ಮಂಗಳೂರು: ಕುವೈತ್ ನಲ್ಲಿ ಸಂಕಷ್ಟಕ್ಕೆ ಸಿಲುಕಿರುವ ದಕ್ಷಿಣ ಕನ್ನಡದ 34 ಯುವಕರನ್ನು ರಕ್ಷಿಸಬೇಕಾಗಿ ಕೋರಿ ಸಂಸದ ನಳಿನ್ ಕುಮಾರ್ ಕಟೀಲ್ ವಿದೇಶಾಂಗ ವ್ಯವಹಾರಗಳ ಸಚಿವೆ ಸುಷ್ಮಾ ಸ್ವರಾಜ್ ಅವರಿಗೆ ಪತ್ರ ಬರೆದಿದ್ದಾರೆ.

"ಯುವಕರನ್ನು ಕುವೈತ್ ಗೆ ಕರೆದೊಯ್ಯುವಾಗ ಅವರಿಗೆ ಆ ದೇಶದಲ್ಲಿ ಒಳ್ಳೆಯ ಉದ್ಯೋಗ ಹಾಗೂ ಸಂಬಳದ ಭರವಸೆ ನಿಡಲಾಗಿತ್ತು, ಆದರೆ ಈಗ ಆ ಯುವಕರಿಗೆ ತಾವು ವಂಚನೆಗೆ ಒಳಗಾಗಿರುವುದು ಅರಿವಾಗಿದೆ" ಕಟೀ;ಲ್ ಬರೆದಿದ್ದಾರೆ.

ಕುವೈತ್ ನಲ್ಲಿ ಆ ಯುವಕರಿಗೆ ಕಳೆದ ಆರು ತಿಂಗಳಿನಿಂದ ಉದ್ಯೋಗವಾಗಲಿ, ಸಂಬಳವಾಗಲಿ ಸಿಕ್ಕಿಲ್ಲ. ಅವರು ಅಲ್ಲಿ ಅತ್ಯಂತ ಅಮಾನವೀಯ ಪರಿಸ್ಥಿತಿಯಲ್ಲಿ ಬದುಕುತ್ತಿದ್ದಾರೆ. ಬಡ ಕುಟುಂಬಗಳಿಂದ ಬಂದ ಈ ಯುವಕಕ ವೇತನ ಹಾಗೂ ಆರ್ಥಿಕ ನೆರವೇ ಆ ಕುಟುಂಬಗಳಿಗೆ ಇರುವ ಏಕೈಕ ಆಸರೆಯಾಗಿದೆ. ಈಗ ಅವರುಗಳು ದೇಶಕ್ಕೆ ಮರಳಲು ಬಯಸಿದ್ದಾರೆ. ಆದರೆ ಕುವೈತ್ ನಲಿರುವ ಒಂದು ಸಂಸ್ಥೆ ಅವರ ಮೂಲ ಪಾಸ್ ಪೋರ್ಟ್ ಗಳನ್ನು ಹಿಡಿದಿಟ್ಟುಕೊಂಡಿದೆ ಎಂದು ತಿಳಿದುಬಂದಿದೆ.

ನಳಿನ್ ಕಟೀಲ್ ಅವರು ಪತ್ರದೊಡನೆ ಆ ಯುವಕರ ಪಾಸ್ ಪೋರ್ಟ್ ನಕಲಿ ಪ್ರತಿಯನ್ನೂ ಲಗತ್ತಿಸಿ ಸಚಿವರಿಗೆ ರವಾನಿಸಿದ್ದಾರೆ.