ಪಣಜಿ: ಇಲ್ಲಿನ ದಬೋಲಿಂ ವಿಮಾನ ನಿಲ್ದಾಣದಲ್ಲಿ ಕಳೆದ ಒಂದು ವರ್ಷದಲ್ಲಿ 37,199 ಇ-ವೀಸಾಗಳನ್ನು ವಿತರಿಸಲಾಗಿದೆ. ಗೋವಾಗೆ ಭೇಟಿ ನೀಡುವ ಪ್ರವಾಸಿಗರಿಗೆ ವಿಮಾನ ನಿಲ್ದಾಣದಲ್ಲೇ ವಿತರಿಸುವ ವ್ಯವಸ್ಥೆ ಇದಾಗಿದೆ. ಕಳೆದ ವರ್ಷದ ನವೆಂಬರ್‍ನಲ್ಲಿ ಈ ವೀಸಾ ಆನ್ ಅರೈವಲ್ ಯೋಜನೆಯನ್ನು ಜಾರಿಗೆ ತರಲಾಗಿತ್ತು. ಈ ವೀಸಾ ಸೌಲಭ್ಯ 113 ದೇಶಗಳಿಗೆ ನೀಡಲಾಗುವುದು. ಕಳೆದ ಒಂದು ವರ್ಷದಲ್ಲಿ 63 ದೇಶಗಳ ಪ್ರವಾಸಿಗರು ಇ-ವೀಸಾ ಪಡೆದುಕೊಂಡಿದ್ದಾರೆ. ಇ-ವೀಸಾ ಪಡೆದವರಲ್ಲಿ ರಷ್ಯಾದ ಪ್ರವಾಸಿಗರು ಹೆಚ್ಚಿನ ಸಂಖ್ಯೆ 20,258 ಇದ್ದು ಮೊದಲ ಸ್ಥಾನದಲ್ಲಿದ್ದಾರೆ.