ಮೈಸೂರು: ಮಾರುಕಟ್ಟೆಯಲ್ಲಿ ಟೊಮೆಟೊ ಬೆಲೆ ಕೆಜಿಗೆ 100 ರೂಪಾಯಿಗೆ ಏರಿಕೆಯಾಗಿದೆ. ಆದರೆ ರೈತರಿಗೆ ಇದು ಸಿಹಿ ಸುದ್ದಿಯಲ್ಲ, ಏಕೆಂದರೆ ಅವರ ಬೆಳೆಗೆ ಕೊಳೆ ರೋಗ(Wilt disese) ಬಂದು ಬಹುತೇಕ ಬೆಳೆಗಳು ಹಾನಿಯಾಗಿದ್ದು, ಕೈಗೆ ಬಂದ ತುತ್ತು ಬಾಯಿಗೆ ಬರದಂತಾಗಿದೆ.

ಟೊಮೆಟೊ ಬೆಳೆಗೆ ಹಾಕಿದ ಬಂಡವಾಳವೂ ವಾಪಸ್ ಸಿಗುವುದಿಲ್ಲ ಎಂಬ ಆತಂಕ ರೈತರನ್ನು ಕಾಡುತ್ತಿದೆ. ಆರಂಭದಲ್ಲಿ ಟೊಮೆಟೊ ಬೆಲೆ ಕೆಜಿಗೆ 160 ರೂಪಾಯಿಗೆ ಗಗನಕ್ಕೇರಿದ್ದು, ಕಳೆದ ವರ್ಷದಂತೆ ಈ ಬಾರಿಯೂ ಅದೃಷ್ಟ ಖುಲಾಯಿಸಲಿದೆ ಎಂದು ನಿರೀಕ್ಷೆ ಇಟ್ಟುಕೊಂಡಿದ್ದರು.

ಮಾರ್ಚ್-ಏಪ್ರಿಲ್‌ನಲ್ಲಿ ಹವಾಮಾನ ವೈಪರೀತ್ಯ ಇದ್ದಾಗ ಟೊಮೆಟೊ ಗಿಡಗಳನ್ನು ಬೆಳೆಸಲು ರೈತರು ಹರಸಾಹಸ ಪಡಬೇಕಾಯಿತು. ಆದಾಗ್ಯೂ, ಅವರು ನಿಯಮಿತವಾಗಿ ನೀರು ಹಾಕುವ ಮೂಲಕ ಬೆಳೆ ಕಾಪಾಡಿಕೊಂಡು ಬಂದಿದ್ದರು.

ಇದಲ್ಲದೆ, ಟೊಮೆಟೊ ಗಿಡಗಳನ್ನು ರಕ್ಷಿಸಲು ಮತ್ತು ಅವುಗಳ ಆರೋಗ್ಯಕರ ಬೆಳವಣಿಗೆಯನ್ನು ನೋಡಿಕೊಳ್ಳಲು ರಸಗೊಬ್ಬರಗಳು ಮತ್ತು ಕೀಟನಾಶಕಗಳಿಗೆ ಸಾಕಷ್ಟು ಹಣ ವ್ಯಯಿಸಬೇಕಾಗಿ ಬಂತು. ಆದರೆ, ಕಳೆದ 10 ದಿನಗಳಿಂದ ಎಡೆಬಿಡದೆ ಸುರಿಯುತ್ತಿರುವ ಮಳೆ ಮತ್ತು ಹಠಾತ್ ಹವಾಮಾನ ಬದಲಾವಣೆಯಿಂದಾಗಿ ಗಿಡಗಳಲ್ಲಿ ಹೂ ಬಿಡುವ ಮತ್ತು ಕಾಯಿ ಬಿಡುವ ಸಮಯದಲ್ಲಿ ಕೊಳೆ ರೋಗ ಕಾಣಿಸಿಕೊಂಡಿತು. ಈ ಹಂತದಲ್ಲಿ, ಕೀಟನಾಶಕಗಳು ಸಹ ಸ್ವಲ್ಪ ಸಹಾಯ ಮಾಡುತ್ತವೆ.

ರೋಗವು ಬಹಳ ವೇಗವಾಗಿ ಹರಡುತ್ತದೆ, ಕೆಲವೇ ದಿನಗಳಲ್ಲಿ ಸಸ್ಯವನ್ನು ಕೊಲ್ಲುತ್ತದೆ. ನಾವು 10 ರಿಂದ 12 ಬಾರಿ ಕೊಯ್ಲು ಮಾಡುತ್ತಿದ್ದೆವು. ಐದು ಎಕರೆ ಜಮೀನಿನಲ್ಲಿ 600 ಕ್ಕೂ ಹೆಚ್ಚು ಬಾಕ್ಸ್ ಟೊಮೆಟೊಗಳನ್ನು ಪಡೆಯುತ್ತೇವೆ. ಆದರೆ ಈ ಬಾರಿ ರೋಗ ಕಾಣಿಸಿಕೊಂಡಿದ್ದರಿಂದ ಮೂರು ಬಾರಿ 120 ಬಾಕ್ಸ್ ಟೊಮೆಟೊ ಕಟಾವು ಮಾಡಲು ಸಾಧ್ಯವಾಗಿದೆಯಷ್ಟೆ ಎನ್ನುತ್ತಾರೆ ರೈತ ಮಹೇಶ್.

ನಾವು ಟೊಮೆಟೊವನ್ನು ಕೆಜಿಗೆ 55-60 ರೂಪಾಯಿಗೆ ಮಾರಾಟ ಮಾಡಿದ್ದೇವೆ.ಗಿಡಗಳನ್ನು ರೋಗದಿಂದ ರಕ್ಷಿಸುವ ಪ್ರಯತ್ನಗಳು ಈಗ ನಡೆಯುತ್ತಿವೆ ಎಂದರು.

ಹೆಚ್ಚಿನ ಆರ್ದ್ರತೆಯ ಮಟ್ಟ ಮತ್ತು ಮಳೆಯಿಂದಾಗಿ ಹವಾಮಾನ ಪರಿಸ್ಥಿತಿಗಳಲ್ಲಿ ಹಠಾತ್ ಬದಲಾವಣೆಗಳು, ತಾಪಮಾನವು 10 ರಿಂದ 12 ಡಿಗ್ರಿ ಸೆಲ್ಸಿಯಸ್‌ನಷ್ಟು ಕಡಿಮೆಯಾಗಿದ್ದು, ಕೊಳೆ ರೋಗ ಬರಲು ಕಾರಣವಾಯಿತು ಎಂದು ಕೃಷಿ ಅಧಿಕಾರಿಗಳು ಹೇಳುತ್ತಾರೆ.