ್ಸಿಎಲ್) ಕಳೆದ ವಾರ ವೈಟ್ ಫೀಲ್ಡ್ ಮೆಟ್ರೋ ನಿಲ್ದಾಣದ ನಕಾಶೆಗೆ ಅಂತಿಮ ನಿಶಾನೆ ನೀಡಿದೆ. ಬೈಯಪ್ಪನಹಳ್ಳಿ-ವೈಟ್ಫೀಲ್ಡ್ ಲೈನ್ (ರೀಚ್ 1) ಫೇಸ್ - 2 ನ ಮೆಟ್ರೋ ರೈಲು ಮಾರ್ಗದಲ್ಲಿ ಬರುವ ಕಡೆಯ ರೈಲು ನಿಲ್ದಾಣದ ಸ್ಥಳನಿಗದಿಯಾಗಿದೆ. ವೈಟ್ ಫೀಲ್ಡ್ ನ ಪೋಲೀಸ್ ಠಾಣೆಯ ಮುಂದೆ ಎಡಭಾಗದಲ್ಲಿ ನಿಲ್ದಾಣವನ್ನು ನಿರ್ಮಿಸಲು ನಿರ್ಧರಿಸಲಾಗಿದೆ.
ಈ ಮೊದಲು ಪೋಲೀಸ್ ಠಾಣೆಯ ಎಡಭಾಗದಲ್ಲಿ ಮೆಟ್ರೋ ನಿಲ್ದಾಣ ನಿರ್ಮಿಸಲು ಉದ್ದೇಶಿಸಲಾಗಿತ್ತಾದರೂ ಅದನ್ನು ಬಲ ಬದಿಗೆ ಸ್ಥಳಾಂತರಿಸಲು ನಿರ್ಧರಿಸಲಾಗಿತ್ತು. ಆದರೆ ಇದೀಗ ಪುನಃ ಬಿಎಂಆರ್ ಸಿಎಲ್ ತನ್ನ ಮೂಲ ಯೋಜನೆಯಂತೆ ಎಡಭಾಗದಲ್ಲಿಯೇ ಮೆಟ್ರೋ ನಿಲ್ದಾಣವನ್ನು ಸ್ಥಾಪಿಸಲು ನಿರ್ಧರಿಸಿದೆ. ಈ ರೈಲು ಮಾರ್ಗಕ್ಕಾಗಿ ಭೂ ಸ್ವಾಧೀನ ಪ್ರಕ್ರಿಯೆ ಇನ್ನಷ್ಟೇ ಪ್ರಾರಂಭಗೊಳ್ಳಬೇಕಿದೆ.
ಉನ್ನತ ಮೆಟ್ರೋ ಅಧೀಕ್ಷಕರು ಹೇಳಿದಂತೆ , "ನಾವು ನಿಲ್ದಾಣವನ್ನು ಪೋಲಿಸ್ ಠಾಣೆ ಎಡ ಬದಿಯಲ್ಲಿ ನಿರ್ಮಿಸಿದರೆ , ಭವಿಷ್ಯದಲ್ಲಿ ಅದನ್ನು ಹೊಸಕೋಟೆಗೆ ವಿಸ್ತರಿಸಲು ಸುಲಭವಾಗುತ್ತದೆ. ರೈಲ್ವೆ ಟ್ರ್ಯಾಕ್ ಗಳು ಮಧ್ಯೆ ಇರುವ ಕಾರಣ ನಾವು ಬಲ ಭಾಗಕ್ಕೆ ನಿಲ್ದಾಣ ನಿರ್ಮಿಸಲು ಆಗುವುದಿಲ್ಲ"
ಬಿಎಂಆರ್ಸಿಎಲ್ ಈ ನಿಲ್ದಾಣಕ್ಕೆ 48 ಎಕರೆ ಭೂಮಿ ಮತ್ತು ಕಾಡುಗೋಡಿ ಡಿಪೋವನ್ನು ಸ್ವಾಧೀನಪಡಿಸಿಕೊಳ್ಳಲು ಅರಣ್ಯ ಇಲಾಖೆಗೆ ಮನವಿ ಸಲ್ಲಿಸಿದೆ. ಈ ಮೆಟ್ರೋ ಯೋಜನೆಗಾಗಿ ಬೈಯಪ್ಪನಹಳ್ಳಿ ಮತ್ತು ಜ್ಯೋತಿಪುರಂ ನಿಲ್ದಾಣದ ನಡುವೆ 4 ಎಕರೆಗಳಷ್ಟು ಸ್ಥಳ ಬೇಕಾಗುತ್ತದೆ. "ಹಂತ 2 ಅನ್ನು ಅಂತಿಮಗೊಳಿಸಿದ ನಂತರ, ಕೆ ಆರ್ ಪುರಮ್-ಸಿಲ್ಕ್ ಬೋರ್ಡ್ ಮಾರ್ಗವನ್ನು ಪ್ರಾರಂಭಿಸಲಾಗುವುದು, ಬೈಯಪ್ಪನಹಳ್ಳಿ ಆಗ ಇಂಟರ್ ಚೇಂಜ್ ನಿಲ್ದಾಣವಾಗಲಿದೆ. ಕೆ ಆರ್ ಪುರಮ್ ಮಾರ್ಗಕ್ಕೆ ಇಲ್ಲಿಂದ ಲಿಂಕ್ ದೊರೆಯಲಿದೆ.
ಬೈಯಪ್ಪನ ಹಳ್ಳಿ ವೈಟ್ ಫೀಲ್ಡ್ (ರೀಚ್-೧ 15.2 ಕಿಮೀ
ವಿಶ್ವೇಶ್ವರಯ್ಯ ಕೈಗಾರಿಕಾ ಪ್ರದೇಶ