ಜಾಂಬಿಯಾ: ಕಾಡಿನ ರಾಜ ಎಂದೇ ಕರೆಸಿಕೊಳ್ಳುವ ಸಿಂಹದ ಘರ್ಜನೆಗೆ ಎಂತಹ ಪ್ರಾಣಿಯಾದರು ಬೆದರುತ್ತವೆ. ಅಂತಹದರಲ್ಲಿ 14 ಸಿಂಹಗಳು ತನ್ನ ಮೇಲೆ ದಾಳಿ ಮಾಡಿದರು ಜಗ್ಗದ ಒಂಟಿ ಆನೆ ಮರಿಯೊಂದು ಪ್ರಾಣಾಪಾಯದಿಂದ ಪಾಗಿರುವ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ಭಾರಿ ಸುದ್ದಿಮಾಡುತ್ತಿದೆ.

ಪ್ರಾಣಿ ಪ್ರಿಯರೊಬ್ಬರ ಕ್ಯಾಮರಾದಲ್ಲಿ ಈ ಅಪರೂಪದ ಘಟನೆ ಚಿತ್ರೀಕರಣಗೊಂಡಿದೆ. ಹಸಿದಿದ್ದ 14 ಸಿಂಹಗಳು ಕೆರೆಯೊಂದರ ಬಳಿ ತಮ್ಮ ಬೇಟೆಗಾಗಿ ಕಾದು ಕುಳಿತ್ತಿದ್ದವು. ನೀರನ್ನು ಕುಡಿಯಲು ಅಲ್ಲಿಗೆ ಬಂದ ಸುಮಾರು 1 ರಿಂದ 2 ವರ್ಷದ ಆನೆಯ ಮರಿ ಅವುಗಳ ಕಣ್ಣಿಗೆ ಬಿದ್ದಿದೆ. ಕೂಡಲೆ ಸಿಂಹಿಣಿಗಳು ನೇರವಾಗಿ ಆನೆಯ ಮೇಲೆ ದಾಳಿ ಮಾಡಿವೆ.

ಸಿಂಹಗಳು ಏಕಕಾಲಕ್ಕೆ ತನ್ನ ಮೇಲೆ ದಾಳಿಯಿಟ್ಟರು ಅಳುಕದ ಆನೆ ಕಾಲಿನಿಂದ ಸಿಂಹಗಳನ್ನು ಒದೆಯುತ್ತಾ ಕೆರೆಗಿಳಿದು ಬೆನ್ನ ಮೇಲಿದ್ದ ಸಿಂಹಿಣಿಯನ್ನು ಕೆಳಗೆ ಬಿಳಿಸಿ ಉಳಿದ ಸಿಂಹಗಳ ಮೇಲೆ ದಾಳಿಗೆ ಮುಂದಾಯಿತು. ದಾಳಿಗೆ ಜಗ್ಗ ಆನೆ ಮರಿ ವೀರಾವೇಷವಾಗಿ ಹೋರಾಡಿ ಸಿಂಹಗಳನ್ನು ಹಿಮ್ಮೆಟ್ಟಿಸಿತು. ಎಷ್ಟೇ ಪ್ರಯತ್ನ ಪಟ್ಟರು ಆನೆಯನ್ನು ಕೆಡವಲು ಸಾಧ್ಯವಾಗದೆ 14 ಸಿಂಹಗಳು ಅಲ್ಲಿಂದ ಕಾಲ್ಕಿತ್ತವು.


ವಿಡಿಯೋಗಾಗಿ ಇಲ್ಲಿ ಕ್ಲಿಕ್ಕಿಸಿ