ಬೆಂಗಳೂರು: ಬಸ್ ಪ್ರಯಾಣಿಕರ ಮೇಲಿನ ಆರ್ಥಿಕ ಹೊರೆ ದಿನದಿಂದ ದಿನಕ್ಕೆ ಹೆಚ್ಚುತ್ತಲೇ ಸಾಗಿದ್ದು, ಈಗಾಗಲೇ ಟಿಕೆಟ್ ದರ ಏರಿಕೆಯಿಂದ ಕಂಗಾಲಾಗಿರುವ ಜನಸಾಮಾನ್ಯರಿಗೆ ಈಗ ಮತ್ತೊಂದು ಆಘಾತ ಎದುರಾಗಿದೆ. ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆ ಸಂಸ್ಥೆಯು (KSRTC) ಬಸ್‌ಗಳಲ್ಲಿ ಸಾಗಿಸುವ ಲಗೇಜ್ ಶುಲ್ಕವನ್ನು ಅಧಿಕೃತವಾಗಿ ಪರಿಷ್ಕರಿಸಿದ್ದು, ಇಂದಿನಿಂದಲೇ ಹೊಸ ದರಗಳು ಜಾರಿಗೆ ಬಂದಿವೆ. ದೈನಂದಿನ ಪ್ರಯಾಣಿಕರು ಹಾಗೂ ಸಣ್ಣ ವ್ಯಾಪಾರಿಗಳ ಜೇಬಿಗೆ ಇದು ನೇರವಾಗಿ ಕತ್ತರಿ ಬೀಳಲಿದ್ದು, ಹೊಸ ಲಗೇಜ್ ದರಗಳ ವಿವರ ಇಲ್ಲಿದೆ:
ಲಗೇಜ್ ಸಾಗಣೆ ಶುಲ್ಕದಲ್ಲಿ ದುಪ್ಪಟ್ಟು ಏರಿಕೆ!
ಬಸ್ ಪ್ರಯಾಣ ದರಗಳ ಏರಿಕೆಯ ಬೆನ್ನಲ್ಲೇ ಎಚ್ಚೆತ್ತ ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆ ನಿಗಮವು ಲಗೇಜ್ ಸಾಗಣೆ ಶುಲ್ಕವನ್ನೂ ಸಹ ದುಪ್ಪಟ್ಟುಗೊಳಿಸಿದೆ. ಈ ಹೊಸ ಪರಿಷ್ಕೃತ ದರಗಳು ಈಗಾಗಲೇ ರಾಜ್ಯಾದ್ಯಂತ ಜಾರಿಗೆ ಬಂದಿದ್ದು, ದೂರದೂರುಗಳಿಗೆ ಪ್ರಯಾಣಿಸುವಾಗ ಬ್ಯಾಗ್ ಅಥವಾ ಹೆಚ್ಚಿನ ಸಾಮಗ್ರಿಗಳನ್ನು ಕೊಂಡೊಯ್ಯುವ ಪ್ರಯಾಣಿಕರ ಜೇಬಿಗೆ ಇದು ದೊಡ್ಡ ಕತ್ತರಿ ಬೀಳಲಿದೆ. ಸಣ್ಣ ಪುಟ್ಟ ವ್ಯಾಪಾರಿಗಳು ಹಾಗೂ ನಿತ್ಯ ಪ್ರಯಾಣಿಕರು ಈ ದರ ಏರಿಕೆಯಿಂದ ಮತ್ತಷ್ಟು ಸಂಕಷ್ಟಕ್ಕೆ ಸಿಲುಕಿದ್ದಾರೆ.
ಹಾಗಾದ್ರೆ, ಉಚಿತ ಲಗೇಜ್ ಸಾಗಣೆಗೆ ಇರುವ ಮಿತಿಯೇನು?
ಸಾಮಾನ್ಯ ಪ್ರಯಾಣಿಕರಿಗೆ ಅನುಕೂಲವಾಗಲೆಂದು ಸಾರಿಗೆ ನಿಗಮವು ಕೆಲವು ವಿನಾಯಿತಿಗಳನ್ನು ಸಹ ಕಲ್ಪಿಸಿದೆ. ಇದರನ್ವಯ ಪ್ರಯಾಣಿಕರು ಯಾವುದೇ ಹೆಚ್ಚುವರಿ ಶುಲ್ಕವಿಲ್ಲದೆ 10 ಕೆ.ಜಿ.ವರೆಗಿನ ಲಗೇಜ್ ಅನ್ನು ಉಚಿತವಾಗಿ ಸಾಗಿಸಲು ಅವಕಾಶ ನೀಡಲಾಗಿದೆ. ಅಷ್ಟೇ ಅಲ್ಲದೆ, 20 ಕೆ.ಜಿ.ವರೆಗಿನ ಭಾರವಾದ ಸಾಮಗ್ರಿಗಳಿಗೂ ಸಹ ಉಚಿತ ಸಾಗಣೆಗೆ ಅವಕಾಶ ಕಲ್ಪಿಸಲಾಗಿದೆ. ಆದರೆ, ಈ ನಿಗದಿತ ಮಿತಿಗಿಂತ ಹೆಚ್ಚಿನ ತೂಕ ಅಥವಾ ಅಳತೆ ಹೊಂದಿರುವ ಲಗೇಜ್‌ಗಳಿಗೆ ಮಾತ್ರ ಹೊಸ ನಿಯಮದಡಿ ಹೆಚ್ಚುವರಿ ಶುಲ್ಕವನ್ನು ವಿಧಿಸಲಾಗುತ್ತದೆ.
ಹೊಸ ಲಗೇಜ್ ದರ ಪಟ್ಟಿ:
ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆ ನಿಗಮವು ದೂರದ ಸ್ಟೇಜ್‌ಗಳ ಆಧಾರದ ಮೇಲೆ ಲಗೇಜ್ ಶುಲ್ಕವನ್ನು,
ಮೊದಲ 5 ಸ್ಟೇಜ್‌ಗಳಿಗೆ ಹಳೆಯ ದರ 6 ರೂಪಾಯಿ ಇದ್ದು, ಅದನ್ನು ಈಗ 10 ರೂಪಾಯಿಗೆ ಹೆಚ್ಚಿಸಲಾಗಿದೆ.
6 ರಿಂದ 10 ಸ್ಟೇಜ್‌ವರೆಗಿನ ಪ್ರಯಾಣಕ್ಕೆ ಹಳೆ ದರ 10 ರೂಪಾಯಿ ಇದ್ದು, ಇದನ್ನು 15 ರೂಪಾಯಿಗೆ ಏರಿಸಲಾಗಿದೆ.
11 ರಿಂದ 15 ಸ್ಟೇಜ್‌ಗಳವರೆಗೆ ಹಳೆ ದರ 20 ರೂಪಾಯಿ ಇದ್ದು, ಈಗ ಅದನ್ನು 25 ರೂಪಾಯಿಗೆ ಪರಿಷ್ಕರಿಸಲಾಗಿದೆ.
ಹೀಗಾಗಿ ಪ್ರಯಾಣಿಕರು ಬಸ್ ನಿಲ್ದಾಣಕ್ಕೆ ಬರುವ ಮುನ್ನ ತಮ್ಮ ಸಾಮಗ್ರಿಗಳ ತೂಕ ಹಾಗೂ ಹೊಸ ದರಗಳ ಬಗ್ಗೆ ಸ್ಪಷ್ಟ ಮಾಹಿತಿ ಹೊಂದಿರುವುದು ಒಳಿತು. ಇದು ಪ್ರಯಾಣದ ವೇಳೆ ಅನಗತ್ಯ ತೊಂದರೆಗಳನ್ನು ಹಾಗೂ ಟಿಕೆಟ್ ನಿರ್ವಾಹಕರೊಂದಿಗೆ ಆಗುವ ವಾಗ್ವಾದಗಳನ್ನು ತಪ್ಪಿಸಲು ಸಹಕಾರಿಯಾಗುತ್ತದೆ.