ಬೆಂಗಳೂರು: ಪಬ್ ನಲ್ಲಿ ಪಾರ್ಟಿ ಮುಗಿಸಿ ಅಪರಿಚಿತರ ಜೊತೆಗೆ ಮನೆಗೆ ತೆರಳಿದ ಮಹಿಳೆ ದೊಡ್ಡ ಮೊತ್ತದ ಬೆಲೆ ತೆತ್ತಿದ್ದಾರೆ. 

ಮಂಗಳವಾರ ರಾತ್ರಿ ಇಂದಿರಾನಗರದ ಟಾಯಿಟ್ ಪಬ್ ನಲ್ಲಿ ಅಪರಿಚಿತ ವ್ಯಕ್ತಿಯನ್ನು ಭೇಟಿ ಮಾಡಿದ್ದಾರೆ, ಆಗ ಆಕೆಯನ್ನು ಅವರು ಮನೆಗೆ ಆಹ್ವಾನಿಸಿದ್ದಾನೆ, ಅದೇ ರಾತ್ರಿ ಆಕೆ ಆತನ ಜೊತೆ ಅವರ ಮನೆಗೆ ತೆರಳಿದ್ದಾಳೆ, ಈ ಸಮಯವನ್ನು ದುರುಪಯೋಗ ಪಡಿಸಿಕೊಂಡ ಅಪರಿಚಿತ ಆಕೆಗೆ ಕಿರುಕುಳ ನೀಡಿದ್ದಾನೆ, ಘಟನೆ ನಂತರ ಮಹಿಳೆ ವ್ಯಕ್ತಿಯ ವಿರುದ್ಧ ದೂರು ನೀಡಿದ್ದಾರೆ. 

ಪ್ರಕರಣ ದಾಖಲಿಸಿಕೊಂಡಿರುವ ಪೊಲೀಸರು ಪ್ರಕಾಶ್ ಸಿಂಗ್ ಅಲಿಯಾಸ್ ಪ್ರಶಾಂತ್ ಸಿಂಗ್ ಎಂಬಾತನನ್ನು ಜೀವನ್ ಭೀಮಾ ನಗರದ ನಂಜಾ ರೆಡ್ಡಿ ಕಾಲೋನಿಯಲ್ಲಿ ಬಂಧಿಸಿದ್ದಾರೆ.

ಏಪ್ರಿಲ್ 30 ರ ರಾತ್ರಿ  ಪ್ರಕಾಶ್ ಸಿಂಗ್ ಮನೆಗೆ ತೆರಳಿದ ಮಹಿಳೆಗೆ ರಾತ್ರಿ 11 ಗಂಟೆ ನಂತರ ಆಕೆಯ ಮೈ ಮುಟ್ಟಿದ್ದಾನೆ, ಈ ವೇಳೆ ಆಕೆಗೆ ಕಿರಿಕಿರಿಯಾಗಿ ಅದನ್ನು ವಿರೋಧಿಸಿದ್ದಾರೆ,. ಹೀಗಿದ್ದರೂ ಆತ ಅದನ್ನು ಮುಂದವರಿಸಿದಾಗ ಆಕೆ ಜೋರಾಗಿ ಕಿರುಚಿಕೊಂಡಿದ್ದಾಳೆ, ಅಕ್ಕ ಪಕ್ಕದ ಮನೆಯವರು ಎಚ್ಚರಗೊಂಡ ನಂತರ ಆಕೆಯನ್ನು ಮನೆಯಿಂದ ಹೊರಕಳಿಸಿದ್ದಾನೆ.