ನವದೆಹಲಿ: ಇರಾಕ್‌ನಿಂದ ವಾಪಸ್ ಬಂದಿರುವ ಉಗ್ರ ಆರೀಬ್ ಮಜಿದ್‌ನ ವಿಚಾರಣೆಯಿಂದ ಮತ್ತಷ್ಟು ಭಯಾನಕ ಸತ್ಯಗಳು ಹೊರ ಬರುತ್ತಿವೆ.
ತನ್ನ ಹುಟ್ಟೂರು ಕಲ್ಯಾಣ್‌ನಿಂದ ಇರಾಕ್‌ಗೆ ತೆರಳಿದ್ದ ಯುವಕನೊಬ್ಬನನ್ನು ಆತ್ಮಾಹುತಿ ಬಾಂಬರ್ ಆಗಿ ಇಸಿಸ್ ಸಂಘಟನೆ ನೇಮಿಸಿಕೊಂಡಿದೆ ಎಂದು ಮಜೀದ್ ಮಾಹಿತಿ ನೀಡಿದ್ದಾನೆ. ಏತನ್ಮಧ್ಯೆ, ತಾನು ಇಸಿಸ್ ಪರ ಯಾವುದೇ ಗುಂಡಿನ ಚಕಮಕಿಯಲ್ಲಿ ಭಾಗಿಯಾಗಿಲ್ಲ ಎಂದು ಪುನರುಚ್ಚರಿಸಿದ್ದಾನೆ ಮಜೀದ್.
ಆದರೆ, ಆತನ ದೇಹದಲ್ಲಿ ಗುಂಡು ತಗುಲಿದ್ದ ಎರಡು ಗಾಯಗಳು ಪತ್ತೆಯಾಗಿದ್ದು, ತನಿಖಾಧಿಕಾರಿಗಳು ಈ ಬಗ್ಗೆ ಮತ್ತಷ್ಟು ಅನುಮಾನಗೊಂಡಿದ್ದಾರೆ. ಮಜೀದ್ ಮಾತ್ರ ಶಸ್ತ್ರಾಸ್ತ್ರ ತರಬೇತಿ ವೇಳೆ ಈ ಗಾಯಗಳಾಗಿದ್ದವೆಂದು ಹೇಳಿಕೊಂಡಿದ್ದಾನೆ.