ಬೆಂಗಳೂರು: ಬಹುಮನಿ ಉತ್ಸವ ಆಚರಣೆ ವಿಚಾರ ನನಗೆ ಗೊತ್ತೇ ಇಲ್ಲ. ಸರ್ಕಾರದಿಂದ ಉತ್ಸವ ಆಚರಣೆ ಮಾಡುವ ತೀರ್ಮಾ ಕೈಗೊಂಡಿಲ್ಲ ಎಂದು ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರು ಬುಧವಾರ ಹೇಳಿದ್ದಾರೆ. 

ಹೈದರಾಬಾದ್ ಕರ್ನಾಟಕವನ್ನಾಳಿದ್ದ ಪ್ರಬಲ ರಾಜಮನೆತನದ ಬಹುಮನಿ ಸುಲ್ತಾನರ ಹೆಸರಲ್ಲಿ ಕಲಬುರಗಿಯಲ್ಲಿ ಸರ್ಕಾರ ಒಂದು ದಿನದ ಉತ್ಸವ ಆಚರಿಸಲು ಚಿಂತನೆ ನಡೆಸಿದ್ದು, ಇದಕ್ಕೆ ಬಿಜೆಪಿ ತೀವ್ರ ಆಕ್ಷೇಪ ವ್ಯಕ್ತಪಡಿಸಿದೆ. 

ಈ ಹಿನ್ನಲೆಯಲ್ಲಿ ನಿನ್ನೆ ಪ್ರತಿಕ್ರಿಯೆ ನೀಡಿರುವ ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರು, ಬಹುಮನಿ ಉತ್ಸವ ಆಚರಣೆ ವಿಚಾರ ನನಗೆ ಗೊತ್ತಿಲ್ಲ. ಈ ಬಗ್ಗೆ ಮಾಹಿತಿ ಪಡೆಯಲಾಗುತ್ತದೆ. ಸರ್ಕಾರದಿಂದ ಉತ್ಸವ ಆಚಱಣೆ ಮಾಡುವ ತೀರ್ಮಾನವನ್ನು ಕೈಗೊಂಡಿಲ್ಲ. ಬಹುಮನಿ ಉತ್ಸವಕ್ಕೆ ಅನುದಾನ ನೀಡಿದ್ದೇವೆಂಬುದು ಸುಳ್ಳು. ರಾಷ್ಟ್ರಕೂಟ ಉತ್ಸವಕ್ಕೆ ಮಾತ್ರ ಕನ್ನಡ ಮತ್ತು ಸಂಸ್ಕೃತಿ ಇಲಾಖೆಯಿಂದ ರೂ.30 ಲಕ್ಷ ಅನುದಾನ ನೀಡಲಾಗಿದೆ ಎಂದು ಹೇಳಿದ್ದಾರೆ.