ಬೆಂಗಳೂರು: ಉದ್ಯಮಿಯೋರ್ವರಿಗೆ ಸೇರಿದ್ದ ಮರ್ಸಿಡಿಸ್ ಬೆಂಝ್ ಕಾರೊಂದನ್ನು ಸದಾಶಿವನಗರ ಪೊಲೀಸರು ತಮ್ಮ ವಶಕ್ಕೆ ಪಡೆದುಕೊಂಡಿದ್ದಾರೆ. ಕಾರಿನಲ್ಲಿ ರಾತ್ರಿ ಗಟ್ಟಿಯಾಗಿ ಸಂಗೀತ ಪ್ಲೇ ಮಾಡಿಕೊಂಡು ಅಜಾಗರೂಕ ಚಾಲನೆ ಮಾಡಿದ್ದೇ ಅಲ್ಲದೆ ರಾತ್ರಿ ಕರ್ಫ್ಯೂ ನಿಯಮ ಉಲ್ಲುಂಘ್ಹಿಸಿದ್ದು ಪೊಲೀಸರ ಗಮನಕ್ಕೆ ಬಂದಿತ್ತು. 

ಇದನ್ನೂ ಓದಿ: ಹೈದರಾಬಾದ್: ಚಿರಂಜೀವಿ ಅಳಿಯ ನಟ ಸಾಯಿ ಧರ್ಮ ತೇಜ್ ಬೈಕ್ ಅಪಘಾತ; ಗಂಭೀರ ಗಾಯ, ಆಸ್ಪತ್ರೆಗೆ ದಾಖಲು

ಉದ್ಯಮಿಗೆ ಸೇರಿದ ಈ ಕಾರನ್ನು ಆ ಸಂದರ್ಭ ಆತವ ಸ್ನೇಹಿತರ ಗುಂಪು ಚಾಲನೆ ಮಾಡುತ್ತಿದ್ದರು ಎಂಬುದು ವಿಚಾರಣೆ ಸಂದರ್ಭ ತಿಳಿದುಬಂದಿತ್ತು. 

ಅಲ್ಲದೆ ವಾಹನದ ಮೇಲೆ 'ಅಗತ್ಯ ಸೇವೆ ಕರ್ತವ್ಯದಲ್ಲಿ'(on duty essential service) ಎನ್ನುವ ಸ್ಟಿಕ್ಕರ್ ಅಂಟಿಸಲಾಗಿತ್ತು. ಅದನ್ನೂ ಕಾನೂನಿನ ಉಲ್ಲಂಘನೆ ಎಂದು ಪೊಲಿಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.

ಇದನ್ನೂ ಓದಿ: ಸಿಲಿಕಾನ್ ಸಿಟಿ ಬೆಂಗಳೂರಿನಲ್ಲಿ ಮತ್ತೋರ್ವ ಶಾಸಕರ ಐಷಾರಾಮಿ ಕಾರು ಅಪಘಾತ

ಸುತ್ತಮುತ್ತಲ ನಿವಾಸಿಗಳು ತಮಗೆ ತೊಂದರೆಯಾಗುತ್ತಿರುವ ಬಗ್ಗೆ ಪೊಲೀಸರಿಗೆ ದೂರು ನೀಡಿದ್ದರು. ಉದ್ಯಮಿಯ ಸ್ನೇಹಿತರು ಜಾಯ್ ರೈಡ್ ಮಾಡಲೆಂದು ಉದ್ಯಮಿ ಕಾರನ್ನು ಪಡೆದಿದ್ದರು.