ನವದೆಹಲಿ: ಚೆಕ್‍ಬೌನ್ಸ್ ಪ್ರಕರಣಗಳ ಕುರಿತ ವಿಚಾರಣೆಯನ್ನು ಎಲ್ಲಿ ನಡೆಸಬೇಕೆಂದು ಇದ್ದ ಗೊಂದಲ ನಿವಾರಣೆಯಾಗಲಿದೆ. ಕೇಂದ್ರ ಸರ್ಕಾರ ಈ ಕುರಿತ ಸಂಧಾನ ಸಂರಚನಾ(ತಿದ್ದುಪಡಿ) 2015 ಮಸೂದೆಯನ್ನು ಗುರುವಾರ ಲೋಕಸಭೆಯಲ್ಲಿ ಮಂಡಿಸಲಾಗಿ ಧ್ವನಿಮತದಮೂಲಕ ಅಂಗೀಕಾರ ಸಿಕ್ಕಿತು.ಚೆಕ್‍ಬೌನ್ಸ್ ಪ್ರಕರಣಗಳಲ್ಲಿ ಚೆಕ್‍ನ್ನು ನೀಡಿದ ಸ್ಥಳ ಅಥವಾ ಕ್ಲಿಯರೆನ್ಸ್ ಸ್ಥಳದಲ್ಲಿ ವಿಚಾರಣೆ ನಡೆಸಬೇಕೆ ಎಂಬುದರ ಕುರಿತು ಗೊಂದಲಗಳು ಸೃಷ್ಟಿಯಾಗಿ ವಿವಾದಕ್ಕೂ ಕಾರಣವಾಗಿತ್ತು. ದೇಶದಲ್ಲಿ ಚೆಕ್‍ಬೌನ್ಸ್‍ಗೆ ಸಂಬಂಧಿಸಿದ ಸುಮಾರು 18 ಲಕ್ಷಕ್ಕಿಂತಲೂ ಹೆಚ್ಚು ಪ್ರಕರಣಗಳು ಪೆಂಡಿಂಗ್ ಇವೆ. ಮಸೂದೆ ಲೋಕಸಭೆ ಅಂಗೀಕಾರ ಪಡೆದಿದ್ದು ಅಧಿಸೂಚನೆ ಹೊರಡಿಸಿದ ನಂತರ ಕಾನೂನು ಜಾರಿಗೆ ಬರಲಿದೆ. ಇದರಿಂದ ಬಹಳಷ್ಟು ವರ್ಷಗಳಿಂದ ಇರುವ ಪ್ರಕರಣಗಳು ಇತ್ಯರ್ಥ ಕಾಣಲಿವೆ.