ನವದೆಹಲಿ: ದೆಹಲಿಯಲ್ಲಿ ಭೂ ಸ್ವಾಧೀನ ವಿಧೇಯಕ ವಿರುದ್ಧ ರೈತರ ರ್ಯಾಲಿ, ಸಂಸತ್ ನಲ್ಲಿ ಮೋದಿ ಸರ್ಕಾರದ ವಿರುದ್ಧ ವಾಗ್ದಾಳಿ ನಡೆಸಿದ ರಾಹುಲ್ ಗಾಂಧಿ ಇದೀಗ ಮತ್ತೊಂದು ಶಕ್ತಿ ಪ್ರದರ್ಶನಕ್ಕೆಸಿದ್ಧರಾಗಿದ್ದಾರೆ.
ಇದೀಗ ಕಿಸಾನಡೆಸಲು ಮುಂದಾಗಿರುವ ಕಾಂಗ್ರೆಸ್ ಉಪಾಧ್ಯಕ್ಷ ಮಹಾರಾಷ್ಟ್ರದ ವಿದರ್ಭದಿಂದ ಅಥವಾ ತೆಲಂಗಾಣದ ಮೇದಕ್‍ನಿಂದ ಪಾದಯಾತ್ರೆ ಆರಂಭಿಸುವ ಬಗ್ಗೆ ಚಿಂತನೆ ನಡೆಸುತ್ತಿದ್ದಾರೆ. ಮೂಲಗಳ ಪ್ರಕಾರ ಮಹಾರಾಷ್ಟ್ರದ ವಿದರ್ಭದಿಂದಲೇ ಈ ಪಾದಯಾತ್ರೆ ಆರಂಭವಾಗುವುದು ಖಚಿತ. ಏಕೆಂದರೆ ಈ ಪ್ರದೇಶದಲ್ಲಿಯೇ ಹೆಚ್ಚಿನ ಪ್ರಮಾಣದ ರೈತರ ಆತ್ಮಹತ್ಯೆ ನಡೆದಿದೆ.
ಉತ್ತರಪ್ರದೇಶ, ಆಂಧ್ರಪ್ರದೇಶ, ರಾಜಸ್ಥಾನ, ಮಹಾರಾಷ್ಟ್ರ, ಪಂಜಾಬ್ ಮತ್ತು ತೆಲಂಗಾಣ ರಾಜ್ಯಗಳ ಹಲವು ಗ್ರಾಮಗಳಿಗೆ ಭೇಟಿ ನೀಡಿ ಕೃಷಿಕರ ಸಮಸ್ಯೆಗಳನ್ನು ಆಲಿಸಲು ರಾಹುಲ್ ನಿರ್ಧರಿಸಿದ್ದಾರೆ. ಮಂದಿನ ವರ್ಷ ಚುನಾವಣೆ ನಡೆಯಲಿರುವ ಬಿಹಾರಕ್ಕೂ ಭೇಟಿ ನೀಡಲು ನಿರ್ಧರಿಸಿರುವ ಕಾಂಗ್ರೆಸ್ ಉಪಾಧ್ಯಕ್ಷ ರಾಹುಲ್ ಗಾಂಧಿ ಅವರು ರೈತರ ಮನವೊಲಿಸಲು ಯತ್ನಿಸಲಿದ್ದಾರೆ. ಕೇಂದ್ರದ ಭೂಸ್ವಾಧೀನ ವಿಚಾರವನ್ನು ಉಪಯೋಗಿಸಿಕೊಂಡು ಕೃಷಿಕರ ಪರವಾಗಿ ರ್ಯಾಲಿಗಳನ್ನು ಮಾಡಿ ರಾಜಕೀಯ ಲಾಭ ಪಡೆಯಲು ಉದೇಶಿಸುತ್ತಿದೆ.