Milk Packet Colors Decoded: ಪ್ರತಿದಿನ ಬೆಳಗ್ಗೆ ಎದ್ದ ತಕ್ಷಣ ಅಂಗಡಿಯಿಂದ ತರುವ ಹಾಲಿನ ಪ್ಯಾಕೆಟ್ ಮೇಲೆ ನೀವು ಎಂದಾದರೂ ಕಣ್ಣಾಡಿಸಿದ್ದೀರಾ? ಕೆಲವೊಮ್ಮೆ ನೀಲಿ, ಕೆಲವೊಮ್ಮೆ ಹಸಿರು, ಇನ್ನು ಕೆಲವೊಮ್ಮೆ ಕಿತ್ತಳೆ ಬಣ್ಣದ ಪ್ಯಾಕೆಟ್‌ಗಳಲ್ಲಿ ಹಾಲು ಬರುತ್ತದೆ. ಇದನ್ನು ಬಹುತೇಕರು ಕೇವಲ ಕಂಪನಿಯ ಡಿಸೈನ್ ಅಥವಾ ಸುಂದರವಾದ ಪ್ಯಾಕಿಂಗ್ ಎಂದುಕೊಳ್ಳುತ್ತಾರೆ. ಆದರೆ ಅಸಲಿಗೆ ಈ ಬಣ್ಣಗಳ ಹಿಂದೆ ನಿಮ್ಮ ಆರೋಗ್ಯವನ್ನು ನಿರ್ಧರಿಸುವ ಅತಿ ಮುಖ್ಯವಾದ ರಹಸ್ಯವಿದೆ. ನೀವು ಕುಡಿಯುವ ಹಾಲಿನಲ್ಲಿ ಎಷ್ಟು ಕೊಬ್ಬಿನಾಂಶವಿದೆ ಮತ್ತು ಅದು ನಿಮ್ಮ ದೇಹಕ್ಕೆ ಸರಿಹೊಂದುತ್ತದೆಯೇ ಎಂಬುದರ ಮಾಹಿತಿ ಇಲ್ಲಿದೆ:

• ನೀಲಿ ಬಣ್ಣದ ಪ್ಯಾಕೆಟ್

  - ಟೋನ್ಡ್ ಮಿಲ್ಕ್

ನಾವು ಹೆಚ್ಚಾಗಿ ಬಳಸುವ ಹಾಲು ಇದೇ. ಇದರಲ್ಲಿ ಕೊಬ್ಬಿನ ಅಂಶ 3 ಶೇಕಡಾ ಮತ್ತು SNF 8.5 ಶೇಕಡಾ ಇರುತ್ತದೆ. ಇದು ಸಾಮಾನ್ಯ ಬಳಕೆಗೆ, ಟೀ ಕಾಫಿಗೆ ಉತ್ತಮ. ಕೊಬ್ಬು ಕಡಿಮೆ ಇರುವುದರಿಂದ ಎಲ್ಲಾ ವಯಸ್ಸಿನವರು ಕುಡಿಯಬಹುದು.

• ಹಸಿರು ಬಣ್ಣದ ಪ್ಯಾಕೆಟ್

  - ಫುಲ್ ಕ್ರೀಮ್ ಮಿಲ್ಕ್

ಇದರಲ್ಲಿ ಕೊಬ್ಬಿನ ಅಂಶ ಅತಿ ಹೆಚ್ಚು, ಅಂದರೆ 6 ಶೇಕಡಾ ಇರುತ್ತದೆ. ಇದು ದಪ್ಪವಾಗಿರುತ್ತದೆ ಮತ್ತು ರುಚಿ ಜಾಸ್ತಿ. ಮಕ್ಕಳು, ತೂಕ ಹೆಚ್ಚಿಸಿಕೊಳ್ಳಲು ಬಯಸುವವರು ಮತ್ತು ಮೊಸರು, ತುಪ್ಪ, ಪನೀರ್ ಜಾಸ್ತಿ ಮಾಡುವವರಿಗೆ ಇದು ಬೆಸ್ಟ್. ಆದರೆ ಕೊಲೆಸ್ಟ್ರಾಲ್ ಅಥವಾ ಬೊಜ್ಜು ಇರುವವರು ಇದನ್ನು ತಪ್ಪಿಸುವುದು ಒಳ್ಳೆಯದು.

• ಕಿತ್ತಳೆ ಅಥವಾ ಕೆಂಪು ಬಣ್ಣದ ಪ್ಯಾಕೆಟ್

  - ಫುಲ್ ಕ್ರೀಮ್ ಅಥವಾ ಸ್ಟ್ಯಾಂಡರ್ಡ್ ಮಿಲ್ಕ್ 

ಕೆಲವು ಕಂಪನಿಗಳಲ್ಲಿ ಕಿತ್ತಳೆ ಬಣ್ಣವು ಸ್ಟ್ಯಾಂಡರ್ಡ್ ಮಿಲ್ಕ್ ಅನ್ನು ಸೂಚಿಸುತ್ತದೆ. ಇದರಲ್ಲಿ 4.5 ಶೇಕಡಾ ಕೊಬ್ಬು ಇರುತ್ತದೆ. ಇದು ಟೋನ್ಡ್ ಮತ್ತು ಫುಲ್ ಕ್ರೀಮ್ ನಡುವಿನ ಆಯ್ಕೆ. ಟೀ ಶಾಪ್ ಮತ್ತು ಹೋಟೆಲ್ ಗಳಲ್ಲಿ ಹೆಚ್ಚಾಗಿ ಇದನ್ನೇ ಬಳಸುತ್ತಾರೆ.

• ಹಳದಿ ಅಥವಾ ತಿಳಿ ಹಸಿರು ಪ್ಯಾಕೆಟ್

  - ಡಬಲ್ ಟೋನ್ಡ್ ಮಿಲ್ಕ್

ಇದರಲ್ಲಿ ಕೊಬ್ಬು ತುಂಬಾ ಕಡಿಮೆ, ಕೇವಲ 1.5 ಶೇಕಡಾ ಮಾತ್ರ. ತೂಕ ಇಳಿಸಿಕೊಳ್ಳಲು ಬಯಸುವವರು, ಮಧುಮೇಹ ಮತ್ತು ಹೃದಯದ ಸಮಸ್ಯೆ ಇರುವವರಿಗೆ ವೈದ್ಯರು ಇದನ್ನೇ ಸಲಹೆ ನೀಡುತ್ತಾರೆ.

ಹಾಗಾದರೆ ಯಾವ ಹಾಲು ಒಳ್ಳೆಯದು?

ಯಾವ ಹಾಲು ಒಳ್ಳೆಯದು ಎಂಬುದು ನಿಮ್ಮ ಆರೋಗ್ಯದ ಮೇಲೆ ಅವಲಂಬಿಸಿದೆ. ಮಕ್ಕಳ ಬೆಳವಣಿಗೆಗೆ ಮತ್ತು ರುಚಿಗೆ ಫುಲ್ ಕ್ರೀಮ್ ಹಸಿರು ಪ್ಯಾಕೆಟ್ ಒಳ್ಳೆಯದು. ಪ್ರತಿದಿನದ ಸಾಮಾನ್ಯ ಬಳಕೆಗೆ ನೀಲಿ ಪ್ಯಾಕೆಟ್ ಟೋನ್ಡ್ ಮಿಲ್ಕ್ ಆರೋಗ್ಯಕರ ಮತ್ತು ಬಜೆಟ್ ಫ್ರೆಂಡ್ಲಿ. ಡಯಟ್ ಮಾಡುವವರು ಮತ್ತು ಶುಗರ್ ಪೇಷೆಂಟ್ ಗಳಿಗೆ ಡಬಲ್ ಟೋನ್ಡ್ ಹಳದಿ ಪ್ಯಾಕೆಟ್ ಬೆಸ್ಟ್.

ಹಾಗಾಗಿ, ಮುಂದಿನ ಬಾರಿ ಹಾಲು ತರುವಾಗ ಬರೀ ಬ್ರಾಂಡ್ ನೋಡದೆ ಬಣ್ಣ ನೋಡಿ ನಿಮ್ಮ ಆರೋಗ್ಯಕ್ಕೆ ತಕ್ಕ ಹಾಲನ್ನು ಆಯ್ಕೆ ಮಾಡಿ.