ಜಾರ್ಖಂಡ್: ಕಳೆದ 10 ವರ್ಷಗಳಿಂದ ಕಾಂಗ್ರೆಸ್ ಸಾಧಿಸಲಾಗದಿದ್ದನ್ನು ಕೇವಲ 6 ತಿಂಗಳಿನಲ್ಲಿ ಬಿಜೆಪಿ ಸಾಧಿಸಿದೆ ಎಂದು ಕೇಂದ್ರ ಗೃಹ ಸಚಿವ ರಾಜನಾಥ್ ಸಿಂಗ್ ಹೇಳಿದ್ದಾರೆ.

ಜಾರ್ಕಂಡ್‌ನ ಬೊಕಾರೋ ಪ್ರದೇಶದಲ್ಲಿ ಆಯೋಜಿಸಿರುವ ಬಿಜೆಪಿಯ ಬೃಹತ್ ಸಮಾವೇಶದಲ್ಲಿ ಭಾಗವಹಿಸಿ ಮಾತನಾಡಿದ ರಾಜನಾಥ್ ಸಿಂಗ್, ಕೇಂದ್ರ ಸರ್ಕಾರದ ಸಾಧನೆಗಳ ಕುರಿತು ಶ್ಲಾಘಿಸಿದರು.

ಕಳೆದ 10 ವರ್ಷಗಳಿಂದ ಭಾರತ ದೇಶವನ್ನು ಆಳಿದ ಕಾಂಗ್ರೆಸ್, ನಾಗರೀಕರ ಮೂಲತಭೂತ ಅಗತ್ಯಗಳನ್ನು ಪೂರೈಸುವಲ್ಲಿ ವಿಫಲವಾಗಿತ್ತು. ಇದೀಗ ನೂತನವಾಗಿ ಕೇಂದ್ರ ಚುಕ್ಕಾಣಿ ಹಿಡಿದಿರುವ ಭಾರತೀಯ ಜನತಾ ಪಕ್ಷ, ಆಡಳಿತಕ್ಕೆ ಬಂದು 6 ತಿಂಗಳಿನಲ್ಲೇ ತನ್ನ ಸಾಧನೆ ಮಾಡಿ ತೋರಿಸಿದೆ ಎಂದರು.

ಪ್ರಧಾನಿ ಮೋದಿ ನಾಯಕತ್ವದ ಬಳಿಕ ಪೆಟ್ರೋಲ್, ಡಿಸೆಲ್ ಬೆಲೆಯಲ್ಲಿ ಗಣನೀಯ ಇಳಿಕೆ ಕಂಡಿದೆ.

ಜನತೆಯ ಬೇಡಿಕೆಗಳ ಬಗ್ಗೆ ಅರಿವಿದೆ. ಈ ಹಿಂದಿನ ಯಾವುದೇ ಸರ್ಕಾರಗಳು ಅಧಿಕಾರ ಪಡೆದ 6 ತಿಂಗಳಿನೊಳಗಾಗಿ ಇಂತಹ ಸಾಧಾನೆ ಮಾಡಿತೋರಿಸಲಿಲ್ಲ. ಇದೀಗ ಬಿಜೆಪಿ ಕಾರ್ಯಗತದ ಮೂಲಕ ಮಾಡಿ ತೋರಿಸಿದೆ ಎಂದು ಕೇಂದ್ರ ಸಚಿವ ರಾಜನಾಥ್ ಸಿಂಗ್ ತಿಳಿಸಿದರು.