ಗಂಗಾವತಿ: ಫೇಸ್ಬುಕ್ನಲ್ಲಿ ಪ್ರಧಾನಿ ನರೇಂದ್ರ ಮೋದಿ ಅವರಿಗೆ ಸೀರೆಯುಡಿಸಿ ಸಂಭ್ರಮಿಸಿ ವಿಕೃತಿ ಮೆರೆದ ಯುವಕನೊಬ್ಬ ಇದೀಗ ಶಹರ ಪೊಲೀಸರ ಕೈಗೆ ಸಿಕ್ಕು ಅಂದರ್ ಆದ ಘಟನೆ ನಡೆದಿದೆ.
ದೇಶದ ಪ್ರಧಾನಿಯಾದ ನರೇಂದ್ರ ಮೋದಿ ಅವರ ವ್ಯಕ್ತಿತ್ವಕ್ಕೆ ಧಕ್ಕೆಯಾಗುವ ರೀತಿಯಲ್ಲಿ ಚಿತ್ರಿಸಿ ಸಾಮಾಜಿಕ ಜಾಲತಾಣಗಳಲ್ಲಿ ಹರಿಯಬಿಟ್ಟ ಪ್ರಕರಣಕ್ಕೆ ಸಂಬಂಧಿಸಿದಂತೆ ಇದೀಗ ಪೊಲೀಸರು ಯುವಕನಿಗೆ ಬೆಂಡೆತ್ತುತ್ತಿದ್ದಾರೆ.
ಗಂಗಾವತಿ ನಗರದ ನೈಯಿಮ್ ಆಹ್ಮದ್ ಎಂಬ ಯುವಕ, ಮೋದಿ ಅವರಿಗೆ ಸೀರೆಯುಡಿಸಿ ಅದನ್ನು ಅಕಾಶ್, ಪೃಥ್ವಿ ಎಂಬ ಯುವಕರಿಗೆ ಪೋಸ್ಟ್ ಮಾಡಿದ್ದಾನೆ. 'ನೋಡಿ ನಿಮ್ ಪ್ರೀತಿಯ ಗೆಳತಿ' ಹೇಗಿದ್ದಾರೆ ಎಂದು ಟ್ಯಾಗ್ಲೈನ್ ಬರೆದು ಕಳಿಸಿದ್ದಾನೆ.
ಫೇಸ್ಬುಕ್ನಲ್ಲಿ ಹರಿದಾಡಿದ ಈ ಸಂದೇಶ ಸಾಕಷ್ಟು ಶೇರ್ ಆಗಿದ್ದು, ಇದನ್ನು ಗಮನಿಸಿದ ನಗರದ ಶಿವಪ್ಪ ಮಾದರ್ ಎಂಬ ಯುವಕ ಇದೀಗ ಪೊಲೀಸ್ ಠಾಣೆಯಲ್ಲಿ ದೂರು ನೀಡಿದ್ದಾರೆ. ದೂರು ಆಧಾರಿಸಿ ಇದೀಗ ಯುವಕನನ್ನು ವಶಕ್ಕೆ ಪಡೆದ ಪೊಲೀಸರು ವಿಚಾರಣೆ ನಡೆಸಿದ್ದಾರೆ.
ವರದಿ: ಶ್ರೀನಿವಾಸ .ಎಂ.ಜೆ